الكبار الأطفال (إلى متى...)

[Lion]

إلى متى سنظل أطفالاً....
إلى متى سنظل نستمتع بتخريب مقاعد الدراسة وأجهزة المخابر
إلى متى سنظل هكذا....
تمتلئ قلوبنا بهجة عندما ننجح في نزع عنصر من لوحة الكترونية وتصل البهجة إلى قمتها عندما تنكسر إحدى أرجل العنصر ويصبح عاطلاً عن العمل
إلى متى سنتسلى بكتابة الذكريات على لوحة المفاتيح أو على أطراف الشاشة أو على طاولات المخابر أو على أبواب القاعات....
إلى متى سنظل هكذا....
إلى متى سنظل تضيف (كلمات السر) إلى الأنظمة في المخابر ثم نضحك عندما نعلم بأن (أمين المخبر) اضطر إلى (فرمتة) الأجهزة.
إلى متى سنظل هكذا...
نجري وراء سراب
نلعب على الشط بينما الصيادون قد وصلوا إلى أعماق المحيط
أقولها من كل قلبي
إلى متى...

أخوكم
Lion

WF.co

[SCORPION]

من الصفر الى مالا نهايه

لا والذكريات صايرة موضة

كل واحد بيكتب اسموا و اسم صديقوا\صديقتوا معو

(بالمعية يعني)

بس حبيب البي ليون لا تستغرب عادي

لانوا بتعرف التاريخ يخلد العظماء و هالشخص هاد بيكون خايف على حالوا

ليقوم ينساه التاريخ خطية حرام بتعرف لانوا هو العبقري

الذي سينقل الامة من الجهل الى النور

ولذلك اينما ذهب يكتب X مر من هنا

مشان مستقبلا يدرسوا الجيل الجديد عن اسلوب حياتوا لـ X و خطوات التطور

امابالنسبة لكلمة المرور :

كمان انا معو بهالنقطة 100%

لانوا الوضع بيوحي انوا هو مجرد شخص عادي جاية ليتعلم بس اخخخخخخخخخ

لو تعرفوا الحقيقة :

هاد بزنس طالب و اكيد بتعرف خصوصيات العمل و سكيوريتي ووووووووو...........الخ

و مشان تخريب القطع الالكترونية :

فهاد موضوع مفروغ منو و غير قابل للنقاش.........

و الا كيف بدوا يفتخر بحالوا هالـ X

لازم بس يتخرج يطلع و يقول انا من طلاب المعهد التقاني للحاسوب

و اقولها و انا بكامل قواي العقلية مرفوع الراس مشرئب الى الاعلى

لقد حققت نتائج مبهرة :
1- تخريب 7 قطع الكترونية من نوع الـ IC
2- تبديل ازرار الكيبوردات (مشان يساعد الطلاب على حفظ الاماكن الاصلية)
3- تخريب جميع الماوسات التي تعمل على الطابة (حابب يخدم الطلاب مشان الادارة تجبلهم ماوسات ليزرية)
.
.
.
.
............الخ

يعني بالنهاية اخي الحق معهم و ما لازم نعترض
ولا انتوا شو رأيكم..؟؟؟؟؟؟؟

[Thaer_yeah]

مرحبا اخواني
lion,scorpion
يعني دق المي و هية مي(لا تتعب قلبك يا قلبي اصحابك بيحبوا الغربة)

والله مشكلة قفل اجهزة المخبر بكلمات السر تعودنا عليها
و لكن القصة وين
لما بيجي احدهم على محاضرتك وشو بيقلك:
((( نحنا في المعهد عنا احدث الانظمة والبرامج والتي قادرة على كشف من
قام بتنزيل كلمة السر الى الحاسب و هذه البرامج غير موجودة بالبلاد التي ..........)

فهون شو بيصير بأخونا الطالب المسكين فجأة ,,,
بيحس انو احدهم عم يتحداه
وبطبيعتوا هوو مغامر و بيحب التحدي فلذلك بينزل كلمة سر للجهاز
وطبعا بيجي عباقرة الطلاب اللي عندهن برامج لكسر كلمات السر
(( انا بعتقد انو هنن اللي حطو كلمة السر 1000000% ))
بيروحولك الحصة كالعادة على كسر هالكلمة و اخر
الحصة بينادو للاستاذ (( استاذ عرفتها))

فبرأيك متل هيك نموذج من الطلاب .........؟؟؟؟؟؟؟؟

[Golden man]

هي هيي الـ vandalism أو التخريب المتعمَّد للممتلكات العامة أو الخاصة, حكى عنها أستاذ الانكليزي كتير ,و منعها يعتبر من أصعب الأمور .

