إياك أن تكون أسير (المطابخ)....

[أحمد حيدر الجوني]

كان لي صديق حميم اسمه (سعيد) وأقرب صديق إلى قلبي,كان طموحا ويمتلك عدة أهداف وكان كل هدف من أهدافه يحتاج لألف رجل حتى يحققه نعم لقد كان رجلا بألف رجل, عائلته من العائلات المتوسطة(ماديا ونسبا) بل أقل من المتوسطة ولكنه يملك عقلا يحسده عليه كل الشباب في مدينتنا,وفضلا عن ذلك فقد كان ناجحا وذكيا وقويا وكانت كل عائلة من عائلات مدينتنا تقول لولدها: يجب أن تكون مثل(سعيد) فلذلك بات كل شاب في مدينتا يحسده.
قد كان من أحد أهدافه أن يبني شركة برمجيات كبيرة وتكون أكبر شركة برمجيات في الشرق الأوسط بل وتضاهي بكبرها شركة مايكرو سوفت ,ولا أخفي عليكم فقد كنت أراه يحقق حلمه وكنت أصدقه فشاب بمواهبه وذكائه يستطيع فعل مايريد ولا يعرف المستحيل,وطبعا كان يعمل ليلا ونهارا ولا يكل ولا يتعب ولا يمل من أجل تحقيق هدفه.
ولكنه كان (ماديا) وكان همه الوحيد (كيف يحصل على المال) حتى في دراسته فقد كان يدرس وينجح ليس من أجل النجاح فقط ولكن أيضا ليس من أجل التفوق بل كانت كل دراسته من أجل الحصول على العلامات التامة وكان يفعل . وهذا الأمر - وللأسف - الذي جعله أسير (المطابخ).
وبدأ سقوطه عند زيارة أحد أقربائه له من أميركا واسمه (وائل) وقد حدثه وائل عن عمله في أحد المطاعم بأميركا وهذا العمل عبارة عن غسل الصحون وتحضير بعض الأطعة وقد أخبره أيضا عن المال الكثير الذي يجنيه من عمله هذا .
بدأت الفكرة تسري في عروق (سعيد) وأصبح يتشوق لذلك العمل للحصول على ذلك المال يا للأسف إن أميركا لا تأخذ عقولنا فقط بل أيضا تحطمها وتجعلها تنساق وراء التفاهات .
فيما بعد قرر (سعيد) السفر إلى أميركا وغاب لمدة خمس سنوات وكانت تأتيني أخباره بين الفترة والأخرى وأسمع عنه الكثير وكان كل ما أسمعه يدمي القلب ويدمع العين.
الشاب الذي كان هدفه أن يبني شركة لا يستطيع على بنيانها ألف رجل أصبح يغسل الصحون في المطاعم الأمريكية وكم من شاب مثله من شباب أمتنا الأسلامية بل وأكثر منه طموحا وعقلا وذكائا وحكمة,ولكنه في آخر الأمر يذهب إلى مقر الفساد ليبني هناك تاركا أحلامه وأمانيه ليصبح أسير المطابخ.
وبدلا من أن يبني دولته وأمته يذهب إلى دولة غريبة وهي مركز الانحطاط ليبني فيها...

الشكر الجزيل لقرائتكم......

[Golden man]

كلام جميل جدا صديقي...thnx

بس الشي يلي منزعل عليه أكتر، هو العباقرة يلي أًصلهم عربي و عمروحوا و يغذوا الأجانب بعلمهم و ابتكاراتهم....

ياترى شو السبب؟:confused:

[Bond]

ياترى شو السبب؟:confused:

معقول ما بنعرف شو السبب !!
:eek:

[night wolf]

معقول ما بنعرف شو السبب !!
:eek:

مابعرف ياغالي
بس يمكن هه مو أكيد :rolleyes:

لأنو
:cool: الدراهم كالمراهم :cool:

والدراهم عنا دوبها عم تكفي حق مراهم:p

بس يا معلم والله بالنسبة قلي وكرأي شخصي
5 ليرات بأرض الشام بتسوى ملايين الليرات برات الشام

بكفي عايشين بأمان ياصاحبي ماحدا عايشوا بالكون كلو وبكفي أنو هي الأرض يلي تكلم عنها الرسول صلى الله عليه وسلم وعن عظمة مكانتها

وغير هيك وهيك لاتنسى أنو
..الغربة كربة..

