معسكر التدريب الجامعي [الأرشيف] - (¯`·._.·منتديات التميز الدمشقي·.

مشاهدة النسخة كاملة : معسكر التدريب الجامعي

Eyad

07-23-2008, 01:13 AM

السلام عليكم :
قدر محتوم على كل منا فلا حاجة للتذمر أو أي شيء مماثل لأنه ليش من قناة و وعاء تستوعب ذلك.

سأسرد هنا ما مر في خاطري وعبر ذاكرتي من أشياء يحتاجها الطالب (عفوا المجند) هناك.
أ:على الصعيد الرسمي : الهوية الشخصية و دفتر الجيش و بطاقة الجامعة
وفي الحقيقة ما ستحتاج اليه (الهوية الشخصية و رقم دفتر الجيش و أي شيء أخر يثبت هويتك(من أجل وقت قبض الراتب))

ب :على الصعيد الميداني :
1:أهم شي عدة الحلاقة (يعني أقل ما يمكن بدك تحسب حسابك حلاقة الذقن يوم اي يومك لاء)
2:شغلات كمالية متل فراشي الاسنان \ مشط \ مقص \ ابرة وخيط \ملعقة \سكينةطعااااام(بيكفي كم واحد من الجماعة يجيبوا سكينةطعام) \وش مخدة \ شرشف \ عدة جلي \عدة غسيل\كاسة ماء وكاسة شاي\عدة حمام\بشكير ...
3:ملابس : يلي بدك ياه بس لحتى قلك أنو أكتر شي مهم
أ : شرط (نص بنطال يعني)وذلك لأن الحر لا يطاق
ب : بيجامة للنوم وربما لن تحتاجها لكن ليالي البرد أو الصقيع تكون هي الحاكمة.
ج : ******... فهمكم كفاية.
ج : على الصعيد الفني :
1:يتم دخول الطلاب بالجماعات (8 أشخاص) لا أكثر ولا أقل ولا يسمح ان تسجل جماعة غير ما تكون 8 أشخاص(أمر مفروغ منه) يفضل المجيء باكرا لكي يتم حجز خيمة خاصة بهم .
2:يمكنك جلب بعض الكتب لقرائتها (اذا كنت من أصحاب الجلد للقراءة في الحر).
بصراحة أنصحكم أن تكون هذه الكتب ثقافية لا علمية لأن العلمية منها تحتاج الى عمق في التفكير وفهم وتركيز.
3:يمكنكم جلب بعض الالعاب المسلية كالشطرنج مثلا وأنا من هنا أعلن دوري فيه هنالك من الان .
أيضا مضارب اما الكرة فسمح بها ببداية المعسكر ثممر بتصفيتها بعد عدة أيام(بسبب الخسائر في أجساد السادة الطلاب-*كسر - رض - خلع .. *-)
4:بالنسبة لجلب الطعام :في الديماس ممنوع منعا باتا ادخال الطعام ولا بأي شكل من الاشكال أما الذي يستطيع تهريبه الى الداخل فذلك المجاذف
5: بالنسبة للصديق الصغير (الموبايل) يا أيها الشباب من استطاع منكم احضاره وادخاله فهو خير له ولمن معه (بكل خيمة واحد أو اتنين بعتقادي بيكفوا)
لكن اذا مسك فعلى الدنيا السلام.

هذا الان ما دار في خاطري من ذلك أرجو ان أكون قد جانبت تمام المعلومات عن المعسكر
واعلم ان اسمك هو : الطالب الجامعي المجند *** *** بعيد تسليم الهوية الشخصية
اذا كنت قد أغفلت شيئا فأرجو أن يتم ذكره هنا ومن كان له سؤال فليطرحه ومن يعرف سيجيب ان شاء الله

والسلام مسك الختام.

J*O*H*N

07-23-2008, 03:21 AM

عندي سؤال سيادة المدير العام 7smil الكريم :
إذا واحد إيراني عندو معسكر؟؟؟ 4smil
سؤال تاني:
ما في الواحد ياخد لاب توب معه؟؟؟
5smil 5smil 5smil
والسلام مسك الختام.....

