وأنا عم أدرس حبيت فيدكم

[مــحــمــد]

بسم الله الرحمن الرحيم
السلام عليكم ورحمة الله وبركاته ...

أحببت أن أطرح هذا الموضوع ليكون فيه فائدة لي ولكم بإذن الله فأنا سأطرح كل شيء بحس فيه نكشة
من خلال سماع تسجيل المحاضرات وإن شاء الله سأستمر في ذلك...
ومن عنده بعض الإضافات المفيدة فأرجو أن لا يبخل علينا بها ...

هلأ من خلال دراستي لاحظت أنو لازم إجباري نشوف النوطة والدفتر معاً ونحنا عم ندرس...



المحاضرة الأولى:
طبعاً هي تحدثت فيها الآنسة عن توزيع المنهاج وكيفية تنزيل النظام إن كان من خلال الفي إم وير أو البارتشن ماجيك وبعض توزيعات النظام

والشركات المصنعة له ...
فهي محاضرة خالية من النكشات :) ...

المحاضرة الثانية:
هنا أخذنا العناصر الأساسية الكونة لأي نظام تشغيل :
1- النواة :
في شغلة رقم إصدار النواة وللي هو مثلاً ال 6 في النسخة 2.6 :
إذا كلن الرقم زوجي 2.6 2.4 2.2 فهي نسخة مجربة وجاهزة وقد تم التأكد من جودتها ....
أما إذا كان فردي فدليل أنه نسخة قيد التجريب..

يمكن أن يوجد أكثر من نواة بإصدارت مختلفة ضمن الحاسب ويتم الإقلاع بإحداها عند بد التشغيل ...
طيب ليش بدنا أكثر من نواة؟؟
لأنه يمكن يكون في أحد الأنوية ميزة دعم هاردويرمثلاً (فلاشة-usp)غير موجودة في نواة أخرى وهكذا...

في ويندوز لايمكن حجب النواة عن باقي خدمات النظام أما هنا فيمكن ذلك ...

2-نظام الملفات :
طبعاً في درس كامل عليه فلا ناكل همه ..
بس عجبني الأمر man mount الذي يعطي كافة اسماء أنظمة الملفات

التي يدعمها لينوكس ...
هلأ أنظمة الملفات القياسية في لينوكس هي :ext1 ext2 ext3 ....
ويدعم ال ntfs ,fat32 ووو....
ومعنى يدعم أي أنه يقرأ ويفتح ملف منشأ في نظام تشغيل آاااخر ...
بينما ويندوز لا يدعم سوى ntfs
,fat16/32

3-مفسر العمليات shell :
الملاحظة المهمة هي :
ليس من الضروري أن يفتح shell عند دخول المستخدم وهذا يتم عند ما

لانريد للمستخدم أن يرى سطح مكتب أو ينفذ أمر
وإنما نريده فقط أن يعم على برنامج ومحدد فيتم ربط دخول هذا المستخدم بهذا البرنامج (كما في الشركات الضخمة)..
وهذه الخاصية غير موجودة في ويندوز ...

طبعاً هناك عدة مفسرات في لينوكس ونستخدم نحن ال bash ولكي نعرف أسماءهم كلهم نكتب الأمر:
cat /etc/shells
حيث الأمر cat يشير إلى فتح الملف بشكل عام ..

-مع كل فتح إيقونة طرفية يتم فتح shell جديدة...

المحاضرة الثالثة:
الإقلاع..
الحقيقة وأنا عم أسمع الحاضرة (اللي كنت غايب عنها )حسيت أنو الطلاب ما زيادة حبوا الاقلاع :) ...
إخواني متل ما قالت الآنسة بالمحاضرة مادتنا مادة حفظية(وليس بصمية) يعني معليش أطلقوا العنان لتخيلاتكم شوي:)
يعني مو ضروري تشوفو ال mbr والقطاع 0 وووو ....المهم تحفظوا ترتيب العملية ..

