من أهم اسباب ضياع بعض الشباب في مجتمعنا ؟ [الأرشيف] - (¯`·._.·منتديات التميز الدمشقي·.

butterfly

11-20-2008, 11:45 AM

جميع الأسباب التي ذكرتها صحيحة مية بالمية يعني أكيد وسائل الإعلام إلها دور كبير بضياع الشباب وكلنا لاحظنا قديش صاير في هبوط بقيم الفن إن كان بالفيديو الكليبات أو حتى الكلام وكمان بزيادة القنوات الفضائية يلي عم تحاول تنشر الثقافات الغربية أو تأقحم مسلسلاتهن وعاداتهن
تاني شي أكيد قلة الدين بتسبب بضياع الشباب لأنو صاير أغلب العالم دينهن بس بالهوية وهون لازم يكون الأنسان هو عندو شي يدفعوا لحتى يقوي إيمانوا
أما تالت شي ويلي هنن رفاق السوء فهاد سبب كتير مهم وكتير وارد بس ما بعرف يمكن رأيي غلط بس الواحد إذا كان في عندو حصانة وضمير فمستحيل يحط رجلوا بالغلط ولو حاولوا رفقاتوا يسحبوه
وبعد كل هاد الحكي أنا رأيي أنو السبب الأساسي هو سوء التربية أو إذا صح التعبير غياب الأهل عن أولادهن هون هي النقطة يعني أكيد إذا تعودنا من ونحن صغار أنو ما نخبي شي على أهلنا و فتحوا مجال الحوار والمناقشة فهون ممكن كتير يتحسن الوضع لأنو هيك رح يتعود ولحتى يكبر أنو ما في شي لازم يتخبى عنهن هيك بكونوا الأهل غطوا سببين من الأسباب يلي ذكرتها وهنن رفاق السوء ووسائل الإعلام و أسفة عل الإطالة