Most Hacker
06-22-2008, 08:58 AM
السلام عليكم و رحمة الله و بعد...... رح احكي رأيي الشخصي بالمعهد و أستاذته بشكل كتير موضوعي و دقيق وبتمنى من الكل أنو يشاركوني و إذا كان في بكلامي أي غلط أنا مستعد للنقاش من قبل الطلاب و المدرسين و حتى المدير بذاته
الأخطاء القاتلة في معهدنا :
• تسليم مواد لأناس لا يفقهون شيئاً في المادة .......مثال : الآنسة الفاضلة وفاء و تسليمها مادة تطوير الويب
و بس يجي واحد من الطلاب يسألها شي سؤال بتجاوبه بالحرف الواحد "لا تسألوني شي لأنو أنا حافظة هالكم كلمة و جاية أعطيكن ياهن و روح"
• أو تسليم المادة لأناس أصحاب خبرة بس ما عندن رغبة في تدريس المادة........مثال : تسليم مادة النظم 1 للأستاذ قصار .....مما أدى لحدوث خلل في المادة يعني الأستاذ كيالي طاير بالمادة تبعو و يا دوب عم يلحق بينما الأستاذ الفاضل قصار آعد عم يشرحلنا شغلات شلون ما كان (كصطمايز.......بروبرطيز..........دسكطوب) يعني customize و properties و desktop بهدف تمضية الوقت.....يعني هاد عدم توازن بين إنسان عم يشتغل بقوة و يبذل قصارى جهده و أستاذ عم يشتغل عالخفيف وطبعاً الشي المؤكد أنوً مو رايحة غير عالطلاب
• و مثال آخر هو تسليم مادة البرمجة 1 العملي للآنسة الكريمة كناز علماً أنو ما عندا رغبة بتدريس السنة الأولى و هيه بتحب تدريس الشغلات المتقدمة للسنة التانية (حقها الطبيعي لأنو كل إنسان بيفلح و بينجح و بيتميز بشي معين) ..... و بيروحوا بيسلموها أسخف شي و هو الفلوتشارت و بدايات البرمجة و طبعاً وقت الشخص بدو يستلم شغلة مو مقتنع فيها ما رح يكون أداؤه جيد و رح يؤثر سلباً عالطلاب و الدليل لذلك أنو عدد هااااااائل من الطلاب مضروب بعلامات العاملي تبع البرمجة 1 و جابوا علامات منيحة بالفحص بس نتيجة العملي المنخفض حملوا المادة.......
• تسليم المادة الواحدة لأكثر من أستاذ و إعطاء العملي لمدرس و النظري لمدرس و هاد الشي عم يؤدي لحدوث ضياع للطلاب ما بين الأستاذ الأول و الأستاذ الثاني و كان هاد الأمر واضح تماماً في بداية السنة ما بين الأستاذ كيالي و الأستاذ قصار.....يعني المادة الواحدة حتى تكون متماسكة و مبنية على أساس قوي يجب أن يقوم بتدريسها أستاذ واحد لأنو هالأمر بساعد على حصر المعلومات المعطاة و تحديدها و عدم ضياع الطلاب بين الأساتذة خصوصي أنو التواصل بين أستاذي المادة عم يكون سيء و الطلاب بين الرجلين
• تدريس مواد مالها داعي نهائياً نظراً لوضع الطلاب المعروف للكل و من هالمواد مادة أمن المعلومات... و لما تبين فيما بعد انو هالمادة غير مناسبة لطلاب السنة الأولى صارت هالمادة عبارة عن مادة نظم + اخلاق + برمجة + مواعظ و كل ذلك بهدف تمضية المادة بأقل قدرممكن من المنهاج و عدم تحميلها للطلاب...... و طبعاً المادة محسوبة علينا أنو أخدناها........
