الأولمبياد السوري للمعلوماتية Soi

[Golden man]

الأولمبياد السوري للمعلوماتية SOI

كلنا نسمع بالأولمبياد السوري للمعلوماتية الذي يجري كل عام في نهاية الشهر السابع تقريبا
و لكن نحن كطلاب معهد كمبيوتر يجب أن يكون لنا تفاعل خاص مع هذا الحدث
التنموي الرائع الذي تقوم به الجمعية العلمية السورية للمعلوماتية و لكن للأسف الكثير من الطلاب
يهملون هذا الأمر تماما و لا يسألون عنه

الأولمبياد المعلوماتي يفسح المجال أمام كل مبرمج لتطوير قدراته البرمجية و التي أصبحت أمرا هاما جدا و خصوصا
كتابة خوارزميات معقدة نوعا ما عن تلك البسيطة التي ندرسها في المعهد و لكن الأمر طبعا يبقى سهل لمن يريد التعلم
و ما يزال مستوى هذا الأولمبياد لطلاب المدارس تقريبا حيث يحوي شرطا أن يكون المشارك دون 20 سنة و لكن طبعا
لا يوجد مشاركة فعالة إلا من طلاب المعاهد و الجامعات بسبب عدم وجود طلاب مدارس مبدعين بالبرمجة بشكل ملحوظ

المهم: كل شخص عمره دون 20 سنة مدعو للمشاركة في الأولمبياد السوري و التصفيات التي تجري على الانترنت
أو في مقر الجمعية و من كان طموحه للعالمية ففي كل عام يتم اختيار أفضل 4 أشخاص من المشاركين في الأولمبياد السوري
لإرسالهم إلى الأولمبياد العالمي IOI الذي يجري كل عام في بلد مختلف و في 2008 سيكون في مصر

للمزيد من المعلومات الدخول إلى موقع الأولمبياد السوري و الاطلاع على مناهج التدريب و الدورات السابقة

الموقع : http://www.aoi.org.sy/soi/

[يونس]

الله يجزيك الخير يا man

[Haboosh]

ليش تحت العشرين :(

يا ترى بياخدو مشاركاتنا بعين الاعتبار إذا ما توفر عندهم العدد المطلوب

باعتبارنا فوق العشرين

:confused:

[Golden man]

سبب أنو تحت العشرين لأنو الأولمبياد العالمي بيحتوي هذا الشرط و هاد الأولمبياد (العالمي) يعتبر مثل ما ذكرت من قبل أنو لطلاب المدارس و بالنسبة للطلاب فوق العشرين أو طلاب الجامعات في مسابقة عالمية خاصة فيهم و تسمى acm بس لسة الأنظار عندنا مو موجهة لهي المسابقة لعدم وجود الأهلية بالطلاب و هي طبعا أصعب و تعتمد على العمل كفريق من كل جامعة

بس بالنسبة لعدم قبول مشاركات ذوي الأعمار يلي أكبر من 20 ما عندي فكرة بدك تسألي بالجمعية

[SYR_SNIPER]

انا شاركت وسجلت ببالموقع الأمريكي وحاولت اقرا الدروس بس بصراحة صعبة عليي انا لسا ما عندي خبرة بالمؤشرات والإجرائيات
وحتى مافي وقت اتعلمها لانو انا بالمواد النظرية مو كتير منيح ( عربي و قومية ) ولازم ننجح فيهن هلأ وبعد نصف السنة بتفرغ للبرمجة بشكل كامل :(

[أبو يامن]

والله انا فتت على الموقع

اذا كان العمر فوق 20 ما بيقدر يشارك كمتنافس ..
بس يعني للتأكد ...لازم نسأل بالجمعية ..
لان عند جهينة الخبر اليقين ...

مشكور غولدن مان على الخبر ..

واذا نحنا راحت علينا ..بالتوفيق للاجيال االقادمة


بكل الأمل ..أبو يامن

[Most Hacker]

أنا بصراحة أتمنى جداً المشاركة في هذا الأولومبياد و كنت أتحسر على حالي كتير عندما كنت شوف عنه في التلفزيون كمتفرج فقط بس المشكلة أني ما وصلت بمستوايي البرمجي لمرحلة بتسمحلي أدخل بنشاطات متل هيك و هاد الشي بيزعلني كتيييييييييييييييييييييير:(:(:(

[أبو يامن]

أنا بصراحة أتمنى جداً المشاركة في هذا الأولومبياد و كنت أتحسر على حالي كتير عندما كنت شوف عنه في التلفزيون كمتفرج فقط بس المشكلة أني ما وصلت بمستوايي البرمجي لمرحلة بتسمحلي أدخل بنشاطات متل هيك و هاد الشي بيزعلني كتيييييييييييييييييييييير:(:(:(


صديقي ...
لا تتحسر على نفسك ..بل اعمل عليها ..

