ما رأيكم بهذا الموضوع .. كتير ضروري

[mahmoud]

اهلا باخواني و زملائي الاعزاء

منذ فترة وجدت بعض الطلاب الاعزاء يريدون ان يحمو برامجهم و كتبهم من

القرصنة او ما يسمى (سرقة البرامج و الكتب )

فلهذا وجب طرح هذا الموضوع .

و السؤال :

هل انت مع البرامج و الكتب المقرصنة ؟ و لماذا ؟

و هل انت تستخدم هذه البرامج ؟

ما مساوء استخدام هذه الادوات المقرصنة ؟ و ما منافعها ؟


تقبلوا كل حبي و احترامي ......:)

[Thaer_yeah]

مرحبا اخي محمود
وبتشكرك على طرحك لهالموضوع

طبعا العلم مالو محدد على شعب معين او جنس معين
ولكن العلم مفتوح للجميع
وكل واحد هوو و اجتهادو


ولكن لمن انا رح اشرح برنامج معين او فكرة معينة
او حتى اكتب اي دفتر عندي على الحاسب
او اتعذب بملف بوربوينت
وعذب حالي و ضيع وقتي على هالشغلة
و بنزل الملف على اي منتدى
و بيجي غيري
بكل سهولة و ادب و احترام
بينزل الملف عندو و بيعدل حرف او تنين عالملف
(او احيانا ما بيغير شي)
فلذلك هيك اعضاء (بدون ذكر اسماء )
و خاصة على منتدانا و متل ما سماها اخي وسام
(اقتباس ملفات) تعودو على هالشغلة
مشان هيك انا ما بيطلع بايدي غير احمي الملف للي عم نزلوا
و خليه للقراءة فقط
يعني انت اذا حابب تستفاد من ملفي افتحوا وهوو للقراءة فقط
اما لمن بدك تعدل و تضيف اشكال الوان اكيد انا ما رح اسمح بهالشي
وهيك امر عم يخلي الاعضاء اللي عم يتعبو انهن يحمو الملف او البرامج بكلمة سر
ولكن هالملف اذا انت بدك تستفيد منو فانت قادر على هالشي
واسف عالجريدة اللي كتبتها
هل انت مع البرامج و الكتب المقرصنة ؟ و لماذا ؟
لا...لاني بحب اعرف مين كاتب اي موضوع عم اقرأه





( مجرد رأي )

[Golden man]

هل انت مع البرامج و الكتب المقرصنة ؟ و لماذا ؟
ربما نعم و ذلك لأنه لولا هذه القرصنة لكنا جميعا جهلة و لا نعرف شيئا من علوم الكمبيوتر

و هل انت تستخدم هذه البرامج ؟



نعم , للأسف لأني مضطر:(.


ما مساوء استخدام هذه الادوات المقرصنة ؟ و ما منافعها ؟
المساوئ :
1 - كما تدين تدان : أي أنه عليّ تحمل قرصنة برامجي و كتبي إذا تم ذلك طالما أنه ليس هناك حقوق ملكية .
2 - تحمل كامل المسؤلية عند حصول أي خطأ تقني يسبب دمار مشروع عمل بشكل نهائي و ذلك لعدم القدرة على الحصول على دعم الشركة الصانعة للأداة المقرصنة لحل هذا الخطأ.
3 - اعتماد البلدان النامية على منتجات البلدان المقدمة بقرصنة أدواتها مما يسبب خمول في انتاج برمجيات خاصة بها و صعوبة في عمل حكومة الكترونية .
.
.
.

المحاسن :
1 - إتاحة العلم للجميع .
2 - سرعة في تطور المعلوماتية لكثرة المساهمين.
3 - ازدياد قوة حماية البرمجيات مقابل تطور أساليب فك الحماية و كثرة الأدوات .
.
.
.

[WISSAM]

مسا الخير أخي محمود
مشكور على هالموضوع المفيد ....

أكيد متل ما قال الأخ ثائر كل واحد لازم يحفظ الموضوع اللي ساوا
وهي الشغلة مو مشان شي بس حتى ما يجي شي واحد يتفهمن على حسابو

ونحنا صايرين عم نطلق أسماء بتخفف شوي من الحدة والإحتقار لمن يفعل هذه الأشياء بس هاد الشي ما بغير من الحقيقة شي
يعني عملية (القرصنة - اقتباس الملفات --------) هي سرقة ولكن من نوع آخر وبجوز يكون أسوأ من السرقة اللي منعرفها

وأخيرا آسف عالجريدة اللي كتبتها (عقولة أخي ثائر).............

هل انت مع البرامج و الكتب المقرصنة ؟ و لماذا ؟
لا...لاني ما بحب أنو حدا يجي يبيض وش قدامي (أوقدام الطلاب بالمعهد) بالبرنامج أو الكتاب اللي سارقو

[مــحــمــد]

السلام عليكم ورحمة الله وبركاته ...

أولاً وبصراحة مازلت أمياً في الهاكر :) ...

