إتصالات . و ما أدراك ما الإتصالات

[Golden man]

السلام عليكم

أولا أنا حبيت ضيف هذا الموضوع لأني محتاج المساعدة بشكل جدي بهذه المادة و ما عندي أي شي ضيفه بالمنتدى لمساعدة الآخرين فيها.

لذا بقترح نحل أسئلة الدورات و النقاش فيها لأنو في كتير أسئلة ما عندي الجواب الأصح إلها . فياريت من يلي بدأ بحل أسئلة الدورات يكتبلنا حله ليتم النقاش بالأجوبة للوصول للجواب الأصح .

لا يشترط حل دورة كاملة ... فقط نأخذ الأسئلة المضللة و الصعبة.

[mmn87]

لك وأنا كمان مو حابب هالمادة لأنها ما بعرف شلون:mad::mad:

بس الله يقدرنا و يخلصنا منها على أهون سبب و بعلامات عالية إن شاء الله

والله ينولك اللي في بالك يا Golden man ويسرلك كل أمورك

وإن شاء الله من الناجين ومن المتفوقين في هذه المادة

وشكراً لكthnx

[Executioner]

والله معكم حق يا شباب

إن شاء الله الكل بيتفاعل معكم بحل الأسئلة

وأنا بطلب من الجمييييع حركة + همة + نشاط

لأنو المادة متعبة

والله ولي التوفيق

[mahmoud]

و الله الحال من بعضه بس بدنا نبلش شي عملي و انا شايف انو الاشكال اكتر الشي بالمسألة يلي تقريبا متشابهة بكل الدورات فخلينا نحل على الاقل مسألة دورة واحدة و الكل بنفس النمط

و انا من جانبي لحبنزل كل يلي بقدر نزلو ، و طبعا في اشياء ما بعرف اذا كانت بتنحل او لأ

تقبلوو مروري

[samah]

شومنشان ما فهمت شي ببحث الموبايلات.
كأنو النوطة فيها شي زيادة عن اللي عطتو الأنسة.
شو بدنا نساوي.

[samah]

منشان مسألة الدورة تبع نبضة الرادار.
عرفت الحل بس مندون ما نستخدم f1يعني ما بعرف إذا صح ولا غلط .يلي عندو حل لا يبخل علينا.

[Golden man]

بالنسبة لبحث الموبايلات أهم شي أسئلة الدورات .

و مشان مسألة الرادار فالآنسة حلتلنا المسألة بالمعهد و أنا بذكر أنو ما فيها شي بس انا ما عندي دورة 2007 فياريت ترفعوها على المنتدى لنشوف إذا فيها اختلاف و إن شاء الله ما فيها مشكلة.

بس المشكلة بالأسئلة يلي فيها طلب تعديل إشارة أصلية تعديل مطالي أو ترددي بتحميلها على إشارة حاملة تعطى بعلاقة جيبية و يعطى أيضا ma , fm و يطلب رسم الطيف و تحديد تردد ومطال المركبة الأساسية و التوافقيات المتخامدة . فياريت من يلي عنده حل يكتبه بالمنتدى.

[Golden man]

الحمد لله عرفت حل السؤال من الآنسة و هو موجود بالصفحة التالية:
http://100hla.com/vb1/showthread.php?p=7388#post7388

بس أرجو من يلي عنده دورات 2007 يرفعا على المنتدى لأني ما لقيتها بالمعهد.