يعني هالمادة المتقدمة بدها شيء اسمه pre- requirement بمعنى أنو الطالب لازم يكون عندو أرضية بشغلات معينة قبل ما يدخل بالمادة لأنو هالمادة مبنية على هالشغلات.......و من هالشغلات أنو يكون لدى الطلاب مستوى برمجة قوي و هاد الشي أكييييييد محقق و تم الحديث عنو
• استخدام أساتذة مشغولة بشكل كبير و مالها فاضية للتدريس كالأستاذ القدير ياسر عبسة ........يعني هالأستاذ عندو مشاغل كتيرة على ما يبدو و عم يحضر للماجستير الله يعطيه العافية و مشان هيك منشوف أنو التدريس مو آخد حقه جيداً و طبعاً مو رايحة غير عالطلاب..........يا ناس هاد اسمو تدريس مو بيع بطاطا...في مسؤولية بالموضوع......في ناس عم تتأثر و عم تضيع سنين من عمرها نتيجة هالأخطاء القاتلة و المعلم لازم يحط بباله هالشغلة تماماً لأنو التدريس مسؤولية كبيييييييييرة و الطلاب عم تحط ثقتها بالمعلم مشان يفيدها فلازم أنو يكون عندو التفرغ و الوقت الكافي لهالمسؤولية ........يا أما ما يقدم على هيك خطوة من الأساس
• استخدام أساتذة كبار بالسن و هون بقصد الأستاذ زعبلاوي.......هالأستاذ كتير محترم و صاحب حق و واجب و ما بيروح لحدى علامة بالتصحيح إلا ما ندر ......و لا شك أنو أستاذ قدير و متمكن من المادة و إلو قيمته في مادة الرياضيات في بلدنا كونه مؤلف كتاب عم ندرس منو ...بس من جهة تانية منشوف أنو العمر إلو حقه و هالأستاذ صرلوا 20 سنة بالتدريس بين صفوف الطلاب يعني العطاء يلي عندو انتهى و صار خلقه ضيق و مزاجه صعب و تدريسه مبهم
• عدم وجود مناهج للدراسة منها و بالتالي الطالب مضطر لأحد أمرين
o إما أنو يكون منجم و بيضيرب بالمندل ليعرف الأستاذ بشو عم يفكر و شو بدو يدرس الطلاب
o أو أنو يدخل لداخل راس الأستاذ و يعرف شو المطلوب و يدرس لحالو ........ و لو عمل هيك يا دوب ينجح
و طبعاً في بداية السنة حكولنا أنو مافي كتب تدرسو منها و لكن الأساتذة رح يوزعوا عليكن نوط كافية للدراسة.........ما حدى من أساتذة المواد الـ 14 طبق هالكلام فعلياً سوى الآنسة ماجدة الله يعطيها العافية...... و في النهاية منشوف كل أستاذ عم يدرس على كيفو و ضيعوا يا طلاب.........أحد الأمثلة على هالمشاكل هوه أنو مادة المدخل للحاسوب و خوارزميات....هي عنا (بالبرمجيات) مادة أوفيس ...و مادة النظم بالشبكات في سنوات ماضية كانت أيضاً مادة أوفيس..........يعني اسم المادة ما عم يرتبط بمحتواها نهااااااااااااائياً لا من قريب و لا من بعيد و كل ذلك بسبب عدم وجود منهاج صريح و واضح لكي تمشي عليه الطلاب....... و منتمنى من الأساتذة انو يعملولنا مناهج بالسنين الجاية لندرس منها
و بالمختصر المفيد رأيي بالأساتذة واحد واحد هو كما يلي
الأستاذ حيدر الله يعطيه العافية هو زينة المعهد و أساسه و لولاه المعهد مالو قيمة بس يا ريت أنو يكون دقيق و محصور أكتر بالتدريس و يلتزم بمنهاج معين
الآنسة كناز آنسة قديرة و ذات كفاءة و خبرة عالية في التدريس بس طباعها صعبة و خلقها ضيق و ما عندها الصدر الرحب للمناقشة و الأخد و العطى مع الطلاب بالإضافة إلى انو أسئلتها كتير صعبة بالنسبة لمستوانا و بتناسب طلاب النسة الثانية أكتر منا