...مع كامل تحياتي والسلام...

[zeus]

معقول ما بنعرف شو السبب !!
:eek:



ولو .. مبينة ..


لا فائدة من كونك نافعاً ...
في مجتمــعٍ لا يستحق نفعك ...

[zeus]

وغير هيك وهيك لاتنسى أنو
..الغربة كربة..


عزيزي ..
انك تكون غريب برا البلد .. أشرف بمليون مرة من انك تكون غريب ببلدك ..

ركز معي منيح .. "غريب ببلدك "
وبتمنى ما حدا يفسر كلامي اني عم شجع جلي الصحون بأميركا ..

وشكرا عالموضوع .

[SCORPION]

معقول ما بنعرف شو السبب !!


اكيد منعرف بس شر البلية ما يضحك

بكفي عايشين بأمان ياصاحبي ماحدا عايشوا بالكون كلو

صحيح بيكفي عنا في امان كتير كبير و كل الناس سواسية و ما حدا احسن من حدا

و الموظفين بيشتغلوا بكل ضمير و كل انسان عنا بياخد كامل حقوقوا و ما بأدي غير واجباتوا

و الشرطة عنا بيضبطوا نظام السير و بيخالفوا كل شخص بيستحق المخالفة

و ما حدا بيكبسهم 500 على قولة صديقي العزيز جاكس

ووووووووووووووو .... الخ

بس شو بدك بالحكي الوطن غير

الله معكم ..

[bmatbs5688]

:p و الله أنا بعد مطبخ بيتنا 3 خطوات بضيع بدي سافر:confused: وعلى مطبخ أمريكي:D
وشكرا على الموضوع الجميل

[أحمد حيدر الجوني]

قبل كلشي بشكر كل مين مر عالموضوع وشارك فيه....
وصدقوني كل مين حط مشاركة معو حق بس والله الواحد بيحتار شو يحكي
بس الشي يلي منزعل عليه أكتر، هو العباقرة يلي أًصلهم عربي و عمروحوا و يغذوا الأجانب بعلمهم و ابتكاراتهم....
والله أنا بتمنى من كل قلبي أنو هالعقول تبني ببلدها
بس لما اسمعت كلام أخي scorpion
صحيح بيكفي عنا في امان كتير كبير و كل الناس سواسية و ما حدا احسن من حدا

و الموظفين بيشتغلوا بكل ضمير و كل انسان عنا بياخد كامل حقوقوا و ما بأدي غير واجباتوا

و الشرطة عنا بيضبطوا نظام السير و بيخالفوا كل شخص بيستحق المخالفة

و ما حدا بيكبسهم 500 على قولة صديقي العزيز جاكس

ووووووووووووووو .... الخ
صرت ما بعرف شو بدي قول...
بس بدك الحق scorpion الشعب عنا جبان أي نعم جبان وبقولها بكل قلب محروق
يعني مثلا بالنسبة لشرطة المرور لما بيعمل الشعب مشكلة عليهم ساعتها بيرتدعوا وما بيقدروا يعملوا شي ....
وبالآخر بقول الله يقوينا وردنا لديننا ردا جميلا
لأنو ما عم تصير فينا هالمصايب إلا لابتعادنا عن الدين.....
والشكر الجزيل

[Most Hacker]

بس بدك الحق scorpion الشعب عنا جبان أي نعم جبان وبقولها بكل قلب محروق
يعني مثلا بالنسبة لشرطة المرور لما بيعمل الشعب مشكلة عليهم ساعتها بيرتدعوا وما بيقدروا يعملوا شي ....



