يعني لو بنشد حيلنا بنقدر نقنع الإدارة...بس لازمنا شوية أفكار

[العقل البرمجي]

السلام عليكم ورحمة الل وبركاته




شباب وشابات



كيف الحال؟؟



بصراحة وضعنا بالمعهد شي بأسي....يعني برنامجنا ما عم يساعدنا نشد حيلنا

وبدنا نغير البرنامج للأفضل بجهودكم

أنا هلأ ححط عيوب البرنامج وانتوا لو موافقين أو عندكم إضافات عالعيوب الموضوع مفتوح للجميع:



عيوبه:

1:وضع أكثر من مدرس لبعض المواد.

:::::::::::::::::::::::

2:التقارب الكبير بين المواد(يعني برمجة الحصة الأولى والعملي الحصة الأخيرة) مثلا يعني وبتكون البرمجة قبلها بيوم يعني صفينا 5 أيام ماعم نقرب عالبرمجة ولما بنحضر بالحصة اللي بعد 5 أيام بتكون نص المعلومات "إذا مو كلها" طارت!!!!!
بعدين بيقولوا انتوا ضعيفين بالمادة , وغيرها كتير......

:::::::::::::::::::::::


يعني لو بنعمل جهدنا كلنا وناخد كل المساوئ بالبرنامج ونقدمه للإدارة بصيغة جديدة

يمكن الإدارة تقدر تساعدنا

"مع الأخذ بعين الإعتبار اننا لما بدنا نحط البرنامج الجديد لازم نخليه خالي من التعارضات بين المدرسين مع تلاشي كافة العيوب السابقة واللي حتفيدونا انتوا فيها"


:::::::::::::::::::::::

منتظر تفاعلكم لحل الأزمة


:::::::::::::::::::::::::::::::


طبعا طلاب السنة التانية مدعوين للتفاعل معنا نظرا لخبرتهم


"ولإنهم بيمونوا عالإدارة;)"

[Bond]

100 هــــلا فيك أيهـا (( العقــل البرمجي )) . . .

:)

يمكن أغلبنا بنعــرف إنو البــرنامج فيه عيــوب ..

بـــس بتصــور إنو الكلام عن تعديل البرنامــج الأسبوعي متأخــر نوعاً ما ..

يعني ... أنت بتعرف إنو صرنا بنــص الفصــل التاني ....

مشان ما تشغــل نفســك وتفكيرك بهيك قصص مامنها نتيجــة ...(( هذا رأيي ))

لذلك بنصحــك تتأقلــم مع الوضــع ....

بانتظار المزيد من إبداعــك ..

تقبــل مروري ...

[العقل البرمجي]

مشكور أخي بوند على مرورك الرائع


بس كان بودي إننا نعمل شي يغير من مستوى قسم البرمجيات شوي"أو أي قسم آخر


يعني لو فضفضنا هون ما بيأثر


حتى لو كان الحكي ما منه فايدة


وبيني وبينك (أنا كتبت الموضوع لإنو في كتير طلاب عم يضيعوا علينا كتير محاضرات مشان يناقشوا المدرسين بهالموضوع)


يعني الشغلة آخرها فيها مصلحة للطلاب


يعني يحكوا هون أحسن ما يروحوا علينا المحاضرات


وشكرا مرة تانية على مرورك الكريم

[J*O*H*N]

شكرا أخي لفتحك هذا الموضوع و لو أنه بس رح نفضفض هون
يعني الفصل التاني فيك تقول أنه رح يخلص.......
أنا برأي لا حدا يفكر مجرد تفكير أنه يحكي مع الإدارة
لأنه حكينا مع الإدارة بشغلات صغيرة و كان الرد دائما: يطنشواااااا :(
يمكن الإدارة تقدر تساعدنا
على عيد المشمش :confused:
على أي أساس يمكن.... 4smil
والله البرنامج في مشاكل كتيرة و مستحيل يصححوا :(
بعدين كلما نزلوا برنامج بكون أضرب من يلي قبلو

[Most Hacker]

والله مشكور على هالفكرة الحلوة و على لهفتك للموضوع بس صدقني تيتي تيتي رحتي متل ما جيتي
يعني مارح تستفاد شي لأنو ما حدى رح يرد (كالعادة) فلا تتعب حالك عالفاضي بشي مفروغ و ميؤوس منه.......:(