هلأ الملاحظات (وليس المراحل) اللي عجبتني بالمحاضرة هي :
1-يتم تشغيل البيوس والذي يحوي 13 برنامج وأول مرحلة (برنامج)هي الpost وآخر مرحلة هي تحميل ملفات نظام التشغيل .
2-قراءة سجل ال mbr الموجود في القطاع 0 في الهارديسك.
هناك قطاع خاص بال mbr رقمه 0
وهناك قطاع خاص بكل سواقة يحمل الرقم 1
فلو عندي xp على c:وفيستا على d: وأردت الاقلاع فيستا فستذهب المسارات إلى القطاع 1 في الd:.
هلأ بال mbr لح يكون في برنامج الإقلاع (boot loder) أو مسارات لملفات الاقلاع.
طيب ما تفسير :
إذا كان عندي لينوكس وويندوز فعندما أقلع يقلع لينوكس ومن خلاله أدخل للويندوز .
التفسير أن برنامج الاقلاع في لينوكس يسبق نظيره في الويندوز بالرغم أن كلا البرنامجين موجودين في الmbr .
3-النواة تكون مضغوطة وعند تحميلها إلى الذاكرة نقول تنفرد النواة هناك .
ويكون مكان النواة مخزن في ال boot وله رقم..
boot/vmlinuz-2.4.20-8 وهو رقم النواة لنسخة ريد هات 10 ..
أما رقم النواة في ريد هات 4 this:2.6.9-34
4-قرص الذاكرة الابتدائي initrd يحمل مع النواة على الرام ويوجد أيضاً في البوت وله نفس رقم النواة ولكن بلاحقةimg ..
طيب شو هي الimg :
كلنا صار يعرف أنو النواة متى ما صارت بالرام تعرفت على المكونات المادية الأساسية (معالج-لوحة-ذاكرة-الكيبورد-الفارة-منافذ الدخل والخرج) ....
وقرص الذاكرة الابتدائي (اللي لاحقته img) يخبر النواة بالمكونات المادية الإضافية (الكروت و....) ولكن لا يعرِّفهم
طيب هي كلمة يخبر شلون يعني :
قال هي هي اللي لح تشرحلنا شو هي img >>
فالimg صورة أو حالة معينة عن المكونات المادية الإضافية يأخذها متل ماهي (حيث يخزنها ضمن file) ويعطيها دفعة واحدة .

5-وقت بلشت الآنسة تشرح أولى المراحل الستة لل init صار في استطراد مشان تشرحلنا شو هاد نص برمجي script :
الكومبايلير :يحول الكود للغة آلة يفهمها المعالج ويحول الناتج لملف تنفيذي (exe)
وعملية الترجمة تتخزن في ملف الexe مما يسرع وقت التنفيذ.
هلأ في الإنتر بريتر كمان متل الكومبايلر بس بيختلف عنه أنه لايفسر إلا أثناء التشغيل (في ال run time) فتنفيذه أبطأ من الكومبايلر.
هلأ ال script : ملف مكتوب يمكن فتحه وقراءته وعند التشغيل يفسر ما بداخله.
أما ال exe :لايمكن فتحه وقراءة ما بداخله ...

فمن هنا جاء اللينوكس مفتوح المصدر لأنه يستخدم السكريبتات في برمجة النظام عكس الويندوز الذي يعتمد على الباتش فايل ....

6-مراحل التعريف:
أ-مرحلة النواة (المكونات الاساسية)
ب-مرحلة ال initrd :تخزيييين معلومات عن المكونات الاضافية ولكن لا يعرفها .
ج- هلأ هون بيجي ال rc.sysinit وبشغل الsysconfing (هاد هو الملف اللي خزن فيه ال initrd صورة الحالة ولا شو؟؟) فهون بقى بتتعرف النواة على المكونات الإضافية .

7-اتمنى أنو ما حدا يخربط بين حالات العمل الستة التي يقلع الحاسب بها وبين الشاشات النصية الستة اللي منتنقل فيها من خلال alt+cltl+f1||f2||f3....f6 ...وf7 للعودة للحالة الرسومية...
عفواً يمكن تكون الشغلة بايخة كتير بس للأسف في عالم خربطوا فيها ...

الحاضرة الرابعة:
أوامر المستخدم:طبعاُ هون لح نطلع من موضوع الإقلاع بس لسا ما خلص ولح نرجعله بالمحاضرة اللي بعدها
حلو التغيير مو :) ...

