نتائج الفصل الثاني

[lovely]

إعلان هام جداً

إلى طلاب المعهد التقاني للحاسوب بدمشق سوف يتم إصدار النتائج الأمتحانية للفصل الدراسي الثاني عام 2008 وذلك في يوم الخميس الموافق في 10-7-2008

مدير المعهد التقاني للحاسوب

الدكتور محمد الحسين

تم وضع الإعلان في 1/7/2008


www.tcc-damas.com

[rose]

الله يبشرك على الخبرية
على كل حال شكراً لتعبك معنا وانشاالله من الناجحين
:confused: :confused: :confused:

[J*O*H*N]

الله على هالخبرية الحلوة :(
أنا اليوم كنت بالتي سي سي (My Second Home :( ) وسألت مراقب الدوام مشان النتائج :
فقلي أنه النتائج مو كلها رح تنزل دفعة وحدة يعني من 10 /7 سيبدأ تنزيل النتائج
وأن شاء الله من الناجحين.....

[JAXS]

يعني اشوا اذا مو دفعة وحدة

بس بيني وبينكم كلو سوا احسن
لأنو لو كل وحدة لحالا بتشوف المادة الاولى راسبة بتزعل.....بتنزل التانية راسبة بتزعل.....والتالتة بتزعل..................الخ
أما كلو سوا بتشوف حالك راسب وخلصنا وبتزعل مرة وحدة هاهاهاهاهاها6smi

اللهم اجعلنا من الناجحين ...أمين يا رب

[J*O*H*N]

يا غريمي أنا هيك قصدي طلعت بتلقطها عالطايرة 7smil
يعني راسب ضربة وحدة أحسن من أربع ضربات ورا بعد ;)
الله لا يقدر ..إن شا الله من الناجحين 6smil

[THE BLACK HORSE]

كل شي من الله منيح ودائما قولوا الحمد لله على كل شي
عميد الشبكات : أبو يزن

[ريمي]

انشاالله منكون كلنا ناجحين بعلامات منيحة
ومبروك رجعة المنتدى متل ما كان

[THE SNAKE]

مرحبا for all
اخي جاكس & جون
انا بشوف انو اذا نزلو العلامات على على عدة دفعات بكون احسن؟؟
سألتوني ليش ؟
لانو اذا نزلو على عدة دفعات الواحد رح يشوف حالو راسب بالماده رح يزعل :( وكل ما تنزل ماده كمان على نفس الموال وهكذا (باستثناء الناجحين بالمواد)
اما اذا نزلو دفعه وحده واجا الطالب وشاف حالو رااسب بالمواد
احتمال 99.99% تجي جلطه 9smil (شتت ...)
بهالحاله صفت على دفعات احسن بكتير
مشان هيك الاداره رح ينزلوهون على دفعات لانو بيعرفوا شو رح يصير اذا نزلو دفعه وحده


6smil

[WISSAM]

مرحبا للكل

أخي THE SNAKE

بالعكس إذا نزلو العلامات دفعة وحدة بكون أحسن بكتييييييييير

لأنو الواحد بيزعل مرة وحدة وما بضل آكل هم قبل كل علامة مو ؟؟؟

وبكل الأحوال ليش التشاؤم تفاءلو بالخير تجدووووووووووه .....

بس بحب طمنك العلامات رح ينزلو دفعة وحدة لأنو لو بدهن ينزلو على دفعات كانو نزلو وقت الفحص وما تأخرو لهلأ .

سلامFOR ALL على قولة THE SNAKE

[JJOOHHNN]

حبيبي ما حدا بيجي جلطة إذا كانو ا دفعة وحدة........
بس أنا متل ما قلتلكم سألت مراقب الدوام وقلي:
رح يبلشوا من يوم الخميس!!!!!!!!!!!!!مع اني مستغرب ليش كل هالوقت.. :confused:
وإن شاء الله من الناحجين. :)

[palestine]

له له له له له له له له له له له ........................

ليش ياجون تركت المعهد وإني لعلى فراقك لأزوب في روحي من شدة حزني
هاهاهاهاهاهاهاهاهاهاهاهاهاهاهاهاهاهاهاهاهاهاها.... .....


