كم سؤال من شان امتحان الخوارزميات

[jk_syr]

بالدورتين يلي نزلهون الاخ Golden Man
في سؤالين بالبنى معطيات وكل واحد يمكن عليه 9 او 10علامات يا ريت يلي بيعرف حلهون ما يقصر
ملاحظة:مظبوط نحن ما اخدنا هيك بس السنة الماضية كمان ما عاطاهون للطلاب وقال انو اخدينهون
بالــ c++ ولازم نكون منعرفهون والسؤالين:
1.نريد اشتقاق بنية رتل من البنية السابقة اكتب ما يلزم لتحقيق هذه البنية (9 علامات).
2.نريد اشتقاق بنية مكدس من البنية السابقة اكتب ما يلزم لتحقيق هذه البنية .
ومشكورين.......smil1

[snoop]

السلام عليكم مرحبا ياشباب
بس كم سؤال بعد اذنكون
بالورقه تبع اللوائح المترابطه لينكد ليست تبع الكشك
في متحول اسمو pindex شو عملو ؟
والتحميل الزائد لل operator [ ] شو عميصير جواتو ؟
مشكورين سلفا thnx

[Golden man]

السلام عليكم مرحبا ياشباب
بس كم سؤال بعد اذنكون
بالورقه تبع اللوائح المترابطه لينكد ليست تبع الكشك
في متحول اسمو pindex شو عملو ؟
والتحميل الزائد لل operator [ ] شو عميصير جواتو ؟
مشكورين سلفا thnx

يا أهلا و سهلا بصديقنا و حبيب قلبنا .....
بالنسبة للمتحول pindex فشغلته شغلة ....
هاد يا صاحبي بيحتفظ برقم العقدة يلي واقف عندها المؤشر iptr يلي بيأشر على آخر عقدة كنا واقفين عندها بالعملية السابقة (يعني الـ index تبعها).
هلأ منجي للتحميل الزائد للـ [] ....يييييي و الله شغلته طويلة , بس يالله عمنتسلى مافي ورانا شي .

السطر :
assert(index >= 0);
للتأكد من أن قيمة الـ index أكبر من الصفر ليتابع تنفيذ التابع.

السطر :
Node<T> *p = first;
ما بده شرح

هلأ منجي للشرط :
if((pindex <= index) && (iptr != 0))
{
index -= pindex;
p = iptr;
}
هون عمنختبر إذا كانت آخر عقدة كنا عندها مكانها قبل العقدة الحالية كـ index و هالشي لأنو إذا كانت أكبر (يعني بعدها) ما منستفاد منها لأنو ما عندنا مؤشر للعقدة السابقة ضمن العقدة يعني previous .

و كمالة الشرط أنو العقدة السابقة مالها null و هالشي حتى ما يصير مشكلة عند أول استعمال للائحة لأنو حتكون العقدة السابقة null.

و إذا تحقق الشرط حننتقل للعقدة السابقة بدل ما نمسح اللائحة من أولها بحيث بتصير قيمة الـ index هيي الفرق بين رقم العقدة يلي بدنا نصللها و رقم آخر عقدة كنا عندها , يعني حيحتوي عدد العقد يلي بين هالعقدتين يلي ذكرناهم .

و الحلقة الآخيرة أكيد صارت مفهومة , و هيي حتى ننتقل ببين العقد من العقدة السابقة للعقدة يلي بدنا نصللها و هون استفدنا منها بدال ما نبدأ من أول اللائحة.

ييييييييييي يمكن هلأ مليت بس ان شا الله تكون نحلت المشكلة و إذا في شي خبرني و Executioner برد إن شاء الله .

باي باي .

[Golden man]

كتب بوسطة السيد jk_syr

1.نريد اشتقاق بنية رتل من البنية السابقة اكتب ما يلزم لتحقيق هذه البنية (9 علامات).
2.نريد اشتقاق بنية مكدس من البنية السابقة اكتب ما يلزم لتحقيق هذه البنية .
*********************************************


للأسف يا صديقي ما عندي الجواب الأكيد لأنو هالأسئلة مرتبطة بالوراثة بالـ c++ و أنا بعد ما أخذت الـ c# نسيت الوراثة بالـ c++ لأنو متشابهين مع بعض الاختلافات المضللة. و كمان الأستاذ ما حكى عن هيك شي أبدا , بس إذا جاب هيك شي بدنا نعتمد على فطرتنا البرمجية , يعني شو بيطلع معنا منكتب لأنو ما بقدر حط جواب مو متأكد منه .....

على كل حال إن شا الله ما بجيب الأستاذ هيك شي و إذا جاب منعترض كلنا بالامتحان بس لازم الكل يعترض حتى يرد علينا.

و إذا قدرت شوف الأستاذ بالمعهد قبل الامتحان بحاول أسأله بس غالبا ما بيجي لأنو بكون مشغول بالأسئلة و وو و.

[snoop]

يســــــــــــلمون على الجواب
وكلشي مفهوم الله يسلم هل ايدين عذبتك معي يا جولدن
واذا في شي تاني بتسائل:D عليك وعلى Executioner 5smil
:cool:


thnx

[jk_syr]

كتب بواسطة السيد Golden man
للأسف يا صديقي ما عندي الجواب الأكيد لأنو هالأسئلة مرتبطة بالوراثة بالـ c++ و أنا بعد ما أخذت الـ c# نسيت الوراثة بالـ c++ لأنو متشابهين مع بعض الاختلافات المضللة

*******************************

مشكور كتير يا اخي ولو نحن عم نعزبك
بس انشالله ما بيضيع تعبك........... الله يوفقكthnx

[master]

ماهي أفضل خوارزمية لفرز هذه المصفوفة
3 2 1 0 -1 -2 -3


ما المحاسن والمساوء الموجودة في template

[Golden man]

أفضل خوارزمية لفرز المصفوفة : 3 2 1 0 -1 -2 -3 هي :

خوارزمية الفرز بالاقحام لأن تعقيدها لمّا تكون المصفوفة مفروزة يكون ثيتا N .

المحاسن والمساوء الموجودة في template :

المحاسن:
1 - يمكن أن تأخذ أي نوع من المعطيات كـ data.
2 - تختصر من حجم البرنامج التنفيذي حيث لا يتم ترجمة التوابع الغير مستخدمة في الكود و يتم إهمالها .

المساوئ:
و الله ما بحب احكي على مساوئ حدا و خصوصا هيك على العلن لذا ما طلع معي ولا سيئة و يا ريت يلي عنده بعض السيئات يذكرها مشان الفائدة و ليس الغيبة6smil.

هي الأجوبة يلي طلعت معي و ان شا الله تكون متل ما بده الأستاذ.

[jam-mid]

مرحبا يا شباب

مشان السؤال يلي طرحتو انو شو المشاكل تبع اللائحة
الصراحة أكبر مشكلة بتواجهنا هي انو اذا بدنا نصل لعقدة بنص اللائحة فنحن بحاجة لنمشي على العقد وحدة وحدة حتى نصل للعقدة يلي بدنا ياها
تماما متل شريط الكاسيت

وانشاء الله كون اقدرت وصل الفكرة

ولكم مني ارق تحية