الأستاذ كيالي.....واحد من أروع و أقوى الأساتذة في المعهد بس المشكلة هيه نفس مشكلة البرمجة ..... أي عدم وجود منهاج نظامي ........... بالإضافة إلى أنو أسئلته بتكون صعبة جداً جداً
الآنسة وفاء...... تلعب في صفوف الاحتياط و شغلتها تستلم أي مادة مالها مدرس سواءً كانت تفقه بالمادة أو ما بتفقه فيها فمرة بتدرس نظم و مرة بتدرس مدخل و مرة بتدرس ويب .........و الطلاب ...........ما بأسر بيدرسوا لحالن
الآنسة لميس .....آنسة طيوبة و قلبها مع الطلاب و بتبذل قصارى جهدها لتبسط المنهاج على الطلاب و تساعدن بس الطلاب ما بيستاهلوا هيك معاملة و بيقولوا عن هالمعاملة الجيدة إنها ضعف شخصية
الأستاذ زعبلاوي ......لا شك أنو أستاذ قدير و متمكن من المادة ...بس العمر إلو حقه
الآنسة ماجدة......آنسة قديرة و محترمة جداً و ذات كفاءة عالية بمادتها .........ممكن يقول بعض الطلاب إنها عم تعطي شغلات كتير احترافية و تخصصية باللينوكس بس هالكلام مو صحيح و الطلاب عم تلاقي هالشغلات صعبة لأنو أول مرة بيمرق عليها هيك شي .....و هالشغلات كان لازم تتاخد أولاً بمادة الوندوز من قبل الأستاذ قصار
الأستاذ قصار مهندس قوي و متميز و صاحب خبرة لكنه تورط بمادة ما بحب تدريسها فضيع الأمر عالطلاب
الأستاذ عبسة ......كمان مهندس متميز بس ما عندو وقت لشي بالإضافة إلى افتقاره لأسلوب التدريس و التعامل مع الطلاب كأسلوب الأستاذ حيدر مثلاً
الآنسة هيتو (لا تعليق)
بتمنى من كل مين بعارضني بشي أو بشوف إني غلطت على حدى انو يتفضل و يناقشني شرط يكون موضوعي بنقاشه و بتمنى من المدرسين كمان أنو يتفضلوا و يعلقوا إذا كان كلامي في أي غلط
الأخطاء القاتلة في معهدنا :
• تسليم مواد لأناس لا يفقهون شيئاً في المادة .......مثال : الآنسة الفاضلة وفاء و تسليمها مادة تطوير الويب
و بس يجي واحد من الطلاب يسألها شي سؤال بتجاوبه بالحرف الواحد "لا تسألوني شي لأنو أنا حافظة هالكم كلمة و جاية أعطيكن ياهن و روح"
• أو تسليم المادة لأناس أصحاب خبرة بس ما عندن رغبة في تدريس المادة........مثال : تسليم مادة النظم 1 للأستاذ قصار .....مما أدى لحدوث خلل في المادة يعني الأستاذ كيالي طاير بالمادة تبعو و يا دوب عم يلحق بينما الأستاذ الفاضل قصار آعد عم يشرحلنا شغلات شلون ما كان (كصطمايز.......بروبرطيز..........دسكطوب) يعني customize و properties و desktop بهدف تمضية الوقت.....يعني هاد عدم توازن بين إنسان عم يشتغل بقوة و يبذل قصارى جهده و أستاذ عم يشتغل عالخفيف وطبعاً الشي المؤكد أنوً مو رايحة غير عالطلاب
• و مثال آخر هو تسليم مادة البرمجة 1 العملي للآنسة الكريمة كناز علماً أنو ما عندا رغبة بتدريس السنة الأولى و هيه بتحب تدريس الشغلات المتقدمة للسنة التانية (حقها الطبيعي لأنو كل إنسان بيفلح و بينجح و بيتميز بشي معين) ..... و بيروحوا بيسلموها أسخف شي و هو الفلوتشارت و بدايات البرمجة و طبعاً وقت الشخص بدو يستلم شغلة مو مقتنع فيها ما رح يكون أداؤه جيد و رح يؤثر سلباً عالطلاب و الدليل لذلك أنو عدد هااااااائل من الطلاب مضروب بعلامات العاملي تبع البرمجة 1 و جابوا علامات منيحة بالفحص بس نتيجة العملي المنخفض حملوا المادة.......
