ليلة الرجوع من المعسكر :d

[PrisoN BreaK]

السلام عليكم كيفكم شباب شو اخباركم اشتئنالكم وخصوصي جماعة المعسكر :d
بدي اخد رأيكم بلمعسكر يلي ساويناه من كل النواحي يعني شو رأيكم فيه و شو برأيكم الفوائد يلي فيه ازا كانت موجودة او السلبيات يلي فيه وشو اسوء الشغلات يلي كانت فيه ....
والتلام عليتوم ورحمة الله وبركاتو ....

[allmaida]

وعليكم السلام

اول شي حبيب القلب حمادة نحنا اشتقنالك بالاكتر

تاني شي في فوائد بس مو كتيرة مثلا :

- شوي الاعتماد على النفس
- وانو حسينا بالنعم يللي عايشين فيها ببيت اهلنا ومو حاسيين فيها بنوب

وفي شي اسمو ايجابيات مو فوائد وبظن اهم وحدة :

- جمعتنا نحنا الرفقات مع بعض ( ان كان لعبة طابة او شدة او مزح سئيل مع بعض او اي شي ....)

اما السلبيات .......... :

- الأكل ........
- تكسير النفوس بشكل رهيب .......
- الابتعاد عن الكومبيوتر
- الدبان .......
- الشوووووووووووب
- ...................
- ...................

يعني هدول هنن تقريبا بس الحمد لله جد انا من جهتي كتير انبسطت وانشالله باقي الشباب بكونوا هيك كمان

مع كامل الحب allmaida

[JAXS]

أيييييييييييييييييييييييييه أي شو هالمعسكر هاد والله شغلة
بنبلش بالايجابيات :
عندك الرياضة تيع الساعة 5 الصبح كتير مفيدة بس ليلي عملها مو الي يعني:d
وعندك المحاضرات الهامة جداّ يلي تهدف لتوعية الطلاب ونشر الثقافة كانت مفيدة بس كمان ليلي حضرها يعني كمان مو الي:d
وعندك كمان شحن المبايلات كان شي مفيد لأنو تعلمنا كيف نسرق كهربا مشان الشحن
وكمان تعلمنا الهريبة من الضباط يعني هاد شي مفيد جداَ
هلق منبلش بالسلبيات:
اول شي الفيقة الصبح بالمي مشان تعمل الطلاب الرياضة المفيدة
تاني شي البهادل والكلام اللطيف مشات تطلع الطلاب من الخيم لتحضر المحاضرات الهامة
تالت شي الحلاقة عالصفر والسجن ليلي بيسرق كهربا أو بيهرب من الضباط
رابع شي البرغل والحجار
خامس شي الرز الملبصن
سادس شي الفاصوليا والمرقة الحمرا وطبقة الزفر يلي عالوش
سابع شي الكوسا والمرقة الحمرا يلي مدري شو دينا
تامن شي المعكرونة الحمرا ومشروع اللحمة يلي معا
تاسع شي الصوص المسلوق والبرغل
عاشر شي المربى والزيتون المعفن والعياذ بالله
واكيد مارح ننسى الحلاوة الملكية ايييييييييييييه هي شغلة :(:(:(
ولا الشاي........وليييييييييييييييييي عالشاي
المهم انو هاد اسوأ شي بالمعسكر بس والله انو انبسطنا كتير واتسلينا واكيد انو الشباب هنيك ما قصرو بنوب يعني والله انو عوضولنا هالشنططة والعذاب وعطو كل طالب 150 ليرة حلال زلال وكمان صابونة غار يعني شي بعوض شي

المهم بدي قدم التعاذي لكل مين اتصورخ او اتبويا او اكل سطل مي وبقلو انو ياخدها بروح رياضية وانا اكلت وحدة منهم هاه يعني كلو مزح

واخيراَ أهلا وسهلا فيني بالمنتدى من جديد:d:d:d:d

[lasko]

:D:Dاخي ابو حميد كلشي بالجيش للجيش الا الرياضة إلك :p:p:p
سلام

[zeus]

أكيد صديقي لاسكو ..... مشان هيك أنا وياك ..
لعبنا رياضة كل يوم وما هربنا بنوب ...
بس صدقا ,,, أكتر شغلة استفدتها بالمعسكر ,,, اكتشفت حقيقة و نفسية
بعض شباب المعهد

سلاااااااام

[***fox***]

مسا الخير لكل الشباب اللي راحو واللي ما راحو عالمعسكر

المعسكر وما أدراك ما المعسكر ........

من اول يوم فقت على صوت الزمور الخارق للعادة وخصوصي إنو كنت نايم عالطرف

وبعدين أكلت أنينة مي باردة عالريق ......

وجربت كل المقالب من شباب خيمتي (جاكس & ...........) وأكيد هنن جربو كمان كم مقلب

والحكي عالمعسكر والأكل والفيقة بكير والكلام الظريف اللي سمعنا من الضباط ما بيخلص

وطبعا متل ما إنو في مساوئ في محاسن بس المساوئ أكتر بكتييير

وحاصل الكلام إنو تخورفنا بهالروحة ومشي الحال

ومشان التعازي أخي جاكس مو محرزة لأنو مشي الحال .......

سلام ......

[night wolf]

السلام عليكم يا أحلى شباب بالمعسكر

المعسكر ........
بالنسبة لي شخصيا المعسكر كان تجربة حلوة عشتها مع أحلى شلة شباب بالمعهد
وأنا بصراحة انبسطت بهل تجربة بالرغم من هل كم سلبية يلي ما قصر أخي جاكس بذكرها...
وأكتر شي استفدت منو بهل معسكر هو:
الرياضة الصباحية ورياضة كرة القدم يلي زادولي لياقتي بشكل جيد والحمد لله
وأكبر دليل هو ماقاله... حبيبنا لاسكو الغالي ...
كلشي بالجيش للجيش الا الرياضة إلك :p:p:p

وتاني شي استفدتوا ماذكره الغالي zeus ويلي هو معرفة بعض الناس على حقيقتها
ومعرفة بعض الأشخاص ذات النفسيات المرحة....

والشي المهم كتير ويلي حسيتوا بالمعسكرهو :
قيمة النعم العظيمة يلي نعيشها كل يوم في البيت وماكنا نقدرها
وبالفعل متل ما بيقولوا
((لا يشعر بقيمة النعمة إلا من يفقدها))
والشي الأخير يلي عجبني أنو
عشنا الجو تبع ((عسكرية دبر حالك))
يعني جو الإعتماد على النفس ويلي يمكن يضطر أي شخص بهل كون أنو يعيشو افي بعض مراحل الحياة

و بحب وجه سلام لشباب الخيمة يلي صار في بيناتنا خبز وملح وبطاطا وبيض مسلوق (يلي ممكن يتاكلوا بصراحة لأنو مابدهن فن طبخ)
وشاي ومعود وزيتون ولحمة(ويلي....:( :( :()

وفي الختام السلام لكل الغوالي
..أصدقاء المعسكر..