بعدين في مجال أعرف شو هي الصورة الرمزية الللي حاطططها؟؟؟؟؟؟؟؟
WHAT WHAT WHAT WHAT WHAT>>>>>><<>>><><><><<

[J*O*H*N]

اهلين بالغالي 7smil ما عرفتك....دير بالك على حالك إذا تركت أنا.....لا تلعب مع أكبر منك بالمعهد :p
اليوم كنت بالتي سي سي:
مشان طلاب السنة التانية علامات مشاريع التخرج بكرى أو بعد بكرى بتنزل...
ومشان علامات السنة الأولى:
والله ما قدرنا نحصل على جواب شافي من مصادرنا :cool: بس الأغلبية أكدوا الخميس...بس مو أكيييد أنه كل المواد رح تنزل الحميس دفعة وحدة.......
بالتوفيق إن شاء الله للجميع....

[allmaida]

السلام عليكم شباب:

انا سألت اليوم وقالولي انو العلامات ما رح تنزل كلها لانو لسا في

كتير مواد ما خلصوا تصحيح

وانشالله من الناجحين جميع .....

[J*O*H*N]

في كتير مواد ما خلصوا تصحيح

:confused: أنا سمعت هيك كمان بس هلأ تأكدت أكتر ...بس معقولة لهلأ... :eek:

[arabhawk]

بدي وجه رسالة للطلاب فحواها من الأخر
ممكن كل واحد ينزل توقعات لعلمات المواد اللي قدمها
مشان نشوف الأساتذة لح يظلموا حدا بالتصليح
أكيد لاء
بس لنعرف أسباب المشاكل يلي عم بتصير

[J*O*H*N]

ما بظن حدا ينزل توقعه لأنه....... :(
بس نزلنا توقعاتك ;)
بس لنعرف أسباب المشاكل يلي عم بتصير
أني مشاكل؟؟

[***fox***]

تم التحرير من قبل الادارة
لعدم احترام الآخرين

[martin]

جون لو سمحت الصورة الرمزية يللي حاطتهة ممكن تعمل مشاكل
وأنا شخصياً تدايئت منها
لو سمحت غيرها
أعتراضي مو علعلم
أعتراضي عوجود خريطة الوطن العربي تحت رمز النووي
فلو سمحت غيرها8smil
thnx

[J*O*H*N]

بظن في اختراع المتدى اسمه رسائل خاصة
أنت عم تقول بدها تساوي مشاكل ...بكلامك يمكن يصير هيك شي....
حبيبي أنا الصورة عاجبتني بس انا ما فهمت عليك شو يلي مأثر عليك؟؟؟؟

[martin]

أنا أسف وبعتذرsmil1
أنت فكرت أنو أعتراضي علعلم 4smil
أنا مو هيك أصدي بس خريطة الوطن العربي صايرة تحت أشارة النووي وكأن الصورة عمبتئول أنو مصيطرين علوطن العربي8smil
برجع بعتذر إذا خدشتلك شعوركsmil1
أسف كتيرsmil1
thnx

[lemo]

وين النتائج يلا صار لازم تنزل

[***fox***]

النتائج عند الحداد

والحداد بدو بيضة

والبيضة عند الجاجة

والجاجة بدها أمحة

والأمحة بالطاحونة

والطاحونة مسكرة

الخلاصة : شكلو مافي علامات عالمنتدى 6smil6smil6smil

نصيحة إلى كل طالب وطالبة في هذا اليوم التاريخي :

شو ما صار خليك كوووووووووول على طووووووووووووول

[palestine]

بالله أنو ساعة رح تنزل العلمات المبجاة إذا حدا بيعرف
جـــــــــــــــــــــــــــــــــاوبـــــــــــــ ــــــــــــــــــــــونــــــــــــــــــــــــــ ــــــــا؟؟؟؟؟

[lemo]

لازم نعرف الساعة يعني وقت نتائج البكالوريا كنت منعرف اي ساعة هلا معقول مانعرف

[***fox***]

يا شباب العلامات هلأ بتكون نزلت بالمعهد

فليلي كتير مهتم يروح يسفؤ سيران عالمعهد

ويشوف علاماتو اللي بشهو 6smil6smil6smil

لأنو الأستاذ ياسر على حد علمي لليوم المسا لينزلهن

[palestine]

هاهاهاهاهاهاهاهاهاهاهاهاهاهاهاهاها......

