حصريًا .. صور أجمل النساء‎

[الناصر]

أحبتي الكرام

السلام عليكم ورحمة الله وبركاته

جئتكم اليوم بصور لاجمل النساء
أرجو أن تنال إعجابكم



.

.

.

.

.

.

.

.

.

.




الصورة الأولـى
امرأة حافظة لكتاب الله ,, وتطبق ما فيه من أحكام


الصورة الثانية
امرأة تتخذ من صحابيات رسول الله صلى الله عليه وسلم قدوة لها


الصورة الثالثة
امرأة لا تلتفت لأي دعوة من هنا أو هناك تدعوها لخلع حجاب العفة والطهارة والحياء

الصورة الرابعة
امرأة بارّة بوالديها.. تقوم بواجباتها في كل المجالات

الصورة الخامسة

امرأة مطيعة لزوجها ، تطيعه في كل ما لا يغضب الله تبارك وتعالى ، وتكون له عونا ورفيقا

الصورة السادسة
امرأة تمنع عن نفسها لذيذ النوم ، لتقف بين يدي الله تعالى تصلي له وتسأله الأجر والثواب

الصورة السابعة
امرأة تصوم النافلة ، ابتغاء رضوان الله تبارك وتعالى ومحبته وبركته



الصورة الثامنـة
امرأة تصون لسانها ولا تخوض في أعراض الناس

الصورة التاسعة

امرأة لا تنظر إلى ما حرم اللهُ تبارك وتعالى

والصورة العاشرة

امرأة تقدم الزوج والولد والمال والروح في سبيل الله عز وجل ونصرة الإسلام




هؤلاء هن ملكات جمال الدنيا بامتياز

أسأل الله أن يبارك في نساء المسلمين وأن يحفظهن ذخراً لهذا الدين العظيم

[Gözyaşı]

الله يقدرنا نكون مثلهن ... والله هن الفائزات مو بس ملكات جمال بامتياز ...

[4U'rEyesOnly]

موضوع جميل وقيم ... جزاك الله خيرا أخي
لكني أظن أن كل الصور من الممكن أن تكون موجودة في الواقع و حقيقية ما عدا الصورة الثامنة !!!

[نسيم]

شكراً أخي الناصر على الصور الرائعة
كتير حلو أنو الوحدة تجاهد لتصير مثل هالصور ولو بنسبة 80% والله يهدينا ويهدي كل نساء المسلمين

اقتباس المشاركة الأصلية كتبت بواسطة 4U'rEyesOnly لكني أظن أن كل الصور من الممكن أن تكون موجودة في الواقع و حقيقية ما عدا الصورة الثامنة !!!

بلا شو !
لا هي كبيرة كتير والله أنا برأي أنه هي الصورة ممكنة
يعني مو معقول تقول أنه يمكن في وحدة تكون صاحبة للصورة الثانية وهي:امرأة تتخذ من صحابيات رسول الله صلى الله عليه وسلم قدوة لها ....ومالها من أصحاب الصورة الثامنة
أكيد ما بيجتمعوا ! ولا شو برأيك؟

[4U'rEyesOnly]

اقتباس المشاركة الأصلية كتبت بواسطة نسيم يعني مو معقول تقول أنه يمكن في وحدة تكون صاحبة للصورة الثانية وهي:امرأة تتخذ من صحابيات رسول الله صلى الله عليه وسلم قدوة لها ....ومالها من أصحاب الصورة الثامنة

مزبوط .. بس في شغلة ما انتبهتي عليها .. وهية انو " تتخذ من الصحابيات قدوة لها " بس مو ضروري تكون متلهن !! يعني مثلا لما بتسألي أي مسلم مين قدوتك حيجاوب بأنو القدوة هو الرسول صلى الله عليه وسلم .. مع انو مو بالضروري يكون ملتزم .. و يمكن يكون أبعد ما يكون عن الدين وعن الأخلاق العالية ...
وبعدين ليش دايما بتحاولو انتو " البنات " تتهربو من الواقع.. يعني هالشي صحيح وواقعي وحتى مثبت علميا إذا بدك !!

شوفي هالرابط و هاد كمان !

[Gözyaşı]

اقتباس امرأة تصون لسانها ولا تخوض في أعراض الناس

النساء أغلبهم بيستغيبوا ومو بس النساء ... بس غيبة عن غيبة بتفرق .. مو كل النساء يخضن في أعراض الناس بالعكس حتى قلال .. أما الغيبة موجودة مافيني أنكر هالشي ... والله أعلم ...

[الناصر]

أهلا و سهلا و باللي شاركو بالموضوع
الله يحفظكم من كل سوء و يجعلكم ذخرا لهذا الدين العظيم
و السلام عليكم

[نسيم]

ياأخي هي الروابط مالها علاقة بموضوع كلام المرأة بالأعراض

فلقد وجد في تلك التجربة أن المرأة تتحدث يوميا في المتوسط 16215 ±7301 كلمة، بينما يتحدث الرجل 15669± 8633 كلمة

ليس من الضرورة أنه النساء وقت بيتكلموا أكتر من الرجال يكونوا عم يتكلموا بالأعراض بل يمكن يكونوا عم يحكوا عن نفس الموضوع بس كل واحد فيهم بيتكلم بموجز أو بالتفصيل وهي يلي بتسموها ثرثرة

أنا بقول وبعترف انه النساء أكثر كلاماً من الرجال لأن النساء أكثر عاطفة من الرجال ومنشان هيك دائماً بتعبر عن مشاعرها بالكلام ولأن هيك الله خلقنا يعني الجملة نفسها إذا بده يقولها الرجل والمرأة, الرجل بيقولها بكلمتين والمرأة بتقولها بأربع خمس كلمات

اقتباس المشاركة الأصلية كتبت بواسطة 4U'rEyesOnly وبعدين ليش دايما بتحاولو انتو " البنات " تتهربو من الواقع.. يعني هالشي صحيح وواقعي وحتى مثبت علميا إذا بدك !!

أنا مابعصب إذا قلت أنه أنا أو المرأة منحكي كتير بس بعصب لما بتقول إنه مافي امرأة ما بتتكلم بالأعراض

صدقاً أنا ما بحكي بالأعراض ولا ماما ولا خالاتي ولا حتى رفقاتي ... بحياتي ما سمعت حدا من معارفي بيحكي بهاد الشي وإذا صار وانساق هيك حديث بشي جلسة فوراً بتتكلم وحدة من الجالسين وبتقول:

الله يستر على العالم مادخلنا وبتتغير القصة

أنا هيك تربيت وهاد يلي بعرفه

وفي الختام السلام عليكم ورحمة الله وبركاته

[4U'rEyesOnly]

مسا الخير ...

أول شي بحب وضح شغلة ... نحنا ما اتفقنا شو يعني مصطلح العرض .
انا برأيي العرض مصطلح أوسع بكتير من اننا نحصرو بإطار ضيق وهو إطار " الشرف " ... أنا ما قصدت انو الخوض في الأعراض هوي الحكم على الناس بعدم الشرف أو الابتعاد عن الأخلاق العامة.. يعني لما انسان بيحكي على إنسان تاني بغيبتو انو قصير أو بخيل أو بينتقد لبسو أو طريقة تصرفو أو ...أو ..... ما بيكون خاض بعرض هالشخص ؟؟
أنا هاد قصدي وبعرف انو الحكي عال( شرف ) بمجتمعنا عند النساء قبل الرجال هوي من الأمور اللي تعتبر خطوط حمرا ما بيصير حدى يحكي فيها .

و بعتذر اذا سببت أي حساسية أو ازعاج لحدى بالمنتدى ..