سؤال فني

[Most Hacker]

الصراحة هنن أكتر من سؤال و يا ريت يلي بيعرف الجواب ينورنا

الطلاب يلي رسبوا ( يعني متلي :p:p) لازم يقدموا معسكر إنتاجي ولا لأ ؟
و الطلاب الموازي ( كمان يعني متلي :p:p ) أديش بدن يدفعوا بالسنة الجاية ؟ يعني المبلغ كامل و لا نص المبلغ ولا عالمادة ؟!!
و الطلاب يلي كانوا راسبين و هلأ رسبوا مرة تانية (يعني متل شخص عزيز على قلبي) هل رح يتم طردن من المعهد ولا لأ؟
________________________________________
مع تحيات
tzz
نتحدى الملل

[أحمد حيدر الجوني]

تكرم عينك سيد أخي الكريم
وهي الأجوبة على أسئلتك وأنا متأكد من الصحة يعني شغلة 90%
الطلاب يلي رسبوا ( يعني متلي ) لازم يقدموا معسكر إنتاجي ولا لأ ؟
سيد أخي انت مكتوب عليك أنو اتقدم معسكر إنتاجي لمدة شهرين سواء كانو متصلين أو منفصلين أوراسب أو ناجح
و الطلاب الموازي ( كمان يعني متلي ) أديش بدن يدفعوا بالسنة الجاية ؟ يعني المبلغ كامل و لا نص المبلغ ولا عالمادة ؟!!
لا بظن بدك تدفع نص المبلغ فقط لاغير
و الطلاب يلي كانوا راسبين و هلأ رسبوا مرة تانية (يعني متل شخص عزيز على قلبي) هل رح يتم طردن من المعهد ولا لأ؟
لا ما بينطرد بس بيصير أسمو طالب مرسوم والمرسوم يمكن يطلع كل سنة او كل 5 سنين يعني هو وحظو
والشكر الجزيل

[Most Hacker]

لك الله يعطيك ألف عافية
بس بالله شو يعني "طالب مرسوم" و شو هوه هاد المرسوم إذا ما فيها سءلة4smil4smil

[أحمد حيدر الجوني]

طالب مرسوم يعني بدو يستنى لحتى يطلع مرسوم من السيد الرئيس الدكتور بشار الأسد لحتى يقدم فحص وسبق وقلت أنو المرسوم يمكن يطلع كل سنة أو كل سنتين أو....يعني حسب....

[غسان]

طالب المرسوم وهو الطالب يلي استنفذ سنوات الرسوب ...لهيك بيستنا لحتى يطلع مرسوم من السيد الرئيس ...وبيصر وقتها اسمو طالب مرسوم وبيعامل ع هاد الأساس

[mr.ghost]

السلام عليكم ورحمة الله وبركاته


لعيونك أحلى رد ... فقط تصحيح لبعض الأجوبة :



و الطلاب الموازي ( كمان يعني متلي ) أديش بدن يدفعوا بالسنة الجاية ؟ يعني المبلغ كامل و لا نص المبلغ ولا عالمادة ؟!!



يا سيدي الكريم .... في السنة الماضية حصل مقلب مرتب مع طلاب التعليم الموازي فقد كان من الفروض أن يدفع الراسب نصف القيمة فقط ... وفعلاً دفعوا نصف القيمة ، ولكن ...
بعد دفع المبلغ صدر قرار يقضي بدفع الراسب للمبلغ كاملاً أي ( 35000 ل.س )

وذلك بغض النظر عن عدد المواد المحمولة ( 4 أو 14 ) نفس الشي .






و الطلاب يلي كانوا راسبين و هلأ رسبوا مرة تانية (يعني متل شخص عزيز على قلبي) هل رح يتم طردن من المعهد ولا لأ؟


بالنسبة لكلام أخينا أحمد صحيح ، ولكني أنوه لنقطة مهمة :

وهي أنه يمكن لطالب المرسوم تقديم مواده في دورة واحدة فقط ( أي فصل واحد ) ... وليس سنة كاملة ...

وهو بذلك يختار ( فصل أول أو ثاني ) .








تحياتي .. :cool:

[MoHammad *]

له له له

عن جد زعلتني يا رجل

لك ما لقيت ترسب غير بالمعهد التقاني للحاسوب :confused::confused:

................

انشاء الله بتكون خير و لا يهمك شريك السنة الجاية .........

تقبل مروري

بكل الاحب و الامنيات

الأميـــــر

[dragon]

بس بحب نوه أنو طلاب الموازي يلي رسبوا السنة الماضية
دفعوا المبلغ كامل 35000
بس بعد شي 4 أو 5 تشهر رجعولن نص المبلغ

[JAXS]

ا سيدي الكريم .... في السنة الماضية حصل مقلب مرتب مع طلاب التعليم الموازي فقد كان من الفروض أن يدفع الراسب نصف القيمة فقط ... وفعلاً دفعوا نصف القيمة ، ولكن ...
بعد دفع المبلغ صدر قرار يقضي بدفع الراسب للمبلغ كاملاً أي ( 35000 ل.س )

وذلك بغض النظر عن عدد المواد المحمولة ( 4 أو 14 ) نفس الشي .


هلق هاد الحكي صار للطلاب الدفعة القديمةيعني يلي رسبو قبل تطبيق النظام الجديد يعني جماعة التقانة وما التقانة بس عأساس أنو الدفعة الجديدة بتدفع نصف المبلغ فقط



4 أو 5 تشهر
هاهاهاها شو مشان عم تكتب بالعامية زيادة انتة شو تشهر ما تشهر
بعدين والله يا شريك يعني شلون زبطت جماعة التي سي سي تقبض بعدين ترجع؟؟؟

[gege]

بس بحب نوه أنو طلاب الموازي يلي رسبوا السنة الماضية
دفعوا المبلغ كامل 35000
بس بعد شي 4 أو 5 تشهر رجعولن نص المبلغ


رجعو لمين والناس نايمين:eek:
حبيبنا أنا ماعرفت كيف دبرت نص القسط التاني
بس بجد إذا كنت متأكد من هل معلومة ياريت تفيدنا أكتر :cool: