من المسؤول عن فساد اخلاق الشباب فتيان و فتيات في عصرنا الحالي

[أحمد حيدر الجوني]

سؤال ياريت كل واحد بيقرأه يجاوب عليه
أما أنا هاد جوابي
اكيد طبعا المسؤول الاول هم الاباء ومن بعدهم المؤسسات التعليمية لياتي بعدهم دور الاعلام لانو مع كامل الاسف كل من هؤلاء فقد دوره الحقيقي في تاطير االاجيال وتنشاتها النشئة الصاحة وتربيتها على اسس ومبادء الدين السمح والاخلاق الفاضلة

[نور الدين]

السلام عليكم
من المسؤول عن فساد اخلاق الشباب فتيان و فتيات في عصرنا الحالي
والله مو أنا حتى في عندي شهود ...........:D

وهاد جوابي:
1- وسائل الإعلام المرئية والمسوعة
2- المجتمع
3- ترك الأهل الأبناء لمدرسة الشارع لتربيتهم وذلك على مبدأ الشارع بربي رجال
وأنا برأي الشارع بربي للنار....
4- أصدقاء السوء(شباب و بنات)
وأخيرا شكرا لك صديقي أحمد على الموضوع
تقبل مروري.
********************

[allmaida]

اهلا اخي احمد :

انا برأي انو مو المهم شو الاسباب هلأ بس المهم انو اذا انسأل هاد السؤال

بعد عشر سنين ما نكون احد هي الاسباب والانجاز الاعظم انو نحسن نقلل من هي الاسباب

مشكور اخي احمد عالسؤال وتقبل رأيي المتواضع

[JAXS]

من المسؤول عن فساد اخلاق الشباب فتيان و فتيات في عصرنا الحالي

والله هاد هاكان ياكين كل الحق عليه لأنو لولا ماكان صار شي
بعدين السبب التاني هوي التفلزيون اللعين يخرب بيتون على هالاغاني يلي بطالعوها
بعدين السبب التالت هوي التننانير للفتيات والواكس للشباب 6smil6smil

ويلي بدو يعرف مين هاكان ياكين يستنى لبعد المعسكر لأنو هي أخر فوتة بدي فوتها من هون لوقتها لانو بكرة طالع عاللادقية يلي هيي سبب من اسباب فساد الشباب بقا دعولي ما افسد عالطريق بس بدي ضل حاطط حالي بالبراد مشان ما افسد يعني عندي ارادة والحمد لله

[MIDO]

ملعوبة


المهم خيو حمودة

انا بتوقع انو المسؤؤل عن افساد اخلاق الشباب
هوو هالمجتمع العربي الفائس
بما يحمله من افكار قديمة ................

[FREEDOM MAN]

مين قلك أنو في فساد أخلاق ؟؟؟؟؟؟؟؟؟
يعني ليش هيك بتسمو الحضارة و الانفتاح فساد ؟؟؟

لإيمتى حنبقى بهالتفكير القديم يلي بذكرني بجدي و ستي

و برأيي إذا في مين مسؤول عن هالشي فهوة انت و كل مين متلك طبعا (مع كامل احترامي و بدون زعل)

بعتذر إذا كان كلامي صريح زيادة بس ياريت تتحملوني لأنو جد الموضوع زاد عن حده

[gege]

حبيبي فريدوم بس حبيت قلك شغلة
التفاحة الفاسدة مو بس مابتعرف إنها فاسدة بل بتظن كل يلي حوليها منزووع وبالي
والأسوء منهيك بتحاول تفسد البقية

بقى فهمها متل مابدك

وأنا من جهتي:cool:

ما بعتذر إذا كان كلامي صريح زيادة
لأنو جد الموضوع زاد عن حده زياده

[يونس]

الفساد منا وفينا
حاسبوا انفسكم قبل ان تحاسبوا

[بنت الشام]

السلام عليكم ورحمة الله وبركاته
بصراحة أنا بوافق أخي نيسم لأنو للأسف صار كل واحد فينا بحس بالفشل يلقيه على غيره حتى ينفد حاله بس أنا برايه أنو السب هو الشخص نفسه يعني ليش مو كل واحد فينا براجع حاله ، أنا بعرف شخص مقرب إلي كتير كان عايش ببيئة شبه فاسدة يعني الاب والام والاخوات فاسدين شو رايكن رح يكون مصير هاد الشخص (طبعاً هاد الحكي موجه للاعضاء يلي القوا السبب على الاهل والمجتمع ) هاد الشخص هلأ أنا بعتبره الان من أحسن الناس ديناُ وأخلاقاُ وعلماُ كل القصة انو هاد الشاب حس بخطأ اهله واتجه للطريق الصح
يعني الشاب او الفتاة لمل يصيروا بعمرنا مو معقولة ما يميزوا بين الصح والخطا هلأ بالبداية لما يكون الشص طفل أكيد المسؤولين هنن الاهل من خلال التربية بس بعدين اكيد كل واحد فينا عندوا عيون وشايف
الخلاصة ماحدا مسؤول عن حدا
ارجو انو تكون فكرتي وصلت للكل وكمان بتمنى انو تتقبلوني عضوة جديدة بالمنتدى وشكرا

[mahmoud]