هاد الدرس اللي بدو يفهموا يربطه بالمنتدى متل ما ساويت وخصوصي بالمتواجدون الآن ...
1-فمنجي للأمر who لح يستعرضلي اسماء المستخدمين العاملين الآن وأرقام طرفياتهم (يعني منين فايتين من سطح مكتب لما واجهة رسومية)
ولح يعرضي وقت الدخول إلى هذه الواجهة ...
هلأ :0 تشير إلى اسم المستخدم اللي فتح سطح الكتب ....
pts يعني المستخدم فاتح طرفية من خلال سطح المكتب (يعني اللي منفتحها من التطبيقات ))....
tty يعني المستخدم فاتح طرفية بس من خلال alt+crlt+f1,f2,f3,f4,f5,f6

ملاحظة :ببرنامج الفي إم وير افتراضياً يكون alt+crlt للتنقل بين الويندوز والبرنامج ...
فلذلك :
من ediat ناخذ perferamces ومن ثم hot keys

2-بالأمر who -u :يستخدم لإظهار أسماء المستخدمين الفعالين الآن (يعني اللي عم يشتغلوا) ...
كمان هي إذا بتربطوها بالمتواجدون الآن بتفهموها ...
بس هون زمن التوقف(idle) بعد دقيقة من التوقف عن فعل أي شي ببلش يعد زمن ...وإذا طلع (.) معناتها الزلمة عم يشتغل هلأ إذا طلع؟ يعني واقف على سطح المكتب وماله زمن توقف ...

3- منجي للأمر w الذي يستخدم لاظهار اسماء البرامج التي ينفذها المستخدمين:
'هلأ الحقل from لح يعطينا آي بي المخدم اللي داخل المستخدم من خلاله وليس آي بي المستخدم ...
كمان بالمتواجدون الآن (للمشرفين) بيطلع آي بي سوا أو ميغا نت أو.... وليس آي بي كرت المودم تبع العضو ...
وبدي قول للأعضاء اللي عم يفوتوا بكذا عضوية كاشفكم وحياتكم ;)

والحقل jcpu :يعطي الزمن اللازم لتنفيذ هذا الأمر من قبل المعالج...
jcpu الزمن اللازم لتنفيذ الاجراء الاب من خلال المعالج ....
طيب مين الإجراء الأب ؟؟؟
قال الاجراء الاب لعمليات المستخدم هي نسخة shell المفتوحة لهذا المستخدم...
ونسخة ال shell اللي عنا بالريد هات هي bash .....


وهلأ حاجة اليوم :) .... و يتبع إن شاء الله ...
وبتمنى من إخوتي أن يصححوا لي إذا غلطت بشي شغلة ويضيفوا إذا في إضافات ..

و السلام عليكم ورحمة الله وبركاته ....

[مــحــمــد]

السلام عليكم ...
يالله قررت نخلص اليوم لينوكس ....

وهلأ لح نكفي ملاحظات الإقلاع .....
طيب شو رأيكم نلخص شو عم يصير بتعدادات ونكفي ...

-1منكبس على زر التشغيل :) بيشتغل البيوس بالروم وبيفحص العتاد وآخر عملية هي تحميل ملفات الإقلاع لنظام التشغيل حيث يقوم بقراءة سجل الاقلاع الرئيسي mbr واللي في ضمنه ال boot loder


2-هلأ بال boot loder في :
أ- اسم نظام التشغيل الذي سيقلع به
ب- مكان وجوده على القرص الصلب
ج- كيفية تحميله:في حال اختيار نظام لينوكس يقوم بفرد النواة(بما أنها مضغوطة) في الram والتي تقوم بتحميل الوحدات البرمجة اللازمة لاستمرااار الاقلاع .وتوضع النواة في ram مشان التعرف على المكونات الاسااسية.



3-يحمل أيضاً مع النواة الinitrd الذي يخبر النواة بالمكونات المادية الاضافية الموجودة ولكن لا يعرِّفهم طبعاً.


4-هلأ هون النواة بتقوم بتشغيل ملفات الاقلاع مو العكس (متل ويندوز) فبتشغل برنامج ال init ليكمل عملية الاقلاع ويكون هو الاجراء الاب ويأخذ الرقم 1 .
الإجراء :هو البرنامج في حالة العمل .


5-هلأ ال init له 6 خطوات .
1ً-تشغيل نص برمجي script والموجود هنا:etc/rc.d/rc.sysinit/
مهام ال rc.sysinit :
أ-يحدد مسارات الملفات التنفيذية للنظام.
ب-يشغل منطة ال swap (الذاكرة الظاهرية)
ج-يقوم بتشغيل الملفات الموجدة ضمن sysconfing الموجود في ال etc
يعني هون لحتى تعرف على كل شي .
2ً-قراءة الملف inittap (جدول التعريف)من أجل تحديد حالة العمل التي سيقلع فيها الجهاز واللي هي 7.
هلأ افتراضياً لح يختار رقم 5 وهاد لأنو وهو عم يقرأ ال intitap في سطر بقول أمو هي هي الحالة الافتراضية (وفينا نغيرها بتعديل السطر)...
3ً-تحميل المكتبات المصدرية الخاصة بنظام التشغيل الموجود في مجلد lib/ من أجل معرفة كيفية تشغيل الملفات الخاصة بحالات اعمل .. طبعاً اللاحقة تبع المكتبة هي so :static object
4ً-هلأ هون بشغل ملفات الحالة المراج الدخول بها والتي يتم معرفتها من خلال قراءة ال inittap
وبما أن الافتراضية 5 فسيقوم بقراءة السطر :
etc/rcd/rc5.d ويقوم بتشغيل الملفات الموجودة ضمن المجلد rc5.d

هلأ هون بلاقي البرامج يا محطوط قدامه s مشان يشغلها يا k مشان يتركها واقفة عن العمل ...
وكمان قدام كل برنامج في رقم مشان ترتيب التشغيل والإيقاف ...
حيث عند التشغيل يبدأ بتشغيل أصغر رقم (الابن)وهكذا حتى يصل إلى الاب...
بينما في الايقاف يقوم بإيقاف أكبر رقم (الأب ) وهكذا حتى يصل إلى الابن ...

وفي ملاحظة:
كل الملفات الأصلية الخاصة بالخدمات (مجلدات الحالات) موجودة في المجلد الأصلي inita.d الموجدود في rc.d
والذي يوجد في مجلد الحالة هو عبارة عن إختصار وملفه الأصلي موجود في inita.d ...

5ً-تشغيل الملف etc/rc.d/rc.local/
هلأ هاد الملف دفعي (patch file) يعني منحط فيه أسماء برامج نريد تشغيلها ...
فمثلاً يمكن منحط أسماء برامج معينة نريد تشغيلها للمستخدمين فبشوفوها أول ما بفوتوا ...

مثال آخر :عندي كرتين شبكة وأثناء الأقلاع مالح يتعرف الحاسب غير على واحد فمشان الكرت التاني منحط تعريف هالكرت في هذا الملف لتم تعريفه ..

6ً-ملف mingetty هاد شغلته يطلعنا عبارة ال login اللي بتنقسم لتلت عبارات...
1- اسم الشركة والاصدار
2- النواة
3- اسم المخدم وعبارة login

وهيك منكون خلصنا إقلاع .....
ما بعرف كنت بدي أكتب ملاحظات بس قام كرجت الشغلة معي:) ...
يالله إن شاء الله بتكونوا عم بتستفيدوا ....

يتبع إن شاء الله ...الدرس التالي هو أوامرا إدارة الملفات والمجلدات ...

والسلام عليكم ورحمة الله وبركاته ....

[asoma]

السلام عليكم ورحمة الله وبركاته ...
يسلموا ايديك أخي نمر البرمجة وأسكنك الله الفردوس الأعلى من الجنة على تعبك مع المنتدى .واليوم جمعة والدعوة مستجابة ...أدعو الله أن يثيب كاتب الموضوع ..ويفيد قارؤه ...انه ولي ذلك والقادر عليه .....
بس هيك عن جد عم نستفاد ونفهم كتير شغلات ماكنا فاهمينها لانه هي الطريقة الي منفهم فيها يمكن .... وجزاك الله عنا كل الخير ....
وبانتظار جديدك لادارة الاوامر والملفات أخي وانشاء الله علطول بتكرج معك ....
والسلام عليكم ورحمة الله وبركاته ...

[مــحــمــد]

السلام عليكم جميع ....