• تسليم المادة الواحدة لأكثر من أستاذ و إعطاء العملي لمدرس و النظري لمدرس و هاد الشي عم يؤدي لحدوث ضياع للطلاب ما بين الأستاذ الأول و الأستاذ الثاني و كان هاد الأمر واضح تماماً في بداية السنة ما بين الأستاذ كيالي و الأستاذ قصار.....يعني المادة الواحدة حتى تكون متماسكة و مبنية على أساس قوي يجب أن يقوم بتدريسها أستاذ واحد لأنو هالأمر بساعد على حصر المعلومات المعطاة و تحديدها و عدم ضياع الطلاب بين الأساتذة خصوصي أنو التواصل بين أستاذي المادة عم يكون سيء و الطلاب بين الرجلين
• تدريس مواد مالها داعي نهائياً نظراً لوضع الطلاب المعروف للكل و من هالمواد مادة أمن المعلومات... و لما تبين فيما بعد انو هالمادة غير مناسبة لطلاب السنة الأولى صارت هالمادة عبارة عن مادة نظم + اخلاق + برمجة + مواعظ و كل ذلك بهدف تمضية المادة بأقل قدرممكن من المنهاج و عدم تحميلها للطلاب...... و طبعاً المادة محسوبة علينا أنو أخدناها........
يعني هالمادة المتقدمة بدها شيء اسمه pre- requirement بمعنى أنو الطالب لازم يكون عندو أرضية بشغلات معينة قبل ما يدخل بالمادة لأنو هالمادة مبنية على هالشغلات.......و من هالشغلات أنو يكون لدى الطلاب مستوى برمجة قوي و هاد الشي أكييييييد محقق و تم الحديث عنو
• استخدام أساتذة مشغولة بشكل كبير و مالها فاضية للتدريس كالأستاذ القدير ياسر عبسة ........يعني هالأستاذ عندو مشاغل كتيرة على ما يبدو و عم يحضر للماجستير الله يعطيه العافية و مشان هيك منشوف أنو التدريس مو آخد حقه جيداً و طبعاً مو رايحة غير عالطلاب..........يا ناس هاد اسمو تدريس مو بيع بطاطا...في مسؤولية بالموضوع......في ناس عم تتأثر و عم تضيع سنين من عمرها نتيجة هالأخطاء القاتلة و المعلم لازم يحط بباله هالشغلة تماماً لأنو التدريس مسؤولية كبيييييييييرة و الطلاب عم تحط ثقتها بالمعلم مشان يفيدها فلازم أنو يكون عندو التفرغ و الوقت الكافي لهالمسؤولية ........يا أما ما يقدم على هيك خطوة من الأساس
• استخدام أساتذة كبار بالسن و هون بقصد الأستاذ زعبلاوي.......هالأستاذ كتير محترم و صاحب حق و واجب و ما بيروح لحدى علامة بالتصحيح إلا ما ندر ......و لا شك أنو أستاذ قدير و متمكن من المادة و إلو قيمته في مادة الرياضيات في بلدنا كونه مؤلف كتاب عم ندرس منو ...بس من جهة تانية منشوف أنو العمر إلو حقه و هالأستاذ صرلوا 20 سنة بالتدريس بين صفوف الطلاب يعني العطاء يلي عندو انتهى و صار خلقه ضيق و مزاجه صعب و تدريسه مبهم
• عدم وجود مناهج للدراسة منها و بالتالي الطالب مضطر لأحد أمرين
o إما أنو يكون منجم و بيضيرب بالمندل ليعرف الأستاذ بشو عم يفكر و شو بدو يدرس الطلاب
o أو أنو يدخل لداخل راس الأستاذ و يعرف شو المطلوب و يدرس لحالو ........ و لو عمل هيك يا دوب ينجح