مين قلك أنو في فساد أخلاق ؟؟؟؟؟؟؟؟؟
يعني ليش هيك بتسمو الحضارة و الانفتاح فساد ؟؟؟

لإيمتى حنبقى بهالتفكير القديم يلي بذكرني بجدي و ستي

و برأيي إذا في مين مسؤول عن هالشي فهوة انت و كل مين متلك طبعا (مع كامل احترامي و بدون زعل)

بعتذر إذا كان كلامي صريح زيادة بس ياريت تتحملوني لأنو جد الموضوع زاد عن حده

هي ابداً ما اسمها حضارة .. بعدين مين قال عصرنا أحسن من عصر جدك وستك

ع الأقلية كان من زمان النا حجمنا يلي الكل بيعرفه لما التزمنا بيلي الله خلقنا لأجلوا

فطلع منا العلماء الفارابي والخوارزمي وغيرن ..يلي الغرب لهلأ بينظرن نظرة احترام

اما نحا فلا .. ليش خلينا نكون متل علمائنا ..لأن هي الحضارة يلي بتناسبنا

التزموا بالأخلاق فقامت حضارة لا تتضاهيها حضارة ولو ضلوا على ما بدؤوا عليه لاستمرت حضارتهم أكثر

فلنا في علمائنا أحسن قدورة تحتذى

[A_Alakkad]

مين قلك أنو في فساد أخلاق ؟؟؟؟؟؟؟؟؟
يعني ليش هيك بتسمو الحضارة و الانفتاح فساد ؟؟؟
وقت تشوف البنت والشب واقفين بنص الطريق , وعم يعملو السبعة وذمتها وشغلات كتير ...... الواحد بيستحي يذكرها , هاد أكيد إنفتاح بس هاد مو حضارة ؟ وطبعا ً الكل بيعرف إنفتاح على شو ..
لإيمتى حنبقى بهالتفكير القديم يلي بذكرني بجدي و ستي
طيب إذا كان هاد الشي - تفكير ستك وجدك - غلط برأيك فهل حاولت تصلحو , ولا بس شاطر بالحكي والنقد يلي بلا طعمة ؟؟
و برأيي إذا في مين مسؤول عن هالشي فهوة انت و كل مين متلك طبعا (مع كامل احترامي و بدون زعل)
معناها أنت ما دخلك بهالشي أبدا ً بالعكس أنت بحكيك هاد عم تصلح الشي يلي نحنا خربنا

بعتذر إذا كان كلامي صريح زيادة بس ياريت تتحملوني لأنو جد الموضوع زاد عن حده
ليش عم تعتذر ؟ ليش في شي غلط حكيتو ؟ أنا يلي بعرفو أنو إذا الواحد ما كان غلطان فما في داعي يعتذر , إلا إذا كان متأكد أنو غلطان بس عم يكابر على غلطو .


الفساد منا وفينا


طبعا ً نحنا المسؤولين عن هالفساد , يلي طبعا ً زاد بسبب الشغلات يلي ذكرتوها , وبما أنو نحنا المسؤولين عنو معناها نحنا يلي منقدر نغير الوضع , ومشان نحل هالشغلة برأيي كل واحد يفكر بطريقة بحسن فيها حالو , وبعدين ببلش يصلح غيرو أما إذا الواحد هو منزوع وبدو يصلح غيرو فما بظن أنو يطلع بإيدو شي , لأنو متل ما بتعرفو فاقد الشيء لا يعطيه ...

[يونس]

المسؤل الاول والاخير هم الاهل
thnxthnxthnxthnx

[Nour]

مين قلك أنو في فساد أخلاق ؟؟؟؟؟؟؟؟؟
يعني ليش هيك بتسمو الحضارة و الانفتاح فساد ؟؟؟

لإيمتى حنبقى بهالتفكير القديم يلي بذكرني بجدي و ستي

و برأيي إذا في مين مسؤول عن هالشي فهوة انت و كل مين متلك طبعا (مع كامل احترامي و بدون زعل)

بعتذر إذا كان كلامي صريح زيادة بس ياريت تتحملوني لأنو جد الموضوع زاد عن حده

ليش هيك الحضارة برأيك؟؟؟؟؟؟؟!!!!!!!!!!!!!!!!!!!!!!!!
الحضارة هو الإنفلات والقرف يلي شايفينو بهالدنيا

ياأخي اذا بضل هيك عمرك ماحتتعلم شي مفيد بحياتك ولاحتنجز شي ولا حيعتزوا فيك الأجيال يلي بعدك

يا أخي انت ليش هيك تفكيرك ضد الاسلام وضد الأخلاق
المسؤول عن سوء الأخلاق للأسف هو يلي الناس من أمثالك عذرا يعني بس عم احكي بشكل عام أي حدا بفكر متلك حيكون واحد من هالفساد يلي بالعالم
بعدين ليش بتسمي الحياة الراقية الصالحة يلي مافيها تخبيص متل هلأ شي قديم

أخي بدك تعرف الحضارة كون عندك علم انو الحياة الصالحة يلي فيها أخلاق هي الحضارة وطبعا كل شي متطور بالعلم واختراعات حلوة بتكون من الحضارة

الله يعينك ويهديك