أدخل وضع رأيك بالعلامات التي حصلت عليها هذا الفصل

[ملك التصميم]

بسم الله الرحمن الرحيم

ها قد عدت إيكم إخواني مع حصرة كبيرة في قلبي على العلامات التي نعاني منها في معهدنا الكريم


اليوم جميعنا رأى علامات الذهول على الكثير من طلاب معهدنا على العلامات الحاصلين عليها وخاصة المتفوقين منا ومنهم من أصيب بالإحباط ومنهم من كانت عاطفته غالبة على عقله والله المستعان

يعني لا أستطيع القول إلا تشليف علامات وإن شاء الله ينصاب كل مشلف بمشلف أكبر منه

يعني أنا من الناس اللي الحمد لله مبدع بمادة البرمجة وكنت أحل فيها كثير وأصدقائي يشهدوا على ذلك

وبالنهاية أجد علامة الوظائف هي 5 من 10 وبعض الأشخاص الذين أعرفهم ولم يكونوا يقدموا أي وظيفة أخذوا علامة 8 من 10 فهل هذا هو العدل بنظركم

ومن الأمور التي تثير إستغرابي بالمعهد أن كل ينادي على ليلاه

فأنا كنت من الناس اللي خبصت بأول مذاكرة في أحد المواد بسبب ظروف قاهرة كنت أمر بها

وأذهب إلى الأستاذ/الآنسة لكي يعيدوا لي هذه المذاكرة وحتى لو تم جمع العلاماتين وتنصيفهما فيقول لي ممنوع بالمعهد إعادة مذاكرات وأفاجأ بنفس اليوم إعادة مذاكرة لمادة أخرى.

يعني شو قول " اللي مالو حظ لا يتعب ولا يشقى"

وأود أن أشير هنا إلى بعض المعلمين الأفاضل الذين كانوا يعينونا ويساعدونا بالتحصيل العلمي والأهم أنهم كانوا يعطون الطالب حقه بأغلب وجهات النظر

1- الشبكات للآنسة لينا عقل
2- البنية للآنسة شيما مالح
3- الخوارزميات للأستاذ محمود مسعود

وجميع هؤلاء يشهد لهم الطلاب بصفاء النية وحسن التدريس والمعاملة

طبعا هذا لا يعني أن البقية سيئين ولكن هؤلاء الثلاثة الذين وضعت أسماءهم طغت حسناتهم على سيئاتهم

ومهما قلنا لهم لن نعبر عن مدى حبنا وتقديرنا لهؤلاء
ولاننسا أن التدريس هو عبارة عن علاقات بين المدرسين والطلاب فمنهم من يكسب الود والحب والتقدير

ومنهم غير ذلك

والله ولي التوفيق

وأرجو هنا أن تضعوا المواد التي تفاجئتم بعلاماتها إخواني وأنا شديد الحزن على أحد أصدقائي المتفوقين لحصوله على 18 بمادة الإنجليزي والله يكون بعونه ويرفعه بالدرجات اللي راحت منه بدرجات بدالها بالجنة إن شاء الله

تحياتي..

[أحمد حيدر الجوني]

دخيلك معلم مادخلني بالسياسة
أنت ملك ومبين أنك مدعوم
أما أنا ياحسرة مين بدو يدعمني
بقى دخيلك عنا عيال وبدنا نعرف نربيهون
بقى بلا ماشي أستاز يطيرنا إزا قلنالو أنو العلامات مو منيحة
بقى بالعكس العلامات منيحة ويكتر خير هالأساتذة
على فكرة انسيت قلك أنو طلاب السنة الأولى دخلهم
والشكر لكم.

[Islam]

الأحلى من هيك انو تلاقي كل الطلاب عرفوا علاماتن وانت ما في بجنب اسمك شي ..( يعني العلامات سقطت سهوا)..
وهات على تقديم اعتراض .. وبعد اسبوع لحتى تنزل النتيجة والسبب بس انو ما انتبهوا يراجعوا الورقة قبل ما يعلقوها
يعني بس بدي افهم .. شو ذنب الطالب المحروق قلبه على ما يعرف علامته انو يجي ما يلاقيها
والسبب بس الاهمال ... يالله مو هي اول شغلة ولا الأخيرة والله يعينا على ما نخلص بخير من هالمعهد ...