و طبعاً في بداية السنة حكولنا أنو مافي كتب تدرسو منها و لكن الأساتذة رح يوزعوا عليكن نوط كافية للدراسة.........ما حدى من أساتذة المواد الـ 14 طبق هالكلام فعلياً سوى الآنسة ماجدة الله يعطيها العافية...... و في النهاية منشوف كل أستاذ عم يدرس على كيفو و ضيعوا يا طلاب.........أحد الأمثلة على هالمشاكل هوه أنو مادة المدخل للحاسوب و خوارزميات....هي عنا (بالبرمجيات) مادة أوفيس ...و مادة النظم بالشبكات في سنوات ماضية كانت أيضاً مادة أوفيس..........يعني اسم المادة ما عم يرتبط بمحتواها نهااااااااااااائياً لا من قريب و لا من بعيد و كل ذلك بسبب عدم وجود منهاج صريح و واضح لكي تمشي عليه الطلاب....... و منتمنى من الأساتذة انو يعملولنا مناهج بالسنين الجاية لندرس منها
و بالمختصر المفيد رأيي بالأساتذة واحد واحد هو كما يلي
الأستاذ حيدر الله يعطيه العافية هو زينة المعهد و أساسه و لولاه المعهد مالو قيمة بس يا ريت أنو يكون دقيق و محصور أكتر بالتدريس و يلتزم بمنهاج معين
الآنسة كناز آنسة قديرة و ذات كفاءة و خبرة عالية في التدريس بس طباعها صعبة و خلقها ضيق و ما عندها الصدر الرحب للمناقشة و الأخد و العطى مع الطلاب بالإضافة إلى انو أسئلتها كتير صعبة بالنسبة لمستوانا و بتناسب طلاب النسة الثانية أكتر منا
الأستاذ كيالي.....واحد من أروع و أقوى الأساتذة في المعهد بس المشكلة هيه نفس مشكلة البرمجة ..... أي عدم وجود منهاج نظامي ........... بالإضافة إلى أنو أسئلته بتكون صعبة جداً جداً
الآنسة وفاء...... تلعب في صفوف الاحتياط و شغلتها تستلم أي مادة مالها مدرس سواءً كانت تفقه بالمادة أو ما بتفقه فيها فمرة بتدرس نظم و مرة بتدرس مدخل و مرة بتدرس ويب .........و الطلاب ...........ما بأسر بيدرسوا لحالن
الآنسة لميس .....آنسة طيوبة و قلبها مع الطلاب و بتبذل قصارى جهدها لتبسط المنهاج على الطلاب و تساعدن بس الطلاب ما بيستاهلوا هيك معاملة و بيقولوا عن هالمعاملة الجيدة إنها ضعف شخصية
الأستاذ زعبلاوي ......لا شك أنو أستاذ قدير و متمكن من المادة ...بس العمر إلو حقه
الآنسة ماجدة......آنسة قديرة و محترمة جداً و ذات كفاءة عالية بمادتها .........ممكن يقول بعض الطلاب إنها عم تعطي شغلات كتير احترافية و تخصصية باللينوكس بس هالكلام مو صحيح و الطلاب عم تلاقي هالشغلات صعبة لأنو أول مرة بيمرق عليها هيك شي .....و هالشغلات كان لازم تتاخد أولاً بمادة الوندوز من قبل الأستاذ قصار
الأستاذ قصار مهندس قوي و متميز و صاحب خبرة لكنه تورط بمادة ما بحب تدريسها فضيع الأمر عالطلاب
الأستاذ عبسة ......كمان مهندس متميز بس ما عندو وقت لشي بالإضافة إلى افتقاره لأسلوب التدريس و التعامل مع الطلاب كأسلوب الأستاذ حيدر مثلاً
الآنسة هيتو (لا تعليق)
بتمنى من كل مين بعارضني بشي أو بشوف إني غلطت على حدى انو يتفضل و يناقشني شرط يكون موضوعي بنقاشه و بتمنى من المدرسين كمان أنو يتفضلوا و يعلقوا إذا كان كلامي في أي غلط