بعض الأستفسارات ...

[قفص الحرية]

السلام عليكم ورحمة الله وبركاته

مررحباا .. مدراء و مشرفين وأعضاء منتدى معهدنا المتواضع

في عندي كم سؤال وياريت ما يجاوب عليهم إلا يا أما مسؤول أو شخص ذو خبرة بالجواب



السؤال الأول :

أذا ما قدمت مذاكرات .. يعني في بعض المذاكرات ما قدمتها .. شو الحل ؟


السؤال الثاني :

اذا رسبت أول سنة .. بقدر عيد سنتين ولا سنة وحدة لكل سنة ؟

وكم عدد دورات الإكمال ؟


السؤال الثالث :

في حال ما حضرت جميع المحاضرات يعني تغيبت كتير عن المحاضرات بس بسبب طبعاً مو بدون عذر

و قدمت الاختبار والمذاكرات بأوقاتها .. في مشكلة هيك ولا برسب اذا ما حضرت ولا بينقصني بس

درجات



انتظر الإجابات .. ومشكورين سلفاً

[قفص الحرية]

يعني مافي ولا مسؤول عن هيك امور بهالمنتدى ؟

شو القصة بالضبط ؟

[JAXS]

وعليكم السلام
انا لالي مسؤول ولالي وزير بال100 هلا بس يمكن احسن فيدك

السؤال الأول :

أذا ما قدمت مذاكرات .. يعني في بعض المذاكرات ما قدمتها .. شو الحل ؟

الحل انو تحكي مع الاستاذ المسؤول عن المادة وتجبلو تبرير لغيابك بوقت المذاكرة يمكن يعدلك ياها واذا ما مشي الحال قدم التقرير للمدير ....واذا ما مشي الحال راحت عليك....بس التبرير مهم...يعني شقفة تقرير طبي مثلاَ من عند اي دكتور



السؤال الثاني :

اذا رسبت أول سنة .. بقدر عيد سنتين ولا سنة وحدة لكل سنة ؟

حسب ما بعرف انو بتحسن تعد بالمعهد كلو 4 سنين بس مالي متأكد يعني معك سنتين رسوب بس

وكم عدد دورات الإكمال ؟

عالاغلب الدورة التكميلية بتكون بالسنة التانية بس ولمرة يعني باخر السنة التانية عندك دورة تكميلية واذا رسبت لا سمح الله وعدت السنة التانية برد بحقلك دورة تكميلية


السؤال الثالث :

في حال ما حضرت جميع المحاضرات يعني تغيبت كتير عن المحاضرات بس بسبب طبعاً مو بدون عذر

و قدمت الاختبار والمذاكرات بأوقاتها .. في مشكلة هيك ولا برسب اذا ما حضرت ولا بينقصني بس

درجات

بالنسبة لمحاضرات النظري فعادي اما العملي فبرحلك علامات يعني علامة الحضور بس .... وكمان بتقرير طبي بيمشي حالك ......كلشي بصير يعني



انا هيك حسب معلوماتي انشالله تكون مزبوطة وكون فدتك

سلاااااااااااااااااااااااااااااااااااااااااااااااا ام

[>>>]

عالاغلب الدورة التكميلية بتكون بالسنة التانية بس ولمرة يعني باخر السنة التانية عندك دورة تكميلية واذا رسبت لا سمح الله وعدت السنة التانية برد بحقلك دورة تكميلية

[/color]

بس لحنا قلنا أستاذ الرياضيات أنو السنة غير شكل قال
أنو بأول الصيف شو في مواد حاملها الطالب بعيدها واللي مامشي حالهن بضلو للسنة التانية يعني صار في تكميلية بالأولى
موفقيييييين

[JAXS]

بس لحنا قلنا أستاذ الرياضيات أنو السنة غير شكل قال
أنو بأول الصيف شو في مواد حاملها الطالب بعيدها واللي مامشي حالهن بضلو للسنة التانية يعني صار في تكميلية بالأولى
موفقيييييين


هلق كان النظام انو اذا حملت مادة مثلاَ الرياضيات من الفصل الاول كان فيك تقدمها الفصل الثاني ...أما هلق صرت تقدمها بالصيف ...يعني بس هيك القرار اما اذا حملت مادة فصل تاني فما بحقلك تقدمها للسنة الثانية انا هيك سمعت
اما الدورة التكميلية فهيي للسنة التانية بس لانو بالصيف بتقدم كل المواد يلي حاملها من الفصل الاول او الفصل الثاني او السنة الاولى حتى.....يعني هي تبع السنة الاولى مو دورة تكميلية بس بدال ما تقدم مواد الفصل الاول بالفصل التاني صرت تقدمها بالصيف

واذا حدا عندو غير هالمعلومات يا ريت يقللنا ياها

سلاااااااااااااااااااااااااااااااااااااااام

[قفص الحرية]

طيب يسلمو على المعلومات ...

لانو انا بغيب كتير عن المحاضرات بسبب بعض الظروف

سلاموو .. مشكورين مرة ثانية

[MoHaNeD]

مرحبا اخي انا رح فيدك من الاخر
ولا تسال حدا بس اذا حابب تتاكد تاكد مافي مشكله


اما بالنسبه للسؤال الاول : لاء عيوني لازم تقدم كل المذاكرات لانو اذا راحت عليك مذاكره بدون عذر شديد خلص مشي الحال وماعاد فيها اعاده
اما اذا غبت بسفر او مرض خطير بعيد عنك ممكن يعدوها الك


السؤال الثاني: هلاء اذا اضريت انك ترسب السنه الاولى فبيصحلك تعيد سنه وحده تانيه بس اما اذا رسبت الثانيه فبدك تستنى مرسوم اجباري
اما اذا كنت بالسنه الثانيه ورسبت مرتيني فبيصحلك دوره من خارج المعهد بس شلون ط
ريقتها على النظامالجديد مابعرف بدك تسال يعني كم ماده بيحقلك وشو فيها وشو عليك
اما الدوره التكميليه هلاء والحمد لله صار في نظام جديد الي هو دوره تكميليه لكل السنوات وبتقدم كل المواد المحموله من الفصلين
انا هيك براي احسن من النظام الجديد حاكم انا جربت كل الانظمه


السؤال الثالث : اخي بالنسبه للحضور لازم تحقق 75 بالميه من الحضور يعني بصحلك 3 او 4 غيابات عن الدرس فقط العملي يعني النظري مو مهم هي من عندي عم قلك مو مهم بالنسبه للحضور
امنا للدراسه مهم جدا
بس يعني لاتغيب احسن والله لانك رح تنتضر كتير كمان

وهي كل الاجوبه على اسئلتك عيوني وموفق بدراستك

[قفص الحرية]

مشكوووور والله ,,

هي السنة شكلي رح روح فيها هههه

يسلمو ,, سلامو