جميع أوامر الدوس

[A_Alakkad]

السلام عليكم .
يوجد في المرفقات مرجع باللغة العربية لمعظم تعليمات الدوس التي ستمر ضمن مادة نظم التشغيل لمختلف الأقسام .


وإن شاء الله يكون مفيد لكم , كما استفدنا منه في السنة الماضية عندما أعطانا منه الأستاذ ياسر .

[>>>]

مشكووور يا معلم اجا بوقته...........
سلام

[>>>]

يتشكرك مرة تانية
بس مو مكتوب شي عن الملفات الدفعية بالكتاب.................. انت عندك خبرة
بتلزمنا بكرة بالفحص ولا .........................
سلام

[A_Alakkad]

السلام عليكم .
بالنسبة للملفات الدفعية حسب علمي :
أول شي مهمتها تنفيذ عدة أوامر دوس متتالية .
يمكن أن يدخل فيها شيء من البرمجة (if,for) وما إلى هنالك .

كيفية كتابتها : أهم شي أنو تكون لاحقتها .bat , وممكن تساوي هاد الشي عن طريق المفكرة أو عن طريق edit يلي بالدوس .

مثلا إنشاء ملف دفعي لتفريغ محتوى مجلد temp الموجود في C:
أول شي بدنا نسمي temp.bat مثلا ً :
ومنكتب فيه :

DEL C:\TEMP\*.*
هيك بيحذف كلشي ملفات داخل هالمجلد .
وإذا بدنا نحذف كلشي لاحقته TXT

DEL C:\TEMP\*.TXT
وفي شوية تعليمات ممكن تفيد بالملفات الدفعية :
ECHO OFF
بيصير الملف الدفعي بيشتغل بدون ما تشوف التعليمات يلي عم بينفذها .

PAUSE
بينتظر المستخدم ليضغط على شي حرف على الكيبورد .

@
يشبه الأمر الأول لكنه يتم تنفيذه على سطر واحد فقط يعني ما بيعرض السطر على الشاشة .

نفس المثال السابق لكن مع بعض الإضافات :

@ECHO OFF
DEL C:\TEMP\*.*
PAUSE
هيك بيصير البرنامج تبعك بيحذف محتوى مجلد TEMP وبدون ما تشوف شي عالشاشة , بس بيسألك إذا متأكد من حذفون ؟ (YES/NO)
وآخر شي بتطلعلك عبارة PRESS ANY KEY TO CONTINUE

وطبعا ً ما ننسى أنو * بتعبر عن عدد من المحارف أو الأرقام
و ؟ بتعبر عن محرف واحد أو رقم

ونصيحة تعلموا الملفات الدفعية منيح لأنو بتفيدكون كتير بعدين .

وأي سؤال أنا جاهز .

[>>>]

مشكور يا حبيب
منردلك ياها بالأفراح........