[ملك التصميم]

شكرا لكم أخواي على ردودكم

وأستغرب كمية الردود بالمقارنة مع المشاهدات

وأخي أحمد أني لا عندي واسطة ولا شي

بس أنا ما عاد أقدر أسكت عالوضع والشغلة خربانة خربانة خليها تاخد راحتها بالخراب 8smil

وشكرا لك islam على ردك والله يعين الطلاب دائما

تحياتي..

[AM Pro]

السلام عليكم


يعني ضروري تذكرني بهذا الموضوع ....

يعني الواحد منا بيعمل جهده من شان يرضي الأستاذ تبعه

ويجبلوا وظائف ويطأ حنك 6smil معه من شان يحفظ موديله ويدعمه

بعدين بيجي واحد على البارد والمستريح بيآخذ أكترمنك بالوظائف

شي بيخــــــــــــــــــلي 8smil الواحد يطــــــــــــــــــــــــق شو بدي أحكي يعني

بسيـــــــــــــــــــــــــــطة بيجي يوم ومنتخرج من المعهد المــــــــعفن إن شاء الله .


((( لا تآخذوني على صيغة الكتابة بس عم أكتب وأنا قلبي محروووووووق )))

[ملك التصميم]

هلا والله بالأخ والحبيب Ampro والله نورت الموضوع

والحق معك بكل كلمة قلتها

والله يعين هالطلاب المعترين اللي مضطرين يسكتوا وياكلوها وهنن عم يضحكوا

تحياتي..

[Most Hacker]

ليش ما حلكن تعرفوا شو خوارزمية العلامات تبع هالمعهد !!!!
أنتو سنة تانية و لازم تكونوا أعلم منا
الخوارزمية ببساطة بتقول :
{
الطالب يلي بيطبق الأساتذة و بيتدحوش فيهن و ببيض وش معن أكتر هوه الطالب يلي بيحصل علامات أكبر و هالكلام مزبرظ مية بالمية اللهم إلا مع بعض الأساتذة المحترمين يلي بينعدوا عالأصابع و يلي كلياتنا منعرفن
or
علامات = تبييض وش + دراسة
}للأسف !!...................الله يفرج

بكرة بتنحذف عضويتي يا أما بيبعتولي تنبيه...حفظناها عن غيب

على فكرة أنا مسؤول عن كلامي و عندي الأدلة جاهزة

[مــحــمــد]

ههههههههه

الله عليك يا هاكر ...

يعني فعلاً في شي من هالشي بس مو كل شي هيك (الطنبرة مصطلح جديد :) )....

يعني مثلاً تبييض الوش لح ينفع بشغلة 10 علامات تبع العملي ووظائف وخلافه...

أما المذاكرات ما حدا ببدي حدا عن حدا (ولعية حدا :) ) ...

بس هون بقى الضرب على الطالب بكون من أول السنة ما بيقطع درس وأول مقعد
فبيعرف شو بدو يجيب الأستاذ ...هون بتفرق ...

وعلى كل حال الحمد لله .... وهلأ جاية الامتحانات مافيها لا تبييض وش ولا طنبرة :D ..

ففرجينا همتك معلم ...


بالتوفيق للجميع إن شاء الله ...

[ملك التصميم]

أخي الهاكر

أولا شكرا على مرورك الكريم
ثانيا نحنا ما عاد صرنا نعرف خوارزمية عالمعهد من كثر الخوارزميات اللي مرينا عليها

يعني أول شي كان اللي بيجتهد بنول
بعدين اللي ببيض وش مع الأساتذة هو اللي بنول

وبعدين ضعنا ما عاد عرفنا شو بدهم وبهذا الفصل عرفت إنه المعهد يسير عالبركة وكلن يغني على ليلاه

فلا تتعب حالك أخي وتحاول تلاقي خوازمية للمعهد لأنه راح تنحبط وتكتشف إنك مخطئ والله المستعان

وشكرا لك أخي النمر على المرور الكريم والرد الصحيح


تحياتي..

