شو رأيكم بالمعهد ؟

[wili@m]

السلام عليكم و رحمة الله

بتمنى تشاركوني بآرأكم بالمعهد أنا بصراحة ما كنت متوقعو هيك بس طلع أحسن بكتير من توقعاتي

صحي هو ممكن يكون أحسن بس ياشباب مو لازم نحط من طرفنا شوي لأنو ما شاء الله الشباب مو تاركين شي مو حاطين لمساتهم عليها : الحيطان مشخبرين عليها ، الكمبوترات و فيرسوها ، الطاولات و المقاعد شخبرو عليها و حفروا عليها كمان ،و الكراسي تكسرت و الأجهزة الكهربائية تخربت

يا ريت نحافظ عليها لأنو بدون هالأدوات هي نحن ما كنا تعلمنا شي و لا حدا كان تعلم

و بدي أشكر كل شب و بنت حافظو ومازالو يحافظون على المهد وأدواتو كما يحافظون على ممتلكتهم الخاصة و أحسن
رعاهم الله

[brave heart]

قبل ما تحكوا عن المادة او بتسموها العدو بالمعهد دوروا على اسباب البشر ...... يعني على سبب وجود نسب عالية بالرسوب ببعض المواد اذا مو معظمها ... ووجود بعض المدرسين (( الانتيكة ) اللي هوايتون الترسيب


ارجو النشر منشان الديمقراطية ...:mad:;)

[wili@m]

مشكور يا Bond و brave heart على مشاركتكما الجميلة وإبداء رأيكما
بس يا أخ Bond أنا ما قلت أنو كل الحق على الطلاب أنا قلت أنو ممكن نحط من طرفنا للتحسين و إذا في شي ملا حظات على الإدارة و الأساتذة فأنا مو من حقي أحكي فيها لمجرد أحترامي لهم بس أكيد هنن فيهم يحسنو أكتر مننا بس إذا نحن ما تغيرنا أنا بأكدلك أنو ما في شي بخلي المعهد يتحسن

مفيد أن تختلف أرآكم و الاجمل أن تتناقشو

[صعب المنال]

:rolleyes:

[الناصح]

يا أخ ويليام أنا طالب بالسنة التانية و همي أني أتخرج نحنا كان همنا أنو نطلع عالكلية بس للأسف وصلنا لمراحل بتبكي الحجر من المعهد الفاشل وأساتذته لأنك مو مجرب تحمل مادة سنتين على علامة

[wili@m]

هلا فيك يا ناصح



يا سيدي عقبال تخرج الجميع و من أول مرة ( أمين )
بس يعني أنت برأيك أنو فشل بعض الطلاب بسبب المعهد و هنن ما دخلهن بشي
أكيد المعهد إذا تحسن حيتحسنو الطلاب بس.........
.. ما بعرف .. بس ما عم أحسن أتخيل الفكرة...
طيب خلينا ننظر للأمر من ناحية أخرى : الشي يلي أنا كاتبتو عن الطلاب بأول الموضوع صحيح ولا لأ ؟؟
....
برأيك لما بعض الأستاذة لا يستطيعون أن يشرحو فكرة ما بسبب وجود فيرس ما ؟؟ هذا بسبب الطلاب و لا الأساتذة ؟

و انا شايف أنو الأساتذة ألله يعطيهم العافية غم يبذلو معظم جهدهم الله يجزيهم الخير

[Haboosh]

أنا مع Wili@m بكل كلمة قالها

يا جماعة إذا كل شخص قال الحق مو عليي بحياتنا ما منتحسن

خلينا كل واحد يعمل اللي عليه

كل واحد يحس بالمسؤولية تجاه المعهد اللي رح يقضي فيه سنتين و يمشي

لا تنظرولو على أنو مو إلنا

لأنك أبداً ما بتختلف عن طالب معهد الهمك اللي عم يدرس فيه سنتين و يمشي هوة كمان

بس عميل اللي عليك و لا تهتم لاهمال غيرك

غيرك لما يشوفك مسؤول إذا كان عندو إحساس رح يعمل متلك

و إذا ما كان عندو إحساس بيكفي أنك بتكون رضيت عن حالك

بس رجاءً المراقبة الذاتية

صدقوني عشت بالمعهد سنتين و أنا حسو متل بيتي

كنت قضي فيه وقت أطول من اللي قضيه بالبيت

السنتين هدول كانو من أروع سنين حياتي

و هلأ تخرجت و لهلأ ما بضيع فرصة حتى زور المعهد

بتمنى تقدرو الكلام اللي قلتو

شكراً لاهتمامكم

و شكراً إلك wili@m

[wili@m]