لك شو مفكر حالك ب أوروبا قللولك الخميس يغني خلص من الصباح الباكر رح يكونوا نازلين لا وحياتك ..........؟؟؟؟؟؟؟.......؟؟؟؟؟


بس حلوة فكرة السيران بدا لحمة مشةية والله ..........تفـــــــــــضلوا؟؟؟؟؟؟؟؟

[***fox***]

والله لأنو مو بأوروبا هيك عم إحكي

المواعيد العربية وما أدراك ما المواعيد العربية 4smil4smil4smil

أما مشان السيران حاسسلك رح يكون مرتب وخصوصي لما نشوف العلامات الظريفة8smil

بس متل ما قلتلك خليك كووووووووووووول على طوووووووووووووووول

[J*O*H*N]

أنا بالمعهد هلأ وسألت الادارة كلها:
النتائج الساعة 3 هيك على قول الإدارة والله اعلم.........
يعني الساعة 3 رح تنزل عالنت...طبعا مو كل المواد.....وأي شي جديد رح ينحط عالموقع فورا ...
وإن شاء الله من الناجحين.......

[lemo]

يعني فينا نفهم من هالحكي انو النتائج مانزلت بالمعهد

[J*O*H*N]

أي لهلأ ما نزلت النتائج..........

[PrisoN BreaK]

طيب يا شباب لكن ايمتا بدن ينزلو بلمعهد ازا بتعرف جون خبرنا شو الاجواء هلأ بلمعهد يستعر على عرضك يا غالي

[J*O*H*N]

حبيبي الطلاب موجودين بعدد كبير...
بس لهلأ ما نزل شي.....
صرت مراسل...

[J*O*H*N]

العلامات الساعة 2 رح تنزل عالنت.....

[J*O*H*N]

قريبا جدل العلامات رخ تنزل .....الأستاذ عم ينزلهم عالنت على كلامه
لا تطلعوا من النت....

[Bond]

لا تطلعوا من النت....

إي اطمن ... قاعدين مبسطين ..

بس شو مشان صرلنا ساعتين عم نستنى ...

شو آخــر التطورات عندك ..

:confused:

[J*O*H*N]

شباب انا عم انقل كلام الأستاذ مالي علاقة...
بس متابع الوضع ولا يهمكم...
على أساس عم يتحملو هلأ...والمعهد خالي تقريبا من الطلاب لأنه ما رح ينزل شي...
بس لهلأ ما في ضحايا :D

[Bond]

شباب انا عم انقل كلام الأستاذ مالي علاقة...
بس متابع الوضع ولا يهمكم...


كتير منيح الله يعطيك العافيــة ..

و يجيزيك الخير على مجهودك يا معلم ..

بس لهلأ ما في ضحايا

الحمــد للــه عالســلامــة إلى الآن ..

:rolleyes:

[JAXS]

وفاة ثلاثة اشخاص بينهم طفلة واصابة العشرات اثر انفجار في غرفة الامتحانات في التيسيسي
يعني تم تأجيل العلامات إلى ما بعد إطفاء الحريق

روحو نامولكم كم ساعة ورجعو لبين ما ينزلو النتائج
جاكس خزام..........الجزيرة.......تي سي سي

[J*O*H*N]

معلم ولا يهمك انا وثائر عم نسهر على نجاحكم... :D
رح نفتح موضوع عالسريع....
والحمد الله الوضع مستقر..لا ضحايا ... :D

[salary]

السلام عليكم أولاً
أنو ماف ضحايا !!!!!!!
أنا بألكم ثلاث أرباع الطلاب إما لح يهلوس أو صار معو ارتجاج بالدماغ 9smil
وهالملف يلي عم يحملوا على النت ما كان يتحمل
حاسس أنو عم يحملوا نتائج كل طلاب الوطن العربي4smil

[JAXS]

شو مافي ضحايا.....عم قلكم في قتلى وجرحى........
بس يالله كلهم من الاساتذة والمشرفين....يعني مافي طلاب ولا يهمكم

[htler]

شو يا شباب كانو المدير عم يضحك علينا انو العلامات اليوم
صارت الساعة اربعة وخلص الدوام
يعني ما لسا حدا عم يداوم حتى ينزل العلامات4smil:confused:

[Admin]

مممممممممم

السلام عليكم

يا جماعة العلامات الأستاذ ياسر عم ينزلهون

يعني مو الأدارة يلي بدها ترفع العلامات ...ومتل ما شفتو بلأعلان العلامات ما لح تنزل بالمعهد بس ع الأنترنت