[VCO-LO]

8smil
سمحولي قول انوا هالكلام مو صحيح
مظبوط في اساتذة بتشلف بالعلامات بس كل واحد بطريقتوا الخاصة
و مو لهلدرجة يلي انتوا عم تحكوا عليها
مناخد شوية امثلة : (باعتبار اني سنة اولى لح اعطي امثلة على اساتذتنا الموقرة)
X : درررس نظم و امن و ......الخ:
الاستاذ فهمان و بجد كتير ظريف و حباب و بتحسوا قريب من الطلاب
بس وقت علامات العملي بتشوف انوا الفهمان بياخد بالـ 25
و الطبل بياخد 33
و في كم حالة استثنائية (متل ما بتقولوا انوا مطبق الاستاذ هدول بيكونوا علاماتهم بالـ 35 و ما فوق)

y : درس صيانة و ......:
الاستاذ عبقري و فهمان بس ما بيعطي كل شي للطلاب و بيتم محتفظ بجزء من المعلومات لحالوا ما بدوا حدا احسن منو
و اذا طلع واحد فهمان و حط راسوا براس الاستاذ برسبوا
و لاحظوا و حطو مية خط تحت كلمة واحد لانوا لو وحدة (مؤنث يعني) هي بتعتبروا ناجحة ركض
سواء good بالمادة او bad

z&w : الملقبون بـ (ابو ؟؟؟ و ابوا ؟؟؟؟) اساتذة طووووووووووووووووووووط سلامتك فاصل و نواصل
ما في داعي نحكي
اشهر من نار على علم.....

و كمان بنفس الوقت عندكم اساتذة الله يخليهم ذخر لهلمعهد
و من امثالهم
الانسة لينا و الانسة بدوية و الانسة هيتو
و الانسة حمودة و ........
بجد هدول يلي بيستحقوا كلمة مهندس و دكتور كمان
ما بيظلموا حدا و بيعطوا كل شخص حقو
و الله يوفقهم بحياتهم
لانهم كتير كفو

[ملك التصميم]

يعطيك العافية أخي والله كفيت ووفيت

وماخليت حدا منك وأعطيت كل واحد حقه

نحن لسنا في المدرسة حتى نسكت على أخطاء أساتذتنا

نحن طلاب تعليم عالي يعني بعد هالمرحلة راح نشتغل ونقوم ببناء هالبلد المعطاء
فإن لم يكن المعلم جيدا وعلى قدر المسؤولية فلن تتقدم البلد وهذا هو سبب تراجع أمتنا العربية وتقدم الأمم الغربية

والله يعين ويفرج همنا

تحياتي..

[FAK]

السلام عليكم :
أنا برأيي أنو أنتو مو الكل ظالمين أساتذة لانو شملتو تقريبا كل المواد في مواد (أتخورفنا فيها) وفي مواد مقبولة شوي.
أنا برأيي لا أتقلبوا الأساتذة لانو مو محرزة و رأبتنا ...............
الله أيكون معنا ومابدنا شي.
والسلام عليكم ورحمة الله وبركاته.9smil

[Eyad]

السلام عليكم :

هناك سؤال يطرح نفسه هنا وهو ما الفائدة المرجوة من هكذا نقاش في مثل هذا الوقت الذي بدأت فيه الامتحانات

يعني عندما أرى مشاركة جديدة في منتدى السنة الثانية وذلك من الصفحة الرئيسية للمنتدى أسارع إليها عل منها شيئا من الفائدة أتحصل عليها
وأفاجئ مرة بعد مرة أن هناك من يشارك في هذا الموضوع فيعلو موقعه إلى الأعلى فوق الكثير من المواضيع التي تهمنا كثيرا الأن .

وها هو الموضوع قد أعيد فتحه
أرجو الموضوعية في الكلام.

ثم إن سنة الله في أرضه اقتضت أن يكون في كل مكان وزمان اناس منهم الصالح ومنهم الطالح
هل تريدون حياة من دون منغصات4smil4smil هذا مستحيل
كل ما ذكر يجب أن يكون لنا دافعا لنا للإمتحان وبعد ذلك للحياة لنبنيها
والسلام ختام.

[arabhawk]

أخي العزيز بالنسبة لعلمات الفحص أنا بعتقد أنو ما كان في ظلم
يمكن بس لألي بس أنا يمكن أخذت علماتي على أتم وجه
بس مو هون موضوعنا
موضوعنا هوه علمات العملي
يعني علماتي بالعملي ما بعرف ليش بتأسي
يعني لازم الواحد يضرب صحبة مع الأستاذ مشان ياخد علامة عالية
والله هاد الحكي صعب عليي
يعني ينتقص حقي بالعلامات مع العلم اني أعرف أنو كثير من الأحيان
بعرف ناس جابو علمات أكتر مني مع أني ما شفتهم غير مرة أو مرتين عم يحضروا المحاضرات
يعني الأساتذة لازم ياخدوا هالحكي بعين الأعتبار
بس يللا بركي انشالله قربت تنحل9smil