شفت هالموضوع بأحد المنتديات وحبيت يكون مساعد لنا بالنسبة للأوامر.

وشكراً لهذه الدعوة الكريمة أختي أسومة والحمد لله اللي استفدتي من الموضوع.

دليلك إلى أشهر أوامر اللينكس


(1)- SU
في العادة ندخل إلي لينكس بحساب مستخدم محدود Limited ولكن عندما نريد القيام بعملية خاصة مثل تثبيت البرامج فيجب علينا الدخول بحساب المستخدم الجذر ROOT والذي يعادل المستخدم المدير Administrator في الويندوز MS Windows .... فهنا يجب علينا إصدار الأمر SU ثم الضغط على زر الإدخال Enter يظهر لنا سطر فارغ فنكتب فيه كلمة السر الخاصة بالمستخدم الجذر ROOT...............

(2)- IS
يقوم هذا الأمر بسر الملفات الموجودة قى Hard Diask الخاصة باللينكس

(3)- Man
يعد هذا الأمر من أهم أوامر اللينكس وفائدته أنه يعد وسيلة مساعده .. قلكى نعرف كيف نستخدم أمر معين , نستخدم هذا الأمر عن إصدار
MAN <COMMAND>

(((( ملحوظة))))
الاوامر فى اللينكس كثيرة جداً واذا اردنا ان نعرف معلامت عن امر ما فمثلا اذا اردنا معلومات عن الامر IS فما علينا الا اصدار MAN IS

**** ملحوظه هامه جداً****

كثير منا لا يعرف أوامر اللينكس ولكن اذا اردت ان تعرف امر يقوم مثثلا باتشاء المجلدات فى اللينكس فما علينا الا الاستعانة بأمر man على الشكل التالى
Man –k <keyword>
و المعامل keyword تدل على العمل الذى تريد ان تقوم به ولكن لابد ان يكون وصف العمل مختصر.

(4)- mkdir
يستخدم هذا الأمر والذي يعد من الأوامر الأكثر استخداما في اللينكس لإنشاء مجلد جديد.......

(5)- more
وفائدته البحث عن ملف معين على أن يكون البحث في محيط الفهرس الذي نصدر الأمر منه الأمر ونحن فيه , فمثلاً لو أننا في الفهرس /aly وأردنا أن نبحث عن الملف Test في المجلد /aly فيجب علينا أن نصدر الأمر على الشاكلة التالية
/aly/more test

(6)- CD
يستخدم هذا الأمر لتغيير الفهرس الذي الذي نعمل علية

(7)- CP
لنسخ ملف ما نقوم بإصدار هذا الأمر

(8)- MV
لنقل ملف ما

(9)- PWD
يحدد لك الفهرس الذي تعمل من خلاله أى أنه يحدد موقعك تماماً

(10)- RM
لإلغاء ملف ما

(11)- RMDIR
لإلغاء فهرس (مجلد)

ملاحظة بسيطة :

الأوامر أعلاه مكتوبة بالأحرف الكبيرة ولينكس حساس جدا لحالة الأحرف فلو كتبت SU فلن يعمل النظام شيئا وسيقول لك ان هذا الأمر غير موجود , لذا فجميع الأوامر السابقة تكتب بأحرف صغيرة


طبعاً يتبع بإذن الله ........

والسلام عليكم ورحمة الله وبركاته.....

[dragon]

مشكور والله يجزيك الخير
ان شاء الله بنستفاد من هالموضوع بالمستقبل
:):):)

[مــحــمــد]

أهلاً أخي dragon وإن شاء الله كون عم فيدك بهالموضوع ....

وهي رابط فادني بشرح الأوامر أرجو أن يفيدكم .
http://www.hiarab.net/article7892.html

[مــحــمــد]

السلام عليكم ..
ففففففف ...الحمد لله ... خلصت لينوكس :) ...
ومشان الأوامر لا حظت أنو في شرح بالنوطة كافي ووافي (من الصفحة30 وأنتو رايحين)...
وكمان في الرابط اللي أكرمتنا فيه أختنا أسومة بموضوع "روابط مفيدة " ...
http://www.kettaneh.net/os/linux.htm
بانتظار اسئلتكم وتعليقاتكم ....

والسلام عليكم ورحمة الله وبركاته....