لان من علمني معنى الكلمات ..علمني ان الانسان ليس ما هو عليه ...بل ما يطمح بالوصول اليه

وتذكر ان الذين يعلمون اليوم ...في احد الايام لم يكونوا يعلمون ..

الى من علمني معنى الكلمات ..شكراً..

بكل الود ..أيو يامن

[SYR_SNIPER]

أبو يامن كلامك جواهر

انا اشتركت بالموقع وصرت بالدرس الثاني ^^ اصلا الدرس الأول جاهز
المهم شو رايكون انو نشترك كلنا او الي حابب ونناقش المسائل المطروحة بهي الصفحة ؟
الموقع كتير حلو وفي أشيا كتير معقدة وفيها تحدي

الموقع :
http://train.usaco.org/usacogate

[Golden man]

يا شباب يلي حاسس حالو مو قد الموضوع مو مشكلة الأمر مو صعب بس بدو عزيمة و اصرار على التفوق

موضوع لغة البرمجة بظن مو عائق لأنو على كل الأحوال لحتتعلم اللغة بالمعهد و اعتبر أنو التدريب على الأولمبياد هو بدال اللعبة يلي بتلعبا لأنو التنين فيهو تحدي بقا خلينا نستفيد من هالتحدي بشي مفيد

[SYR_SNIPER]

انا عملت الطلب التاني والي هو :
برنامج يقوم بأخذ عبارتين ويحولهما غلى ارقام ويقارن باقي قسمة كل منهما على 47 فإذا كانتا متساويتين كان النتيجة GO وإلا كانت STAY

البرنامج عملتو وكل شي تمام وحلو بس الكومبايلر تبعهون بيعطي نتائج غير مثلا في حالة انو كان الناتج متساو للعبارتين بس كانت واحدة منهون لاتساو طول التانية عم يطلع STAY بس هو لازم يطلع GO بما انهون متساويتين الظاهر ان الكومبايلر تبعوهن عم ياخد قيمة وهي الصفر لما مايلاقي عنصر بالمصفوفة او هيك شي ما بعرف اما باقي الاختبارات ناجحة طبعا كل هاد للمثال 2 الي اشترك بإمكانو يشوفو

بذكر بالموقع الأمريكي :
http://train.usaco.org/usacogate

[SYR_SNIPER]

الحمد لله مشي الحال بعتلهم رسالة والله حلو صحيح ما وصلني رد على ايميلي
بس صلحو الخطأ بالبرنامج وصار يعطي نتائج نفس الكومبايلر تبعي :D
بس انا بدي اعرف goldenman شلون زبطت معك انت والشباب الي قبلك ؟ لول

[SYR_SNIPER]

ممكن سؤال GoldebMan
انا بدي اعرف شو الأشياء الي ممكن استعملها بالبرنامج تبعي مثلا : انت واصل لل chapter 2 يعني حليت 21 مسألة بتتذكر وين بلشت تستخدم التوابع والمؤشرات ؟ لانو انا عم لاقي صعوبة بكتابة هي البرامج بالطريقة العادية متل ما اتعلمنا :
اولا بيطلع الرنامج طويل عالفاضي ومابيطلع مرتب ويمكن تضطر تكتب تعليمات اكتر من مرة لانو التكرار ما رح ينفع معهون.

=====
انا علقان بالمشكلة التانية تبع توزيع الجوائز :P:D

[Golden man]

البرنامج عملتو وكل شي تمام وحلو بس الكومبايلر تبعهون بيعطي نتائج غير مثلا في حالة انو كان الناتج متساو للعبارتين بس كانت واحدة منهون لاتساو طول التانية عم يطلع STAY بس هو لازم يطلع GO بما انهون متساويتين الظاهر ان الكومبايلر تبعوهن عم ياخد قيمة وهي الصفر لما مايلاقي عنصر بالمصفوفة او هيك شي ما بعرف اما باقي الاختبارات ناجحة طبعا كل هاد للمثال 2 الي اشترك بإمكانو يشوفو
صديقي في أمر مهم جدا و هو أن الكومبايلر الخاص بالموقع بيعمل على اللينوكس و نظام اللينوكس ما بسمح بأي خروج عن المصفوفة (بيعطي خطأ و بيوقف البرنامج) يعني مثلا إذا عرفت مصفوفة من أربع عناصر و استدعيت العنصر الخامس بيتوقف البرنامج و بيعطي خطأ بينما باستخدام Microsoft visual studio ما بيعطي أي خطأ و بيقرأ القيمة و كأنو الأمر نظامي و هي المشكلة لازم تنتبهلها كتير لأنو هي من الأخطاء الصعب كشفها بعد كتابة البرنامج لأنها تحدث أثناء التنفيذ

