انطباعاتكم حول العهد

[martin]

أصدقائي أنا طالب مثلكم :D وعندي موضوع أود طرحه
الموضوع يهم كل طالب وهو تقييم للمعهد والمواد وللأساتذة في الفصل الأول:cool:، وهذا التقييم ناجم عن رأي خاص;)، وأرجو المشاركة بآرائكم .

أولاً) المعهد:
يعتبر المعهد جيد نسبياً وخاصةً بعد أن تغيرت هيكليته التنظيمية، إذ أصبح يتألف من اختصاصات وهذا شيء جيد تغير أسم الشهادة التي يمنحها من (مساعد مجاز) إلى (دبلوم تقني).

ثانياً) المواد:
بما أن اختصاصي هو (هندسة برمجيات) فلن أتحدث إلا عن مواد هذا الاختصاص وخاصة مواد الفصل الأول لأني لا أعرف غيرها إلى الأن، حيث أنها مواد ضعيفة بالنسبة لمرحلة أكاديمية.
1)البرمجة1:
من الطبيعي أن كون هناك مادة بهذا الاسم لأنها من اختصاصنا.
2)مدخل إلى الحاسوب :
هذه المادة ضرورية لكن للأسف لقد تم التركيز من قبل الأساتذة على الأشياء السخيفة في هذه المادة مثل
(word_excel_powerpoint) ومرو مرور الكرام على الأشياء المهمة مثل access فهذا البرنامج لم نفهم منه شيء مع أنه مهم جداً.
3)نظم تشغيل:
هذه المادة كانت قد تكون من أهم المواد لو أنه تم التركيز على الجانب البرمجي منها فلم يتطرق الأساتذة إلا للأشياء النظرية السخيفة التي يعرفها 99% من المستخدمين ، وأيضاً تم إدخال البنية مع هذه المادة رغم أن لا علاقة للبنية بنظم التشغيل.
قد يسأل البعض ما الجانب البرمجي في نظم التشغيل.
هناك جوانب برمجية عديدة حيث أنه يجب أن نعرف ماهي لغات البرمجة المستخدمة في إنشاء الويندوز واللينوكس وكيف تم ذلك أو البرمجة عن طريق الدوز ، وأيضاً لم يتكلموا عن بنية نظام التشغيل وما هي وظائفه.
4)أسس كهربائية:
ربما يكون لهذه المادة فائدة في اختصاص البرمجة ولكني لا أعلم ما هي وأرجو من الذي يعلم أن يتحفنا.
5)الرياضيات:
الذي أعلمه أن أساس البرمجة هي الرياضيات فمن الضروري أن تكون هذه المادة موجودة.
6)الثقافة القومية:
هي أهم مادة في العالم
7)اللغة العربية :
أنا برأيي مهمة لأنها لغتنا الأم.

ثالثاً)الأساتذة:
تقييمي عن الأساتذة لا يعبر إلا عن رأيي مع أحترامي لجميع الأساتذة.
1) م.محمود حيدر:
أستاذ قدير جداً وأرجو أن يستمر في تدريسنا في مواد البرمجة القادمة.
2)م.كناز:
أستاذة قديرة وجيدة الإعطاء.
3)م.هيتو:
أستاذة قديرة وجيدة الأعطاء.
4)م.حسان كيالي :
أستاذ قدير ومحترم ومعلوماته ممتازة
5)م.أنس قصار:
أستاذ قدير جيد الأعطاء.
6)م.أفنان بامية:
آنسة فهمانة كل شيء ولكن ليس لديها القدرة على تفهيم شيء.
7)أ.بشار زعبلاوي:
أستاذ قدير وممتاز في الأعطاء لكنه غريب الأطوار.

بقي سؤال أخير، ياهل ترى هل نستحق لقب( مهندس برمجيات) بعد التخرج؟:mad:
أرجو الدعاء لي وللمسلمين.
thnx[/COLOR][/COLOR][/COLOR]

[نانا وبس]

:rolleyes:موضوع كتير صحيح وحلو وأنا بنضم صوتي الك لاني انا معانية بنفس الاسباب

[saleem]

معك حق بكلشي حكيتو وانا بضم صوتي لموضوعك

[mss cool]