[Eyad]

هي هيي الـ vandalism أو التخريب المتعمَّد للممتلكات العامة أو الخاصة, حكى عنها أستاذ الانكليزي كتير ,و منعها يعتبر من أصعب الأمور .
السلام عليكم

والله عمرك كما يقال أطول من عمري
لقد سبقني بها أخي عكاشة

vandalism هي صعبة الحل لكنه غير مستحيل واذا لم نوقفه نستطيع على الأقل أن نأخره
لكن بالنهاية يتوجب علينا التوعية وهو واجب علينا وفرض عين على كل منا

لاننا بالنهاية من يدفع تكاليف كل هذه الأشياء - نحن معشر المواطنين -

وعندما نظهر لهذه الشرذمة أنها على خطأ وأننا لا ولن نسكت على هذه الأشياء
سيرتدعون ولو قليلا ولو ربما أمامنا :
فقد أطاعك من يرضيك ظاهره -*-*-*-*-*-*-*-*-*-*-*وقد أجلك من يعصيك مستترا

[mahmoud]

هي هيي الـ vandalism أو التخريب المتعمَّد للممتلكات العامة أو الخاصة, حكى عنها أستاذ الانكليزي كتير ,و منعها يعتبر من أصعب الأمور .

يسلم هالفم

بس بظن ان كل واحد بلش بحالو .. بيتحسن الحال كتير

لكم مني كل الحب و التقدير ايها الزملاء

[Bond]

إلى متى سنظل هكذا...
نجري وراء سراب
نلعب على الشط بينما الصيادون قد وصلوا إلى أعماق المحيط

فعـــــلاً

:(

[Mr.Google]

اي والله ياجماعة كلامكون كله سليم

لكان توصل معون الجرأة انه يكتبوا على اللوح المضيء في مخبر الشبكات الذي كما قال

الأستاذ ياسر عبسة أن سعره يصل 150000.. (فعلا شيء لايتخيله العقل)

ياحررررررررررررام على هالناس شو مساكين (يعني انا ماني متخيل مدى التخلف العقلي

لبخليهون يفكرو بهيك تفكير ليمكن أخي لصغير لعمره 5 سنين مابفكر فيه ) عن جد شي غريب

يعني هذه العقول يلزمها تأهيل لتصبح ذات مسؤولية ووعي لكن اللوم كله يرجع للتربية

فاذا كان مافي تربية متل العالم والناس شو بتـتأمل من هيك ناس غير الخراب لهذا المجتمع

على كل حال بارك الله بكم ونتمنى أن يكون لهذا الموضع صداه في أرجاء المعهد

وتقبلوا مروري وتحياتي Mr,google

[مــحــمــد]

جزاك الله عنا كل خير أخي LION...
ويمكن الجواب :

إلى أن ندرك أن المعهد هو بيتنا الثاني ...

إلى أن نفقه أننا المتضرر الأول من هذه العمليات ...

إلى أن نفهم معنى التطور والحضارة ومن أين يبدأ ... قبل أن نتشدق بالقول :
"سوريا بلد غير حضاري"...و "أجهزة المخابر ليست جيدة" ...

والسلام عليكم ورحمة الله وبركاته

[SCORPION]

اي والله ياجماعة كلامكون كله سليم

لكان توصل معون الجرأة انه يكتبوا على اللوح المضيء في مخبر الشبكات الذي كما قال

الأستاذ ياسر عبسة أن سعره يصل 150000.. (فعلا شيء لايتخيله العقل)



اخي غوغل يمكن صار معي شوية غلط بالارقام

لانوا المخبر مكلف بحدود 18000000 ل . س

فالج لا تعالج

[dragon]

والله أخ lion الحق معك
دارجة موضة بالمعهد هلأيام بكون بطل يلي بيخلي كميوتر مابيشتغل
شي بحط كلمة سر كأنو كمبيوتر يلي خلفوا وشي بضرب التعاريف وبيضرب الويندوز
شي بحذف مكتية تعليمات من برنامج ال++c فبيصير البرنامج متل التو
بس ان شاء الله إلا ماتفرج
والا مانلاأي حل

[wili@m]

السلام عليكم أخي ليون والله بموضوعك هاد بتكون عم تحط أيدك على الجرح تمام

بس لسا في شغلة غفلو عنها الأعضاء واجهتني ببداية العام هية يمكن تكون جديدة شوي(جديدة على الشباب بس قديمة عند اللولاد) أنو في كم × من الناس أو الطلاب بالضبط كانو طول الوقت حاملين كميرة الجوال و يصورو كل شي حولهم بس لاتظنو أنن عم يأرشفو التاريخ لا هدول عم ينتظرو موقف ما لينشرو بالبلوتوث بين الشباب مثلا هي مقطع فيديو وقت y غلط على اللوح هي و قت فلان وقع هي و هي و هي ...... و الحديث يطول بس جوابي على سؤال إلى متى أو وقت منعرف الكل × عم يقوم بعمل معين و تتخذ الإدارة بحقو العقوبة الصارمة إلى حد ما عم تكون النتيجة إيجابية و يتوقفو عن الأعمال التخريبة لأ الأفضل نسميها الأجرامية

و أخيرا شكرا ألك أخي ليون لتميز مواضيعك