[jk_syr]

والله جعت بدي روح اتغدى

ولى روح اكل وارجع؟؟؟؟؟؟؟؟؟؟

[غسان]

والله وأنا كمان

ياريت يقدمو مع العلامات وجبة ..بس دسمة شوي


6smil6smil6smil6smil

[jk_syr]

والله مو قاصد شي بالرد يلي كتبتو كانت مزحة مو اكتر

بس على عيني ما فينا نحكي شي
متل ما بدكون

[jk_syr]

وانا مو جوعان وما بدي آكل

[!@#$%^&]

بس تشوف العلامات رح تاكل شي شغلة.........عم طمنك

[jk_syr]

اذا انا وياك رضيان

[wafi-m]

مرحبا
بدفهم شو هل ملف الي بدو 3 ساعات تحميل على النت ؟؟

[!@#$%^&]

تتهنى لحالك....

[غسان]

شوووووووووووووووووو صاااااااااااااااااااااااااااااااااااااااااااااااار

لو كان صاروخ كان خلص

[***fox***]

كأنو خلصت ال نص ساعة موووووووووووووووو ؟؟؟؟؟؟؟

[MIDO]

والله يا سيد نركيو(n.r.q)

باينتك سمارت مان
وكووول بيبي
وفري ستايلر


مشان هيك تيك كير على حالك شوي
والعلامات انشالله ستصدر
يعني وين بدها تروح
اكيد رح تصدر
ما في مجال للنقاش والاخد والرد
لازم تصدر

[MIDO]

لا يا شباب
هي نص ساعة عربية
شبكن
هدو شوي
لازم تنزل
وما في اكيد رح تنزل
شو وين بدها تروح اذا ما نزلت
اما رح تنزل هون
او بتنزل عالشعلان بما انو اليوم خميس
بتعرفو
التزبيط شغال

يعني
خلييكن كوووووول....على طوووووووول

[***fox***]

يعني
خلييكن كوووووول....على طوووووووول


برافو هاد الحكي المظبوط ..............

كووووووووووووووول

على

طووووووووووووووووول

[J*O*H*N]

عاااااااااااااااااااااااااااااااااااااااااجل
النتائج نزلت وفتحنا موضوع بهالخصوص

[***fox***]

أويها وعاللعلعي اللعلعي

أويها ويا صبايا تجمعي

أويها نزلو العلامات و ألف الحمد الله عالسلامة

ولي لي لي لي لي لي لي ليييييييييييييييييييييييييييييييش .......................

[♥Mad Lover♥]

يا شباب حدا بنزل علامات السنة التانية على المنتدى
لأنو ما فتحو عندي.
و شكرا كتير الكم.

[J*O*H*N]

بس صبر شوي..لأنه الملف عم يتعدل...
بالكتيرة 10 دقايق...

[Bond]

يعني شو عم يتعدل فيــه ..

عم ينزلوا مواد جديدة ولا شو ؟!؟!

:confused::confused:

[J*O*H*N]

والله ما بعرف.....بس اصبروا شوي....
مو مطولين...
موفقين شباب...

[المنسية]

والله إذا نزلوها على دفعات رايح أجن:confused:

[asoma]

ماتحملوا معي عال pdf .....:eek:

[♥Mad Lover♥]

يا شباب وين علامات الحملة طيب.
بكل الأقسام مو موجودين.
إذا حدا بيعرف وينون يقلنا.

[J*O*H*N]

علامات الحملة يوم الاثنين أو الثلاثاء
هيك قال الأستاذ ياسر...
وإن شاء الله من الناجحين...

[♥Mad Lover♥]

الله يكتر خيركون على وقفتكم معنا بهل اليوم العصيب
و الله يوفق

[نور الدين]

مبروك للناجحين

[Most Hacker]

الللللللللللللللللللللله الللللللللللللللللللللللللله على هالعلامات الظريفة
الله يخليلنا ياك يا tzz
والله هالمعهد بدو مين يتضحك عليه
آل صمنا وفطرنا على بصلة (معفنة)
مبروك لكل الراسبين

[Thaer_yeah]

تعتذر الادارة عن اغلاق الموضوع
و ذلك للخروج عن الهدف الاساسي للموضوع
و صدور النتائج
ونرجو عدم التعرض لأي شخص من ادارة المعهد او اي استاذ