هل انت مع البرامج و الكتب المقرصنة ؟ و لماذا ؟
لحد الآن نعم ...
لأنه يظل علم من علوم الكمبيوتر ...
ودراسة الأمن والحماية تتطلب دراسة القرصنة ...
كما أحبذ فكرة تعلم الهاكر لتدمير المواقع الإباحية أو أي موقع ضد الإسلام ...

و هل انت تستخدم هذه البرامج ؟
لساتني غر :) يعني شغل إيميلات بس ...

ما مساوء استخدام هذه الادوات المقرصنة ؟ و ما منافعها ؟
المساوئ ...
بالنسبة لي (كمسلم) فأول ما أضع نصب أعيني حديث حبيبي رسول الله صلى الله عليه وسلم
عندما قال فيه : (ولا تجسسوا) ...
فإن كانت الغاية هي التجسس على أمور الغير فهذا خطأ كبير وسيئة أكبر ..

كم أنه يكون سيئاً إن لم يكن للمخترق هدف منطقي مقنع ...
فالهاكر (والغربي في الغالبية) هذه الأيام يتقنون الهاكر لمنافع شخصية ...وليس لمنافع عامة ...

المحاسن :
إيقاف كل عابث في النت عند حده ...
نتفقه في علوم الحاسوب أكثر لأنه كما قلت يظل فرع من فروع أمن المعلومات ...


وهذا ما لدي لحد الآن :) ...

والسلام عليكم ورحمة الله وبركاته ....

[J*O*H*N]

هل انت مع البرامج و الكتب المقرصنة ؟ و لماذا ؟

طبعا نعم
يعني مو معقولة أشتري أنا كل برنامج نسخة أصلية ($$$) والله بدي أدفع ما فوقي و ما تحتي كرمال أشتري ربع البرامج يلي عم نشتغل عليها...بعدين حتى لو اشتريت برنامج بدي صير أدفع كمان حق التحديث كل سنة ... يعني أسعار البرامج ناااااااااااار(بلا وجعة الراس)
بعدين والله البرامج المقرصنة والكتب ما بتشتكي من شي كلها نظامي و الحمد الله عم نتعلم عليها وبدون مشاكل...
و هل انت تستخدم هذه البرامج ؟

نعم شي طبيعي
يمكن الواحد يكون مو رضيان من داخله لأنه عم يسرق مجهود غيرو ويعتبر سرقة وحرام بس بالنهاية مضطرين :(

ما مساوء استخدام هذه الادوات المقرصنة ؟ و ما منافعها
والله GOLDEN MAN كفى و وفى يعني عطى الجواب من كافة الأبعاد
و اخيرا تــــــعــــــيـــــش الــقـــرصـــنــــة :) و تــموت الحــمــايـــة :mad:

[mahmoud]

السلام عليكم ورحمة الله وبركاته ...

أولاً وبصراحة مازلت أمياً في الهاكر :) ...

هل انت مع البرامج و الكتب المقرصنة ؟ و لماذا ؟
لحد الآن نعم ...
لأنه يظل علم من علوم الكمبيوتر ...
ودراسة الأمن والحماية تتطلب دراسة القرصنة ...
كما أحبذ فكرة تعلم الهاكر لتدمير المواقع الإباحية أو أي موقع ضد الإسلام ...

و هل انت تستخدم هذه البرامج ؟
لساتني غر :) يعني شغل إيميلات بس ...

ما مساوء استخدام هذه الادوات المقرصنة ؟ و ما منافعها ؟
المساوئ ...
بالنسبة لي (كمسلم) فأول ما أضع نصب أعيني حديث حبيبي رسول الله صلى الله عليه وسلم
عندما قال فيه : (ولا تجسسوا) ...
فإن كانت الغاية هي التجسس على أمور الغير فهذا خطأ كبير وسيئة أكبر ..

كم أنه يكون سيئاً إن لم يكن للمخترق هدف منطقي مقنع ...
فالهاكر (والغربي في الغالبية) هذه الأيام يتقنون الهاكر لمنافع شخصية ...وليس لمنافع عامة ...

المحاسن :
إيقاف كل عابث في النت عند حده ...
نتفقه في علوم الحاسوب أكثر لأنه كما قلت يظل فرع من فروع أمن المعلومات ...


وهذا ما لدي لحد الآن :) ...

والسلام عليكم ورحمة الله وبركاته ....


يا اخي بس توضيح انو البرامج المقرصنة هي البرامج التي نحصل عليها بدون دفع المقابل

المادي الذي فرضه صاحب البرنامج او الكتاب .

يا ريت نسمع رأيك بهالموضوع .. لأنه بيختلف جذريا عن الهكر او التدمير يلي بتقول عليه

و شكرا ل غولدن مااااان

و اسف اخي ثائر و وسام .. و اقسم بالله اني لا اقصدكم بالكلام هذا .. و لكنكم من اوحى

لي هذه القكرة .

و انا اسف ان كنتم فهمتم اني اقصدكم بهذا الكلام..