GHOST RIDER

07-23-2008, 04:00 AM

smil1الله يسلم أيديك أخ أياد عل الموضوع الضروري والمفيد
والله يجزيك الخير
بس دخلك معلم بدي أسألك شو منشان المي هنيك في الواحد ياخد معو برادة صغيرة وفي هنيك ثلج ما ثلج ولا شو الوضع

أما بالنسبة لجون بيك
سؤال تاني:
ما في الواحد ياخد لاب توب معه؟؟؟
مبلا أخي جون طبعا فيك وهنن سامحين فيه بس أكلين همك منشان الكهربا
والشحن6smil9smil6smil

Dark man

07-23-2008, 04:29 AM

الله يخليلنا ياك ذخر لهلمنتدى يعني خزيت العين حولك خلصت من المعهد و من مع هيك البك عند الطلاب و عم تنصحهم

ريتوا الف مبروك النجاح و التخرج (بعد الدورة التكميلية يعني )
و ان شاء الله الف الحمد الله على السلامة ولا تنسى
الاتفاق بدنا ندبك بالمعسكر هه

******... فهمكم كفاية.

:rolleyes: :rolleyes: :rolleyes: :rolleyes: :rolleyes:
ما فهمت شو يعني ؟؟؟؟؟ 4smil4smil4smil 6smil

يستطيع تهريبه الى الداخل فذلك المجاذف
شو نسيت انوا نحن ؟؟؟ ولو ما بينخاف علينا

: بالنسبة للصديق الصغير (الموبايل) يا أيها الشباب من استطاع منكم احضاره وادخاله فهو خير له ولمن معه (بكل خيمة واحد أو اتنين بعتقادي بيكفوا)

ضروري وجودوا والا كيف بدي احكي مع ؟؟؟؟؟؟ 4smil؟؟؟؟؟
اذا ما في اعتبروني مستقيل من هلأ

Eyad

07-23-2008, 05:46 AM

عندي سؤال سيادة المدير العام 7smil الكريم :

إذا واحد إيراني عندو معسكر؟؟؟ 4smil
طبعا بس مو معنا ..
سؤال تاني:
ما في الواحد ياخد لاب توب معه؟؟؟
الايرانيين لاااء
5smil 5smil 5smil

والسلام مسك الختام.....

smil1الله يسلم أيديك أخ أياد عل الموضوع الضروري والمفيد

والله يجزيك الخير واياكم
بس دخلك معلم بدي أسألك شو منشان المي هنيك في الواحد ياخد معو برادة صغيرة وفي هنيك ثلج ما ثلج ولا شو الوضع

سيدي الكريم مشكلة الماء مشكلة طبعا هوه متوفر والحمد لله على عكس معسكر الضمير تقريبا لكن الماء البارد شيء غير متعارف عليه هناك

للحل أحد أفراد طاقم المجموعة يحضر برادة معه ويتم شراء الثلج من هناك بالاكياس.

الله يخليلنا ياك ذخر لهلمنتدى يعني خزيت العين حولك خلصت من المعهد و من مع هيك البك عند الطلاب و عم تنصحهم

اللهم اجعل عملي خالص لوجهك الكريم.
ريتوا الف مبروك النجاح و التخرج (بعد الدورة التكميلية يعني )
و ان شاء الله الف الحمد الله على السلامة ولا تنسى
الاتفاق بدنا ندبك بالمعسكر هه

بارك الله بك .

:rolleyes: :rolleyes: :rolleyes: :rolleyes: :rolleyes:
ما فهمت شو يعني ؟؟؟؟؟ 4smil4smil4smil 6smil

بعدين بقلك شو .

شو نسيت انوا نحن ؟؟؟ ولو ما بينخاف علينا
بكرا منشوف .

ضروري وجودوا والا كيف بدي احكي مع ؟؟؟؟؟؟ 4smil؟؟؟؟؟
أهلين شوفو شو بدوا.
أه قصدك مع أهلك موو أكيد بعرف.
اذا ما في اعتبروني مستقيل من هلأ
طيب شو مشان الدبكة مع أني بحياتي مادبكت ولا بحبها

أهلين بالغالي .

والسلام مسك الختام.

VCO-LO

07-23-2008, 06:33 AM

(من أجل وقت قبض الراتب))

بس سؤال يعني الراتب محرز ولا شو !!!!؟؟؟
لانوا مالي ناوي غامر و اترك ادارة شركة مايكروسوفت كرمال 100000 دولار شهريا
فإذا المبلغ منيح حتى نفكر .........
انتوا بشو بتنصحوني 4smil4smil4smil4smil

Eyad

07-23-2008, 07:50 AM

بس سؤال يعني الراتب محرز ولا شو !!!!؟؟؟
لانوا مالي ناوي غامر و اترك ادارة شركة مايكروسوفت كرمال 100000 دولار شهريا
فإذا المبلغ منيح حتى نفكر .........
انتوا بشو بتنصحوني 4smil4smil4smil4smil

أهلا .....

الراتب 150 ل.س + صابونة

طبعا باين انو مرسوم السيد الرئيس تبع زيادة الرواتب ما شمل هادا الراتب

allmaida

07-23-2008, 12:46 PM

السلام عليكم :

شكرا كتير اخونا اياد زكم سؤال :

1- اذا نمسك معك الموبايل هنيك شو اكتر شي ممكن يصير ؟؟

2- نفس السؤال مشان الاكل عالباب كمان شو ممكن يصير ؟؟

3- الشدة ممنوعة؟؟ واذا كانت ممنوعة وكمان نمسكت شو بصير ؟؟

4- الاسعار سياحية هنيك ؟؟ قصدي الكولا التلج ....

5- ممكن يكون في برد هنيك ؟؟ الضمير متل الصحرا يعني ممكن يصير برد بالليل

اما الديماس ... شو وضعها ؟؟

ومشكور سلف حبيب

Eyad

07-24-2008, 04:07 AM

السلام عليكم :

شكرا كتير اخونا اياد كم سؤال :

1- اذا نمسك معك الموبايل هنيك شو اكتر شي ممكن يصير ؟؟

2- نفس السؤال مشان الاكل عالباب كمان شو ممكن يصير ؟؟

3- الشدة ممنوعة؟؟ واذا كانت ممنوعة وكمان نمسكت شو بصير ؟؟

4- الاسعار سياحية هنيك ؟؟ قصدي الكولا التلج ....

5- ممكن يكون في برد هنيك ؟؟ الضمير متل الصحرا يعني ممكن يصير برد بالليل

اما الديماس ... شو وضعها ؟؟

ومشكور سلف حبيب

وعليكم السلام :

1: انا انمسك موبايلي معي وأنا عم اتصل وقت طلعت من المهجع هربا من الضجة وضليت شي ساعة عم أحكي مع الض... وأنا واثق تماما لو ما كان تعبان ما رجعه.

يعني اللواء قائد معسكرات التدريب الجامعي قال يلي بدو يشحن موبايله يروح لقائد الكتيبة تبعه بيشحنله ياه .
بس أنت بتضمن ما يطلعلك يلي أخده ****.
يعني بمعسكر الديماس في رقيب مدعوووووم عم يدور ويفتش على N73 مشان يصادره وبيقول هالحكي بكل جرأة علنا وكمش شي 60 موبايل ورجعهن لأنو ما عجبوه .يعني واحد متل هادا عجبته طاقية أحد الطلا ب بيقوم بقله هي مصادرة وبعدين بيقول انها ضاعت وووو..... .

جوابي الله أعلم أنت وربك شو كاتبلك .

2: مشان الاكل ممنوع ادخال أي نوع من الطعام ايا كان الى الداخل حتى التفاحة بتاكلها خارجا (مكان الزيارة) ثم تدخل .يمكن يسمحوا انو كل واحد يسمح له أول يوم ادخال قطعه واحد (معلبات أو أجبان مثلا)

والله أعلم شو بيصير على وقتنا من تغييرات.

3:الشدة ممنوعة بس كل الخلق عم تهربها لجوا وتلعب فيها على عينك يا تاجر وبس تنكمش بتتصادر وصاحبها منبطحا .

4:الاسعار عادية جدا( بأمر من صاحب ندوات جميع المعسكرات)(الندوة هو مكان البيع أو حتى المطعم) الكولا بـ 15 وفي طبيعي وكيس الثلج بـ 25.

5:هنيك البرد لأنو بردى بيمر من جنبها ونسمات جبل قاسيون عليها نحنا بردنا أخر يومين يلي كانو هنيك زنطروا كل المعسكر.

6:كأنو خلصوا...... أهلا أهلا بالجبيب أهلا على الرحب والسعة .

JAXS

07-24-2008, 05:47 PM

(من أجل وقت قبض الراتب))

والله هي عجبتني تبع ال150 يعني محرزة

ج : ******... فهمكم كفاية

ما فهمت؟؟؟4smil4smil4smil

بس بدي اسألك سيد اياد يعني الواحد قديش تقريباَ ياخد معو مصاري لهنيك؟؟؟؟يعني كمان قديش نعمل حسابنا بقاشيش وما بقاشيش للعساكر هنيك طبعاَ لأنهم بدهم يتعبو معنا مو اكتر

VCO-LO

07-25-2008, 12:08 AM

:الشدة ممنوعة بس كل الخلق عم تهربها لجوا وتلعب فيها على عينك يا تاجر وبس تنكمش بتتصادر وصاحبها منبطحا .

الله محي الزلم .... شو كم صندويشة مراجل اكل

Eyad

07-25-2008, 05:41 AM

الله محي الزلم .... شو كم صندويشة مراجل اكل

السلام عليكم :

هل لي أن أعرف من المقصود بهذا الكلام ...........

MoHammad *

07-25-2008, 07:02 AM

له له يا اياد

لك ليش معصب

بس مافي منك و انت رايق و انت معصب

مبروك الادارة شريك :).........

انا برأي انو تكتروووو المصريات و كل شي بصير

يعني خذلك شي 100 ألف ليرة أو هيك شي

بظن انهم بكفوك طيلة 15 يوم

و بتعيش 7 نجوم متلنا يعني

بكل الحب و الاحترام

الأميـــر

J*O*H*N

07-25-2008, 12:26 PM

لك شو قصتكم شباب والله لو رايحين عالجبهة :eek: ما بتسألوا كل هالأد....
يعني مو ناقص غير تاخدوا عفش البيت معكم :p ......
إن شاء الله بتقضوا إيام حلوة مع البارودة 5smil

لك نيالوااااااااااااااا يلي ما عندو معسكر 5smil

Most Hacker

07-25-2008, 02:21 PM

لك نيالوااااااااااااااا يلي ما عندو معسكر 5smil

الله يجيرنا من عينك 9smil

J*O*H*N

07-25-2008, 09:43 PM

الله يبعتلك أخ صغير ....لأنه مو حلوة ضل شب وحيد...لازم يكون في إلك أخ سند إلك 5smil 5smil

VCO-LO

07-25-2008, 10:28 PM

السلام عليكم :

هل لي أن أعرف من المقصود بهذا الكلام ...........