أخ منك ضروري تفتح جروحتنا
يعني بدي رد و وووووالمشكلة اني رح رد عن كل نقطةو كون أول صريحة بالموضوع ووووو يالله بس تقبلوا رأي
أولا – المعهد : رأي متل رأيك
ثانيا – المواد :
-برمجة : هاها المادة حلوة بس ماأخدت حقها أبدا حتى بالقسم الي عطونا إيه
-مدخل الحاسوب :
أول شي هي لازم يسموها office
وتانيا معك حق مشان الـaccess
وتالتا حتى ببقية أوفس كان اعطاء لمستوى متوسط ومعلومات قديمة أخدنها بالسابع
-النظم : على اعتبار انو اتخمنا تفاصيل disk top الي ماحدا بيعرفها رح ابدي رأي
أولا المادة مو ضرورية أبدا لأنو ما بتخيل في شخص بيشغل الكمبيوتر وما بيعرف هالتفاصيل
والبنية انهضم حقها باعطاء المادة هل الأسم لأنو البنية كان لازم تكون أكتر
-أسس : هي أكتر مادة انظلمت و السبب أنو ما اخدنا من الجمل أدنه فالدارات المنطقية الي يفترض تصير عنا من المسلمات و أساسية ليقدر الواحد يركب أحد تجهيزات الكمبيوتر الداخلية...بس يالله نحنا برمجياتت وما بتهمنا
باقي المواد أنا بأيدك
ثالثا الأساتذة :
- م.محمود حيدر : أنسان بكل معنى الكلمة و الحلو فيه طولة باله و تعامله مع طلابه كأنهم أولاده
- م.هناء بدوية : صحيح الأنسة ما درستني بس كل الي بعرفهم بشهدوا بحكمة الأنسة وروعتها
- م.راغب شقير : خير أساتذة العهد و فعلا انسان متفهم و متواضع و طويل البال مو متل ماكتير طلاب بيقولوا
- م.حسان كيالي : الله الله على الأستاذ .. خبرة و علم واسلوب ومنهجية وبيقدر الواحد يوقف اذا بده يوصفه
- م.ياسر عبسة : أكثر الأساتذة تواصل مع طلابه الحلو فيه انو بيعطي خبرته لطلابه وبالرغم من صغر سنه وحداثة عهده إلا أنه أثبت وجوده
- م.غيداء هيتو : الأنسة قديرة كتير بس مظلومة بعدد الحصص مقابل خيرتها
- م.كناز ايتونة : خبرتها بالمادة كبيرة وشخصية راقية بس أنا شخصيا ما قدرت اتواصل معها
- أ.بشار زعبلاوي : الأستاذ عنده مادة أساسية بعلوم الحاسوب وهو متمكن منها ولكن الأسلوب قلبه الطيب مو بمحله كل الأوقات
- أ.ياسر الجواهري : متل مابقول على طول الأستاذ موسوعة علمية ومكتبة متنقلة غزيرة بالمعرفة والحمد لله انو رح يدرسنا الفصل التاني
بالنسبة لسؤالك فأنا عندي مبدأ " انشتاين لمن اخترع مادرس بجامعة "

من طالبة برمجيات

[martin]

حكيك مظبوط يا mss cool أينشتاين لمن اخترع ما كان بلجامعة بس كان عايش بمجتمع بقدر الخبرات
أما مجتمعنا فهو مجتمع دكتور و مهندس وبيهتم بلشكليات
وبعدين أينشتاين كان حالة خاصة وما أجى متلو
أما لينوس تور فالدرز مخترع اللينوكس فكان طالب متلنا بس المعلومات يللي كانت عندو كانت كافية ليقدر يوصل لنظام تشغيل
صحيح كان بلبداية غير متكامل لكن الطريق ببلش بخطوة وهلأ صار منافس للويندوز.
والحياة خطوة خطوة
وإذا بدنا ننطر لنوصل لأختراعات من دون قاعدة علمية بصير الغرب عايشين بلمريخ ونحنا لسعتنا بلصحرى
أسف بس نحنا محتاجين لكم هائل من العلم وبوقت قصير لنقدر نصير
وشكراً

[نور الدين]

بضم صوتي لصوتاتكم و كتير حلو منك ياmss cool هل الكلام بس الشي الوحيد اللي بدي أعرفه شوأختصاصك يعني ماشاء الله بتعرفي كل الأساتذة وطريقة إعطائهن لك وفي منن مادرسونا نحنا البرمجيات يعني بصراحة إنتي متل الزبدية الصيني وعلى رن

[J*O*H*N]