انا بدي اعرف شو الأشياء الي ممكن استعملها بالبرنامج تبعي مثلا : انت واصل لل chapter 2 يعني حليت 21 مسألة بتتذكر وين بلشت تستخدم التوابع والمؤشرات ؟ لانو انا عم لاقي صعوبة بكتابة هي البرامج بالطريقة العادية متل ما اتعلمنا :
اولا بيطلع الرنامج طويل عالفاضي ومابيطلع مرتب ويمكن تضطر تكتب تعليمات اكتر من مرة لانو التكرار ما رح ينفع معهون.

صديقي الأمر مو استخدام توابع أو مؤشرات الأمر انت كيف بتحب تبرمج و تأكد تماما أن البرنامج ما رحينفتح و ينقرأ الكود أبدا يعني خبص متل ما بدك بالكود بس المهم يكون الخرج صحيح
بس أنا غالبا بحل البرنامج باستخدام توابع في بداية الأمر و بعدين بحولها للـ main لأنو استدعاء التابع بياخد وقت بالتنفيذ و أحيانا بتحتاج لأجزاء من الثانية ليشتغل برنامجك و ينقبل على كل الاختبارات
و بالنسبة لمؤشرات ما بنصحك تستعملها أبدا بهي البرامج لأنها قابلة للخطأ و الاختلاف من نظام لآخر و الحل البديل أنك تعرف ببداية الكود المتحولات بشكل عام global بحيث بتتسع لأكبر قدر ممكن من البيانات المذكورة في نص المسألة

انا علقان بالمشكلة التانية تبع توزيع الجوائز
هي مسألة سهلة جدا و لسة ما بلشت بالمسائل الحقيقة لسة بأول الطريق يعني هي المسألة مو بحاجة لأي خوارزمية يعني بس لازم تكون بتعرف تكتب كود بشكل جيد
ملاحظة : استخدم فيها البنية struct بيصير الحل بسيط للغاية

[SYR_SNIPER]

شكرا إلك على المعلومات المفيدة

[SYR_SNIPER]

الحمد لله انحلت المشكلة الثانية

جاري حل الثالثة : خوارزمية معرفة عدد أيام الأسبوع التي تصادف 13 من كل شهر على مدى س من السنين ( مع اعتبار عدد أيام الأشهر والسنة الكبيسة )

[Golden man]

مبروك

فكر باستخدام باقي القسمة لحل السألة الجديدة

[SYR_SNIPER]

والله حليتها صح وحتى جربت على مدى عشرين سنة باستخدام الإكسل طلع نفس النتائج بس مع الموقع طلع غير نتائج >_>
على كل حال لازم تزبط بإذن الله
وشكرا للدعم ;)

[freak boy]

ياجماعة صوت الحق صوت الحية اجى صوت الجميع نسر الطلاب والطالبات وصاحب النفس العميق لا لأفنان
لا لسبع بلاوي لا لكل المدايقات الأستاذية نعم لهيتو نعم لحيدر صوت الحق لأصحاب الحرية
انتظرو الاصدار الجاية والبلوة القادمة سلااااااااااااااام
اه سلمولي على أفنان;):rolleyes:

[SYR_SNIPER]

واااااااو
1- معرفة الخطأ
2- حل للمسألة الثالثة ( يوم الجمعة الثالث عشر )
3- والأهم اكتشاف BUG في Microsoft Office Excel 2007 لووووول بعدين بقلكن شو هية :d
4- الانتقال إلى المسألة الرابعة

[SYR_SNIPER]

الساعة الثانية بعد منتصف الليل و حلت المسألة الحمد لله
وصلت chapter 1.2 بعد طلعان الروح بمسألة العقد المقطوع وان شا الله مستمر للآخر وبشكر اخي goldenman للدعم والمساعدة والأستاذ حيدر والآنسة هيتو ^^ ( الحمد لله في تفاعل معي ) شكرا إلكن

[Golden man]

مبروك خطوة جيدة

المسألة القادمة لها أكثر من حل فكر بالمصفوفة البوليانية (هذا 50% من الحل)

[SYR_SNIPER]