ولي على قلبي حنعلق مع فريق التميز بعد شوي ... ___ اكيد المقصود تبع المنبطحا --- الله يخليه للماما بيجي بدو يعطي اوامر و يتمرجل و هو ؟؟؟؟؟؟؟؟؟ 6smil6smil6smil6smil

night wolf

07-28-2008, 03:37 AM

Eyad

07-30-2008, 04:12 AM

السلام عليكم

الله يعطيكم العافية على طرح الموضوع المهم
بس عندي كم سؤال ورجاء الرد السريع عليها
1- من شان المصاري يعني أديش بالضبط الواحد لازم ياخد معه لأنه لهلأ ماوصللنا الجواب الشافي;)
2- الأكل كيف بيفتح القابلية ولا.... :(
يعني خرج يتاكل ولا الواحد لازم يصير زبون مداوم عند الندوة:)
3- بالنسبة للطلعة كيف فينا نوصل على المعسكر لحالنا يعني بدون مانجي على الكلية ولا لازم نجي على الكلية لأن عم يقلولنا الواحد لازم يلحق خيمة محترمة
4- بالنسبة للمهجع وللخيمة أي أحسن يعني شو الفرق بيناتهن وكم واحد لازم يكون بالمهجع

ولكم جزيل الشكر

السلام عليكم :

الله وكيلك صرت كاتبه مرتين وهي التالتة وكل مرة ما بيوصل الرد يا أما بيفصل النت وبرجع بكتبة من الاول .

1: المر نسبي بين الطلاب لكن وسطيا (1500-2000) طبعا هادا زيادة
بس يلي بتحتاجهن تقريبا مع الأكل على حسابك وسطيا ما بيوصل للـ 1000

2 : الكل

الفطور زيتون وو (لبن ,مربى مشمش وحلاوة) وشااااااي

الغداء رز ولبن و شي متل المجدرة ولبن ووو حز بطيخ .

العشاء : بطاطا مسلوقة ووبندورة وأحيانا بيض مسلوق أو علبة مسبحة أو فول .

3 :
متل بدك بس أحسن شي تروح لحالك.......... على الأغلب انو من تحت جسر الرئيس بتركب ميكرو مساكن الديماس بيوصلك .

4: كمان الامر نسبي بس على الاغلب الكل رح يكونوا بخيم
اذا بتظبط حماعتك بترتاح كتييييييييييييييير

هادا الرد صار ممسوخ 3 مرات كل ما عيد كتابة المشاركة بينمسخ لحاله .

والسلام مسك الختام .

غسان

07-30-2008, 06:11 AM

عن جد شكرا كتير اياد كفيت و وفيت

ج : ******... فهمكم كفاية.

كتير من الطلاب عم تسأل اصدوا ملابس داخلية على الاغلب ..... و هلأ منقول فهمكم كفاية

بس سؤال يعني بالنسبة للنضافة هنيك شو وضعها ؟ خمس نجوم ؟ ولا .......
لازم نتسبع بس نرجع من المعسكر

Eyad

07-30-2008, 10:35 AM

عن جد شكرا كتير اياد كفيت و وفيت

كتير من الطلاب عم تسأل اصدوا ملابس داخلية على الاغلب ..... و هلأ منقول فهمكم كفاية

بس سؤال يعني بالنسبة للنضافة هنيك شو وضعها ؟ خمس نجوم ؟ ولا .......
لازم نتسبع بس نرجع من المعسكر

النظافة هناك حسب نظافة الشخص طبعا .

يعني في حمامات هلق صحي بعيدة شي كيلوا متر بس الحمد لله في حمامات وفي ماء ما بتنقطع .

حتى أماكن محاسبة القاضي بعيد هيك فوقت بدك تروح بدك تحسب وقت مرور ك هالمسافة . .........زز مشانك انتبه مشان ما ...... .

القصد من الكلام " فهمكم كفاية " ما بعتقد حدا ما عرف شو القصد بس كأن الشغلة عجبتكم يعني ............أأأأأأأأأأأأأأأأأأاخخ منكم .

والسلام مسك الختام .

Bond

07-30-2008, 02:42 PM

Eyad

07-31-2008, 01:43 PM

الله يعطيك العافيــة يا معلم إيااااااااد ..

كتير خيرك كفيت ووفيت ..

معلم سؤال أخـــير بس بماعيتك ..

يللي ما معو بدلــة ..

ما صحلو يا خد وقت صار توزيع بدلات ..

شو وضعو هنيك بس يوصــل ..