السلام عليكم:;)
الموضوع هو أنه كل عضو يحكيلنا عن تجربته بالفصل الأول و رأيه بالمعهد و الأساتذة و الطلاب و أي شي بحب يحكي عنه بخص المعهد.
أنا بعرف أنه في كذا موضوع بالمنتدى متل هل الموضوع بس أنا رح أتوسع فيه و كمان لأنه أنا و الأعضاء الجدد ما سنحت لنا فرصة نشارك.
رح أبدأ أنا واحكي رأي بكل شي بخص المعهد:
المعهد:
بالفترة الأولى ما كنت حابب المعهد و كنت ناوي إني عيد البكالوريا بس بعد شهر و أكتر عجبني المعهد وتأقلمت معه و نويت كمل دراسة فيه لأني حسيته معهد مميز يمكن بسبب اهتمامي بالكومبيوتر بس السبب الأكيد هو أني حبيت الطلاب و الأساتذة بالمعهد
الأساتذة
م.محمود حيدر:: أستاذ رائع جدا و أسلوب تعامله مع الطلاب إن كان بالعملي أو النظري أروع
م.هيتوآنسة قديرة و إعطائها للدرس جميل و متفاهمة مع الطلاب
م.حسان كيالي: شو ما حكيت عنه و أد ما مدحته رح كون مقصر بحقه يعني أستاذ غني عن التعريف و ما شاء الله موسوعة كتب هالأستاذ(هههههه)يعني شو ما بتسأله بجاوب و بناقش.
م.كناز و م.أفنان:كل الطلاب رأين واحد فيهن أنا منهن يعني ما في داعي للحكي.
أ.بشار زعبلاوي: أستاذ قدير و يلي بميزه عن الأساتذة هي اوراق العمل على عكس باقي الأساتذة
م.وفاء: مع احترامي لها بس دائما نحنا يلي منشرح الدرس بالعملي
أ.نصوح:ما في داعي احكي عنه بس رح قول أنه ما بيعطي الطالب حقه بالمذاكرات و لا بالفحص متل ما سمعت من طلاب السنة التانية
أ.حمودة:إعطائها للدرس حلو و محاضرتها حلوة و على طول أسئلتها سهلة
الفحص:
كل المواد كانت أسئلتها مستواه وسط يعني ما فيها صعوبة إلا أسئلة المدخل كانت صعبة نوعا ما و بالرغم من ذلك حملت كذا مادة بسبب ظروف صعبة أجتني وقت الفحص إن شاء الله بالفصل التاني رح رفعها
الطلاب:
السمة العامة للطلاب هي طيبة القلب و محبتن لبعضن البعض
بالنسبة للفئات:
الفئة الأولى والتانية و الرابعة السمة الغالبة لطلابها عدم اهتمامن بالدراسة إلا القليل جدا منهم هذا ما سمعناه من الآنسة هيتو مع احترامي لهم وهاد ما شاهدته أنا من خلال علامات طلاب هذه الفئات
الفئة التالتة:أول شي غالبية طلابها مجتهدين و متفوقين و ما يميز هذه الفئة عن باقي الفئات هو روح التعاون و المساعدة بين طلابها الموجودة بشكل جميل أنا بصراحة معجب بأسلوب تعاملن مع بعضن يعني طلاب هالفئة بكملوا بعضهن البعض
الفئة الخامسة: رح اختصر بكلمتين فيه طلاب مجتهدين بنافسوا طلاب الفئة التالتة بس التعاون بين طلابها شبه معدوم والفئة السادسة نفس الفئة الخامسة تقريبا
و تمنياتي بالفصل التاني أنه يزداد التعاون بين الفئات ليصيروا فئة وحدة
بالنسبة لأثاث المعهد:(مشان يصير الموضوع حلو):D
القاعات: نص المقاعد بلا براغي و مسامير يعني أحيانا بتجلس على المقعد و إذ بخشبة تقع على الأرض أو احيانا تضع يدك على ظهر المقعد إذ بتلاقي الخشبة ضربت خلقتك:confused: أما بالنسبة للألواح فهدول لهفة بكل المحاضرات و خاصة بمحاضرة الرياضيات يعني إذا رفعنا اللوح بدنا نص ساعة لنثبته إذا نزلناه بينزل عالأرض:D
أما مخابر المعهد::D:D
فالذي يميزها هو كمبيوتراتها الحديثة والمتطورة و سرعتها الخيالية يعني نص ساعة ليشتغل الجهاز و خمس دقايق ليفتح البرنامج و دقيقتين انتظار لكل خطوة يقوم بها الطالب
و أروع شي كمبيوترات مخبر الكهربة يعجز المرء أن يتكلم عن مواصفاتها يعني بعد كم سنة رح نلاقي هالكمبيوترات بالمتحف(هههههه):D
انتهى رأي وهيك بكون حكيت وجهة نظري بكل شي بخص المعهد و هلأ صار دورك .
إن شاء الله تعجبك صراحتي و هيك موضوع بيستحق مشاركات كتيرة


__________________________________________________ _____________
There is no greater
gift in life than a
Forever friend

[msk]

وأنا كمان بدي ضم صوتي لصوتك في معظم النواحي يلي حكيت عنها يا سيد مارتين بس بدي ضيف أنو نحنا كهندسة برمجيات نعتبر ما أخدنا سوى فكرة عن البرمجة بعرف أنو يمكن تقلي أنو بكير ولسا بدنا ناخد عدة لغات بس بدي قلك لا تنسى أنو المعهد كلو سنتين يعني لو بدل هالمسخرة نظم التشغيل(على أساس) لو زودولنا محاضرات البرمجة كنا تعمقنا شوي بالبرمجة.
وبالنسبة للآنسة المخضرمة أفنان بامية أنا بنصحها تتصل بLBC وتاخد منهم رقم يلي كانوا يدربو على تقوية طبقات الصوت بستار أكاديمي لأنو طول الفصل اشتهيت اسمع صوتها ما بذكر غير سفر وواحد سفر سفر ايه والله عيب
(تقبل مروري)

[J*O*H*N]

لك وين المشاركات
شو بس عم تقرؤوا الموضوع
:(
_________________________________________________
There is no greater
Gift in life than a
Forever friend

[MoHaNeD]

رائع ما كتبتو والاروع انكم احببتم المعهد
وانشاء الله تكونو من الطلاب الذين قد انتجو وذهبو الى المعلوماتيه

[طالب]

الأستاذ حيدر

أستاذ جيد وخبير


أنسة وفاء

جيدة


الأستاذ خالد

لابأس فيه