فلهيك يا ريت تقبلو اعتذاري

و تعيدو الاجابة ع الاسئلة كاملة .. لأنكم لم تجاوبوا عليها بشكل جيد

و شكرا للجميع

[مــحــمــد]

عم قووووول ليش هيك الشباب عم يحكوا :) ....

طلعت أنا اللي ماني فهمان شو السؤال ...

بس مشان الله لا تواخذوني يعني جاية من المعهد تعبان فجاوبت على السؤال متل ما فهمته للوهلة الأولى ونمت ...

على كل حال بصراحة ....سؤال غريب أخي ...

يعني محلاني ما استخدم البرامج المقرصنة ...

أو في حدا بسوريا كلها ما بيستخدم هالبرامج ...

وطبعاً إخواني اللي قبلي كفوا ووفوا ....

والسلام عليكم ورحمة الله وبركاته ...

[WISSAM]

مسا الخير أخي محمود
وأكيد اعتذارك مقبول نحنا أخوة
مشكور مرة تانية عالموضوع المفيد ....

بالنسبة للأسئلة أكيد يعني مو كل واحد نزل أسئلة بموضوعه لازم نتقيد فيها
يعني كل واحد بعبر عن رأيه بطريقته الخاصة !!!!

بس تكرم عينك هي إجاباتي عالأسئلة :

هل انت مع البرامج و الكتب المقرصنة ؟ و لماذا ؟
أحيانا نعم وأحيانا لا وهاد الشي بيتعلق بالفائدة أو الضرر مع ملاحظة أن ضرر هذه البرامج أكبر من نفعها

و هل انت تستخدم هذه البرامج ؟
أحيانا إذا كان هالشي بفيدني بجمع معلومات أو ......

ما مساوئ استخدام هذه الادوات المقرصنة ؟ و ما منافعها ؟
بالنسبة للمحاسن :
جمع المعلومات الخاصة بأي موقع
معرفة نقاط ضعف كل موقع واستغلالها
كسر كلمة مرور أي ملف نريده او يخدمنا في مجال عملنا
وغيرها .......
أما بالنسبة للمساوئ :
أكيد محاسن هالبرامج بالنسبة إلي رح تكون مساوئ للشخص الذي استخدمت ضده هذه البرامج

وأكيد هاد رأي شخصي مو أكتر .......

[Thaer_yeah]

مرحبا اخي محمود
انا بعتذر اذا الشباب فهمو من حكيي الموضوع بغير اللي انت قصدت تحكي فيه


ولكن (وهالمرة ما رح اكتب الجريدة )

طبعا انا بستخدم هالبرامج ما رح قلك المسروقة و لكن المنسوخة
لاني بحاجة لألها
وبدونها طبعا ما رح يبقى و لا برنامج بجهازي
واكيد انا ما بحب ابقى استخدمها دائما بس ما باليد حيلة

مساؤها ........
محاسنها :
اول شي رح توفر جزء مادي كبير
لانو الكل بيعرف اديش سعر البرامج الاساسية متل الفوتوشوب و الكاسبر او النيرو


و اخيرا تــــــعــــــيـــــش الــقـــرصـــنــــة و تــموت الحــمــايـــة

برأيي هادا اكبر غلط والايام رح تثبت هالشي!!!!!!

تقبل مروري

[Most Hacker]

والله أنو هالموضوع حساس كتير و مهم
أنا من جهتي بشجع البرامج المسروقة و بأيدها للعضم و روح قلبي دور على آخر الإصدارات و نزلها و إنشرها بين رفقاتي لأنو من سابع المستحيلات أنو ندفع ثمن برنامج واحد من هالبرامج يلي عم نستخدمها لأنو أرخص برنامج ثمنه لا يقل عن 2000 أو 3000 ليرة (بالدولار طبعاً)...... بس كل هالشي من وجهة نظري كطالب برمجة

أما من وجهة نظري وقت بدي اشتغل بالبرمجة هي إني ضد هالفكرة و مشان هيك لازم حاول قدر الإمكان إني صعب اختراق برامجي على المخترقين بس صير مبرمج محترف....فالأمر يحتمل وجهين و كلا الوجهين مفعم بالتحدي و هاد الشي هو يلي بيعطي دراسة الكمبيوتر حلاوتها ........يعني كل شيء مفتوح أمامنا و التحدي شغال و حلال عالشاطر.

[سلام]

الموضوع قديم شوي ... بس شدني
القرصنة التجارية يا شباب بعتبرها شي جميل لانو اللي مو قادر يحمي منتجو فهاد خطأو ... و اللي ما معو مصاري متلي رح يلجا للقرصنة ... و تحبا القرصنة التي شرشحت نسخة الxp حتى صار بربع دولار ...
لكن المصادر العلمية ما لازم حدا يقرصنها لانو بالنهابة هي بتكون نتيجة تفكير صاحبها و قرصنتها هي تضببع للمصدر الأساسي للعلم






سلام