وأخيرا تم حل المسألة السادسة بنجاح
لم استخدم المصفوفة البوليانية في هذه المسألة , استخدمت الفرز الفقاعي لترتيب المصفوفة ومن بعدها حلقات تكرارية وفقط ^^:D

المسألة الي بعدها لسا ما قريتها ( رح اكمل دراسة التوابع والمصفوفات بشكل كامل او على الأقل كافي بعدين بحل المسألة السابعة لانو اعتقد بحاجة إلى وسائط توابع على شكل مصفوفات )

شكرا جزيلا أخي Golden فعلا Golden ;)

[Golden man]

مبروك صديقي

ولكنك استخدمت الحل الأصعب و الذي يحتاج جهد أكثر أما باستخدام المصفوفة البوليانية لا تحتاج إلى أي فرز

الآن أصبحت في مسألة Transformations و حلها هو عبارة عن مجموعة اختبارات ركز على بساطة الحل قدر الإمكان لأنك في الأولمبياد لا تملك من الوقت الكافي للحلول المعقدة

[SYR_SNIPER]

Problem 7 DoNe :)
خلصنا من المسكلة السابعة تبع الtransform والله اكتر مسألة لقيتها سهلة ومابدها كتير شغل
هلا واصل مسألة name the number ان شا الله بحلها شي كم يوم لانو عندنا كتير مذاكرات الجمعة الجاية وكمان انا مسافر الجمعة الي بعدها
SlaaMz

[Golden man]

ممتاز .
بالتوفيق بالمذاكرات و السفر .
صديقي المهم هو الاستمرار بحل المسائل و ليس هناك مشكلة بالانقطاعات و لكن يجب عليك العودة .
المسألة التي وصلت إليها يمكن أن تحل بعدة طرق أحدها أسهل و أسرع بكثير ركز على مصدر المعلومات التي تريد مقارنتها .

[AMT]

شيئ مشجع بالفعل... أتمنى أن أراك في فريق دمشق لأولمبياد هذا العام وفي الفريق السوري أيضا
ولكن ممكن أن أعرف مواليدك؟؟
وماسبب التوقف؟أعتقد أن آخر مشاركتك في هذا المقال كانت في 22\11

[Golden man]

صديقنا Syr_sniper سافر على الامارات و عميدرس هندسة معلوماتية و كان من أكثر الشباب تفاعلا مع الأولمبياد .

على كل حال أنا قلتله أنو يشترك عن طريق الإمارات و ممكن الفريق السوري هي السنة يلتقي فيه بمصر إذا تم ترشيحه.

و على ما أذكر عمره بيأهله أنو يشترك سنتين .

[SYR_SNIPER]

السلام عليكم والله اشتقنا للمعهد ولسوريا بس مابيد حيلة
مشان الغشتراك بالمسابقة واللهي وصلتني رسالة لتأكيد اشتراكي بس طبعا انا لست موجودا بسوريا :(
وشان المشاركة بفريق الإمارات انشالله بيكون ابتداء من السنة القادمة لانو هذه السنة عندي بعض الظروف لن تساعدني اما بالنسبة لمواليدي اظن انو فيني اشارك حتى يصبح عمري 20 سنة اليس كذلك ؟
يعني 3 مرات ابتداء من السنة القادمة لانو عمري لسا ما صار 18 ^_^ << :d

انا اتوقفت حاليا عن حل المسائل شوي لانه عندي برنامج عم اشتغل فيه وآخد كل وقتي والحمد لله وصلت بالدراسة للفصل السادس من كتاب الدوهجي وبدأت ادخل في مفهوم البرمجة غرضية التوجه Oop

[Executioner]

السلام عليكم ورحمة الله وبركاته

على سيرة ال usaco شو قصة مسألة ال Rectangles إمبين أنو مسألة بدها مخمخة،

ياريت شي حدى يساعدني

مثلا يحطلي الحل تبعو، أو يحطلي الحل تبعو، أو برأيي يحطلي الحل تبعو...:p
عم امزح

على أقل تقدير هيلبوني شوي بإعطائي شوية أفكار

حاكم صلي فترة منيحة مالي مشتغل بلغة السي بلس بلس

والسلام على من يريد الاشتراك بالأولمبياد ومن لا يريد.

[Golden man]

صديقي ....


فكرة الحل كما يلي :


لديك 24 طريقة لوضع المستطيلات أي 24 تبديل و لكل تبديل يوجد 16 طريقة لتدوير هذا الشكل ...


المهم لكي تصل إلى أصغر حجم للمستطيل الغلاف يجب عليك تجريب جميع الاحتمالات لتوضع هذه المستطبلات .


المسألة تحل بطريقة عودية.