برنامج sim 80-88

[Golden man]

السلام عليكم

أظن أن الكثير من الطلاب يعانون من مشكلة عدم توافر برنامج sim 80-88 المستخدم في مادة بنية الحاسب بسبب منع نسخه من المعهد خوفا من الفبروسات و الحق مع الآنسة لأن موضوع الفيروسات لا يحتمل و لا يمكن ضبطه إلا بهذه الطريقة.
و لكن الآن يمكنكم تحميل البرنامج و هو صغير الحجم جدا

و أرجو من الطلاب الكرام التعاون في وضع تعليمات البرامج و تعليمات لغة الاسمبلي بشكل مفصل في هذه الصفحة

و التعليمة الأولى من عندي :(خاصة بالبرنامج)
big : تقوم بإظهار كافة المسجلات حيث تكون المسجلات الظاهرة بداية هي المسجلات الأساسية فقط و عندما نكتب التعليمة big تظهر أيضا المسجلات المؤقتة و المساعدة (و التي تبين كيفية التحويل من عنوان منطقي إلى عنوان فيزيائي)


البرنامج على الرابط التالي :
http://www.100hla.com/upload/downloa...9ec61e78c9265b (http://www.100hla.com/upload/download.php?file=faca613c56dc0372f89ec61e78c9265b )

[أبو يامن]

التفاتة جميلة ..
على فكرة بحب خبر الطلاب انه يجب الانتباه الى كل خطوة من خطوات تنفيذ التعليمة في العملي ..
لانو وقت فحص العملي الانسة بتطلب من الطالب انو ينفذ تعليمة ما وثم تسأله بكل خطوة شو عم يصير ..وليش عم تتغير القيم بالمسجلات ..مشان هيك شباب ديروا بالكون وركزوا منيح ..

مشان موضوع التعليمات ..بتذكر تعليمة
step4

هي التعليمة لعرض مراحل تنفيذ التعليمة خطوة خطوة وذلك بالضغط على زر المسافة (space)

وعند كتابة
step 0
ينفذ المعالج التعليمة دفعة واحدة ونشاهد فقط النتائج ..

بكل المحبة ..أبو يامن

[SYR_SNIPER]

اول شي وين الملف المرفق ؟!:confused:

وتاني شي : واااااو في اسمبلي بالسنة التانية ؟!:)
شي حلو :D والله
بس سؤال بيعلمونا برمجة عكسية شي ؟باستخدام olly او IDA ؟

[Haboosh]

و الله يا Sniper على زماننا ما عطوا هيك شي

بس على تغيير المنهاج ما منعرف

شكراً Golden Man على المبادرة المفيدة

:)

[SYR_SNIPER]

انا متأكد ما رح ناخد بس
بندعي بلكي الله بيستجاب ^^

[Haboosh]

Sniper كأنك عامل دورات قبل ما تفوت عالمعهد صح ؟

فينا نعرف شو دارس ؟!

:)

[أبو يامن]

حكي هبوش مظبوط ...يعني نحنا اخدنا اسيملي بس ما اخدنا هيك شي ..
بس هلأ لغوا قسم الاستاذ فراس سحلي من المادة ..
يعني صارت الانسة شيماء مالح عم تعطي المادة كاملة ..
يعني اكيد لازم تتوسع بالمادة اكتر ..

على فكرة ..قسم الاستاذ فراس يلي كان موجود كانوا الطلاب يشتكوا منو وكان بنظرهون انو الجزء الصعب من المادة

مع اني انا كنت كتير حبو ..ويا لطيف شو اشتغلنا فيه
:rolleyes::rolleyes:
على العموم موفقين ..

[SYR_SNIPER]

لا والله مو دارس شي بس هيك اطلاعات وقراآت وكان عندي سرفر للعبة اونلاين عالمي ايام كنت برا البلد كنت العاشر عالعالم لول وملفات السرفر كانت كلها مشفرة فكنت اتعلم هدول الشغلات مشان اعرف عدل عالملفات بس بالشي الي يخدمني بس فلهيك حابب اتعلم بطريقة عامة مشان ما كون محدود بمجرد لعبة صحي هي شغلة صعبة بس لسا في اشياء اصعب
في عندي رفيق نمساوي مستعد يغير مجرى برنامج كامل ويضيفلوا وظائف او حتى يشيل منو بدون اصلا ما يعرف يبرمج يعني انتو اشطر منو بكتابة برنامج بس هو بيشتغل بالاسمبلي عمرو 17 :d

[Haboosh]

يعني Sniper بفهم منك أنك بس بتعرف أسمبلي صح ؟

على كل حال حلو الإنسان يكون عندو رغبة بالتعلم الذاتي

:)

[SYR_SNIPER]

لا مو هيك بالظيط بالعكس الأسمبلي اكتر شي ما بعرفو بس بعرف شو بيعمل وعندي خبرة شوي ب c++ وباسكال اما خبرتي كلها صايرة بالشي الي كنت اشتغل فيه وهو السرفر تبعي وشلون شفر وفك تشفير ملفاتو او حتى هكر السرفر العالمي الأساسي تبع اللعبة الي بكوريا مو اكتر يعني اعتبروني ما بعرف شي

[PrisoN BreaK]

كيفك نور وينك؟

[SYR_SNIPER]

هلا حبيبي انا هون بس والله كنت مشغول شوي عم ادرس رياضيات :d

[Golden man]

يا شباب شو صار بالموضوع

كأنو بعدنا شوي عن المقصود

أنا لما وضعت هي المشاركة كان قصدي تصير مرجع كامل لبرنامج sim 80-88 مو تصير مكان سلام و وئام

أرجو من الشباب ما يكتبوا مشاركة إلا يكون فيها شرح تعليمة من تعليمات البرنامج أو الأسمبلي و يلي ما بيعرف بالبرنامج أرجو تكون مشاركتو عبارة عن سؤال

لأنو إذا صارت كل المواضيع ساحة سلام و ضاعت الفكرة الرئيسية ما عاد حدا يفوت على المنتدى و بيصير بس لمضيعة الوقت

أرجو من السيد غسان وضع منتدى خاص للترحيب و السلام

و أنا الآن لن أخرج عن الشرط الذي وضعته و هو شرح تعليمة في كل مشاركة :

الأمر E (خاص بالبرنامج):
يقوم هذا الأمر بفتح الذاكرة لعرض محتوياتها مع إمكانية التعديل عليها
مثال :
E 100 يقوم بفتح العنوان 100 و عرض محتوايته و يمكن التعديل عليه بكتابة القيمة الجديدة مباشرة[/FONT][/SIZE]

[Haboosh]

أنا مع Golden Man بهالكلام

يعني بتصور أنو دفتر التفقد و الحضور فتحنا فيه مجال لتبادل التحية و السلامات

[mahmoud]

اهلا بمن مر على الموضوع

sniper بالنسبة للبرمجة العكسية التي تتكلم عنها

فأظن من سابع المستحيلات أن تعطى

و لكن ان كنت تحب ، عندي مراجه كويسة على جهازي عن كيفية التعديل على ملفات تنفيذية بلغة الاسمبلي و أشياء أخرى

عن البرمجة العكسية أو الهندسة العكسية

و لكل من يجهل هذه البرمجة نقول و باختصار:

هي التعديل على ملف تنفيذي exe مثلا بدون الحاجة الى معرفة ما هي لغة البرمجة المكتوب بها البرنامج

اي انك انت الذي تتحكم بالملف بدون أن تحك لغة البرمجة التي جرى برمجة البرنامج بها

و هي ممكنة بكثير من لغات البرمجة

شكرا لكم على المواضيع التي تطرحونها