[SCORPION]

شكرا كتير اخي لطرحك مثل هذه المواضيع المهمة
بس انا كمان رأيي من رأي الشباب
يعني اجا بوقت متأخر كتير
و اكيد ما عاد في فائدة


2:التقارب الكبير بين المواد(يعني برمجة الحصة الأولى والعملي الحصة الأخيرة) مثلا يعني وبتكون البرمجة قبلها بيوم يعني صفينا 5 أيام ماعم نقرب عالبرمجة ولما بنحضر بالحصة اللي بعد 5 أيام بتكون نص المعلومات "إذا مو كلها" طارت!!!!!
بعدين بيقولوا انتوا ضعيفين بالمادة , وغيرها كتير......



بكافة الاحوال نحن طلاب جامعة و لازم يكون اعتمادك الاول و الاخير على نفسك
ولازم تكون متابع و ما تعتمد على منهاج المعهد فقط
و تستفاد من المراجع و المساعدات الاخرى

[Thaer_yeah]

مية هلا فيك ( العقل البرمجي)
وبتشكرك لفتح هالموضوع و متل ما
ذكرو الشباب اجا بوقت متأخر
و بامكانك تذكرنا فيه ببداية السنة التانية
(.......عم امزح....)
وبعتقد انو اكبر مشكلة بالبرنامج هي ساعات
الفراغ بين المحاضرات اللي عم يعاني منها البعض
اذا ما دبر حالو مع غير فئة بالحضور


تقبل مروري

[أبوعمر]

بسم الله الرّحمن الرّحيم
السّلام عليكم ورحمة الله وبركاته
أهلاً وسهلاً بك أخي (العقل البرمجي):
بالنسبة للرقم 1 لم أفهم ما هو قصدك!، أما بقية الأفكار فحسب تجربتي الشخصية الرد هو كالآتي:
الموضوع جاء متأخراً نوعاً ما لكنه جيد من حيث المبدأ.
بالنسبة للإدارة إذا طلبنا منها في بداية العام القادم تغيير البرنامج فلن تهملنا لكنها لن تستجيب! غريب أليس كذلك! ببساطة الموضوع متعلق بالبناء نوعاً ما ومتعلق براحة الأساتذة لأنه كما هو معلوم المهم دائماً هو راحة الأساتذة لأن بعض الأساتذة يدرس في مكان آخر وكون البناء لا يخصنا فالأفضلية للمعهد الثاني دائماً ولنفرض جدلاً أننا انتقلنا للمعهد الجديد فبالنهاية:
"إرضاء الناس غاية لا تدرك".
لكن ما سبق لا يعني أن تترك هكذا أفكار وتئدها بل دائماً اكتب لأن هناك الكثير من الأفكار التي يمكن تطبيقها وهناك الكثير من المشاكل يمكن حلها.
في النهاية أشكر لك قراءتك، وأتمنى أن أكون قد تفاعلت عوضاً عن طلاب السنة الثانية.
والسّلام عليكم ورحمة الله وبركاته

[مــحــمــد]

يا هلاااا بالعقل البرمجي .....

أخي شفت كلمة نفش خلقنا هون .....

والله يا سيدي أنا معك من هالناحية ..وفعلاً خلينا نفضفض لبعض هون ....

بس بتمنى ما نعطي لحالنا أعذار الإدارة والبرامج والاساتذة لأنو ما لح نستفاد شي ....

ففش خلقك أخي وأنا معك بس كمان في شغلة أنو المدير والاساتذة بفوتو على المنتدى :)

بدنا ندير بالنا شوي :)

[mahmoud]

طبعا طلاب السنة التانية مدعوين للتفاعل معنا نظرا لخبرتهم


"ولإنهم بيمونوا عالإدارة"



ما حدا بيمون على هيك ادارة حتى الادارة بحد ذاتها ما بتمون على حالها :D:confused:

هاد رأيي

[العقل البرمجي]

جزيتم خيرا جميعكم على مروركم الطيب


وبعرف انو الموضوع متأخر


بس لهلأ في شباب عم يضيعولنا أوقات الحصص مشان يتناقشوا بهالموضوع مع المدرسين


يعني نحنا فاتحين هالموضوع مشان ما يصير هيك شي


وعن جد بشكر كل مين أفادنا بهالموضوع وتفاعل


يعطيكم العافية