الشكر لك أخت هبوش
بصراح أنا هلأ صار فيني أرفع وسام على موضوعي لمرورك الكريم عليه و إضافة ردك الجميل و آرائك الرائعة
و اسمحيلي أشكر كل طالب و طالبة من أمثالك
غيوريين على معهدن
غيورين على وطنن
ما بينسو المكان يلي عطاهم
بردوله الخير بعشرة
و الله يديمكن ويديمنا لهالوطن الحبيب

[أبو يامن]

أصداقائي الاعزاء ..
لنكن واقعيين ..الكل يتشارك المسؤلية ..نعم المعهد فيه الكثير من الاخطاء ..
لكن المسؤولية مشتركة ..المعهد بحاجة الى مشاركة الجميع
يعني كل واحد فينا بيقدر يحسن ولو شي بسيط بس ما يكون واقف على الحياد ..
يعني يمكن اقتراح صغير يعدل شي كتير بالمعهد ..
او على الاقل يمكن تساعد طالب زميل الك بالمعهد وبتكون وقتها تركت بصمتك بالمعهد ..
ولازم نعرف انو البصمة او الاثر ما بينتركو بطتابة على الحيط او ذكرة على الشجرة ..
على العموم في كتير اشياء رائعة بالمعهد ..واكتر من رائعة ..
صح المواد صعبة والرسوب كتير ..بس مشان ما نترك على حالنا لوم بيوم من الايام ..
خلونا ندرس منيح ونقدم منيح وبعدها نترك الامور لرب العالمين ..
يعني انا بعرف الوضع يلي عم نحكي عنه تمام ..وبعرف الظلم يلي ممكن يتعرضه الطالب .
وبعرف اللا منطق يلي بيحكم كتير من الامور ..
بس كمان لا ننسى انو في طلاب زملائنا دخلوا على المعهد ومن الفصل الاول الى التخرج ما حملوا ولا مادة .
يعني الامور مو مستحيلة ..
انا مو جاي نظر على حد ..انا لسى ما تخرجت من المعهد .بس لما بعرف اني عملت كل شي عليي بالدراسة والتحضير وبعدها ما برفع المادة ..بتاكد ان الله كاتبلي الخير اذا حملت المادة ..
وبالنهاية سنين المعهد من اجمل سنين العمر ..عيشوها بكل شي حلو فيها ..وان شاء الله منتوجها بالنجاح
بس لا تنسوا تتركوا بصمة لا تنسى بالمعهد ..

تقبلوا رأيي ..
بكل الود ..أبو يامن

[wili@m]

يسلم هلاتم يا أخ أبو يامن
و الله يقدرنا نكون من تاركي البصمة الجيدة في المعهد و الحياة
شكرا لمرورك يا أبو يامن
و لردك المتفهم الذي أغنيتنا به

[الساعي]

السلام عليكم
الموضوع يا شباب مو موضوع تقييم للمعهد لأنو المعهد مو كل شي
المعهد عبارة عن حبل بينك وبين أي مادة وعملية تسليس لهالمادة
فكيف بدكن المعهد يعطيكم كل شي 100% هادا مستحيل لأنو كل مادة من موادنا
عميقضو المهندسين بدراستها 7 أو 8 سنين فلا تضعو المعهد حجر يعرقل دراستكم
نعيب زماننا والعيب فينا وما لزماننا عيب سوانا
لا إله إلا الله محمد رسول الله

[msk]

المعهد منيح بس الطلاب بيأسوا