لأنو سمعت إنو بيخولنا نضــل لآخر ناس لحتى نقــدر نفوت ..

وبيجوز ما يصحلنا نكــون مع رفقاتنا ..

:(

شو رأيك أنت بالموضوع ؟؟!! دام فضلك ..

وعليكم السلام ورحمة الله وبركاته

اهلا أهلا ....

بالنسبة للبدلة هنيك بقيعطوك وحدة
بس...................

متل ما تفضلت ...يعني جماعتك يلي معك بدهن يستنوا لحتى تيجي أو اذا رب العالمين اكرمك انو الضابط يرضى بسبع طلاب و ثمان هويات ...... بيجوز هه

أو اذا بتعملك شي حركة ملعوبة مثلا اذا أخدوا رفقاتك هويتك وفات واحد من رفقاتكون بدالك منهون لتتسلموا العدة تبعكن ..... بتمشي بس بدها مين يعرف يلعبها هههههههه

تعقيبا على كلامك بشأن التاخر انه لن تكون مع رفاقك أنتم الجميع كل جماعة منكم ستكون في خيمة .......تمام .

إلا غذا عنيت الخيم جنب بعضها .

سيدي هيك هيك رح تجتمعوا هنيك بخيم وبرتها ....فلا تهتم لهيك شي .

والسلام مسك الختام .

king stars

08-03-2008, 04:17 PM

شكراا كتيرر يا صديقي
و المعسكر حلووو كتيررر
6smil6smil6smilthnx

أبو رعد

08-02-2009, 01:17 PM

ع سيرة المعسكر !!!!!!!!!
السنة الاولى وييييييييييييييييييييييييين؟؟؟؟
جواب شافي على حب النبي يا قطقييط

wasim

08-02-2009, 02:40 PM

السنة الاولى بالديماس

WIRELESS

08-02-2009, 04:39 PM

هلأ الاجتماع يوم الثلاثا بالمعهد .... اوك
بس بأي وقت بدنا نكون هنيك ؟
و لو بدنا نطلع لحالنا أيمته أخر وقت معنا لنكون بالمعسكر ؟

يا ريت تجاوبنا ..

hamooz

08-02-2009, 10:03 PM

A_Alakkad

08-03-2009, 01:55 AM

كم سؤال شباب يرجى الأجابة و شكرا
1.بل النسبة للطلعة أنو أحسن نستأجر مكروا و نطلع لحالنا ولا نطلع بل الباصات تبع الحكومة الله يخليلنا ياها
2.أنوا أحسن تعد بخيمة و لا با المهجع لأنوا سمعت أنوا الخيمة بل النهار حراقي و بل الليل سأعي و بيطلعلك عقارب و حيايا وسعادين و شو بيعرفني كمان

أخر شي نعيما لكل مين حلق على القرعةhhh3
حمزة:الله ينعم عليك:mad::mad:
أنا الحمد لله ما عندي معسكر , بس رفقاتي اتفقو أنو يطلعو لحالون , هيك أضمن والواحد ممكن ينقي المكان يلي حابب يقعد فيه أحسن ما هنن يحطوك وين ما بدون

ورأيي بالخمية أحسن بتاخدو راحتكون أكتر , يعني مثلا يلي بيتضايق من الدخان وطالع مع رفقات ما بيدخنو أكيد بالخيمة أحسن , ومشان العقارب والحيايا والسعادين ما في هيك شي إلا ما ندر , وهنيك بيكونو ظراف ما بيقرصو , بيكون بدون حدا يلعب معون

ومشان الحلاقة , ما في داعي تحلقو عالقرعة , المهم يكون الشعر قصير

Excuse me

08-03-2009, 05:53 AM

جزاكم الله عنا كل خير

عن كل ما تفضلتم به علينا

wasim

08-03-2009, 08:05 AM

في شغلة مهمة يا شباب لازم كل واحد يعرف أنو كتيبة هو

و بالنسبة لمعسكر الديماس التجمع رح يكون بكلية الآداب بكرة