قال يا فرعون مين فرعنك...........قله ما حدى ردني
نحنا يلي منعمل هالة لمجموعة من الناس يلي ما بتستاهل قشرة بصلة و منقعد منخوف حالنا منهن
إن كان شرطة المرور و لا غير شرطة المرور
بس يحكي الواحد كلمة الحق يلي لازم تنحكا.........ضغري بيطلعلوا 100 واحد عاهة.......على هسسسسسس و بسسسسس و أنا بعرفك شي؟ ..و من وين جاية هاد؟
!!!!!!!!!!!!

[أحمد حيدر الجوني]

بس يحكي الواحد كلمة الحق يلي لازم تنحكا.........ضغري بيطلعلوا 100 واحد عاهة.......على هسسسسسس و بسسسسس و أنا بعرفك شي؟ ..و من وين جاية هاد؟
!!!!!!!!!!!!

ممكن أعرف شو قصدك

[Bond]

:cool: الدراهم كالمراهم :cool:

والدراهم عنا دوبها عم تكفي حق مراهم:p


الموضوع غير مادي يا صديقي عــلى الإطــلاق ..

ركز معي منيح .. "غريب ببلدك "

في جملــة تانيــة انحكت تمثل قمــة الاجحاف بحقنا كعقول مفكرة ناشئــة ..

حابــة تخدم البلد ..

الشعب عنا جبان أي نعم جبان

دائماً نحنا بنتسلى بموضوع هجرة الشباب ..

ونكثر الحديث حوله ..

والأسباب المطروحــة دوماً واقعية جدا ..

وما يضفي عليها الواقع ...

هو لمسها لأحاسيسنا باللهجة الساخرة ..

التي تجعل كل منا يشير الى نفسه باصبع الاتهام ..

على مضض أقولها .. بإذن اللــه سأضحي مغترباً ..

وسأشق طريقي هناك ....

تفكيري بهذا بعد التخرج ان شاء الله لن يكون لأن لي معارفا هناك ..

أو لضغط مادي (لا سمح الله - الا ان ضاقت الحال ) ..

وانما لقناعتي بأن بلادنا المحروسة ..

مقبرة خبرات ..

وخربة طموحات..
.................................................. .................................................. ..............................
Bond

[Eyad]

قال يا فرعون مين فرعنك...........قله ما حدى ردني
نحنا يلي منعمل هالة لمجموعة من الناس يلي ما بتستاهل قشرة بصلة و منقعد منخوف حالنا منهن
إن كان شرطة المرور و لا غير شرطة المرور
بس يحكي الواحد كلمة الحق يلي لازم تنحكا.........ضغري بيطلعلوا 100 واحد عاهة.......على هسسسسسس و بسسسسس و أنا بعرفك شي؟ ..و من وين جاية هاد؟
!!!!!!!!!!!!

كلام من ذهب لامع يضيء درب مليئا بالأشواك الصغيرة التي نراها كبيرةبسبب نظارات وضعنا بأيدينا نحن ونحن فقط ...

وعلى ذكر الشرطي يعني كمان الشباب الطيبة يلي بقصدهم هلق وهنن الشوفيرية كل واحد بيتحرى كيف يعمل شغلة ضد القانون وقت بينمسك بيجي كيفك سيدنا وال 25 سابقا بإيدوا

يعني لو كل واحد بيلتزم حده بيعمل واجبه وبيسأل الله يسلي اله كان كل شي بأحسن حال
يعمي بالنسبة الي ليش لأعطي الشرطي رشوة أو ما تسمى 25 وانا بعرف حالي أني مخطأ

الله يفرج أحسن شي .

[zeus]

ناهينا عن الشوفيرية والشرطة ..
أنا اليوم وصلت باحساسي الوطني للذروة .. من بعد ما زرت شعبة التجنيد !!!

[أحمد حيدر الجوني]

ناهينا عن الشوفيرية والشرطة ..
أنا اليوم وصلت باحساسي الوطني للذروة .. من بعد ما زرت شعبة التجنيد !!!
:d:d:d:d:d:d:d:d:d
يعلى قطاطك هلئ ما لقيت تتزكر أحساسك الوطني إلا بهيك أرنة